أولا :
دفاع المنطقه المتقدم والإعتماد كليا على مصيدة التسلل أمر خطير جدا خاصه وانه مافيه ضغط من لعيبة الوسط على الفريق الثاني .. يعني بالأمس لاعب السد تاباتا كان يلعب الكور وهو مرتاح من فوق لعيبة دفاع الهلال مما سبب خطورة كبيره.

ثانيا :
التقدم الجماعي في ضربات الزاويه وإهمال المنطقه الدفاعية هو عمل فني بحت .. فكان من الأجدر ابقاء احد المدافعين (ديقاو او الدعيع) في المنطقه الدفاعيه وعدم تقدمه لضربات الزاويه خاصه وانه الفريق كان متقدم بالنتيجه ..

ثالثا :
عبداللطيف الغنام افضل بمراحل من حبيبنا كاستيللو .. تمنيت يوم كانت النتيجه تقدم الهلال انه يزج بالغنام او سلطان البيشي لتدعيم الدفاع وتضييق المساحات

رابعا :
ياسر القحطاني ومحمد الشلهوب وكاستيللو .. بالتأكيد راح تكون الحيويه قليله او معدومه بالأصح وخاصه مع طريقة 4/4/2

خامسا :
الفرق الأخرى تلعب على أظهرة الهلال وبالذات الشهراني لعدم وجود مسانده له من لاعبي المحور وعدم وجود وسط ايمن يسانده مثل ويليهامسون

سادسا :
العابد .. يحتاج وقفه اداريه لمحاولة ارجاعه إلى مستواه والبعد عن الأمور الجانبيه واللي تأثر بمستواه




هذي النقاط بشكل سريع

الله يوفق هلالنا في قادم المباريات

نتمنى نجاح الكوتش سامي ولكن يحتاج انه يغير شوي من الفكر الأوروبي اللي مايصلح للعيبتنا

والله ترتيبك في المؤخره في سلم ترتيب المجموعه
يعطي نتيجه الى ان مافي شي اسمه حوار مفتوح الله يسلمك

تعاقدنا مع فايز السبيعي بمبلغ وقدره وتعاقدنا مع الشيعان بمبلغ وكان حسن العتيبي الافضل من الاثنين بدون منازع هضم حقه فرحل وهو الاولى

يسلم الشمراني على روحه وحب الانتصار

تكفون فكونا من سامي

نريد مدرب اولمبي الهلال ستامب

شكراً على التغطية
وبالتوفيق للهلال ان شاء الله في المباريات القادمة

افضل حل هو عدم حضور مباريات الهلال القادمة

حتى تعي الادارة ان الزعيم الملكي له جمهور تحطم من مستوى الفريق السيئ جداً والادارة تكابر في الاستمرار بسامي الجابر

انا بصراحة ما اقدر اشوف مبارات الهلال القادمة ضد السد لاني مو ناقص اتعب اعصابي زيادة صراحة رفعوا ضغطنا بزيادة

نبي حارس على مستوى بديل للسبيعي وهو الواكد في الأولمبي ومدافع ايضا بديل للدعيع وهو موجود في فريق الأولمبي وكاستيلو يرحل ايضا للان كاسيلو يلعب وفكره في المشاركه في كأس العالم ولا بد من جلب ضهير ايمن الى متى واحنى نلعب على انفسنا .
والأداره من ثلاث مواسم وهي ف تدهور ما ادري تم التجديد معهم على ايش والمركز الأعلامي لابد ان يكون هناك بديل ك عادل التويجري لما يملكه من جرئه ورد صارم لجميع من يتطاول على الهلال فالهلال اصبح جدار قصير الكل يتطاول عليه لا من كبير ولا صغير .
نررررررريد حل يا اداره ونريد قرارات صارمه فلن يحصل الهلال على نصف بطوله بهذا الوضع السيء والمتدهور
والله يا جماعه شي غريب ومريب الى يحصل السكوت علامه الفشل والتطاول علامه ان ما عندك احد يعمل

الف شكر واتنمى ان يصل صوتى لمسؤل محب للكيان لحل المصيبه التى يقع فيها ولابد ان تحاسب جميع اللعيبه بالخصم من مرتباتهم العاليه . كما اتمنى من سامى الجابر ان يكون صارم مع جميع اللعيبه ويحملهم المسؤوليه كامله داخل الملعب واي لاعب متهاون يتم الخصم من مرتبه واضافه تمارين اضافيه له . احترافنا في الهلال بالاسم فقط وليس بالفعل فأتمنى ان يصحوو اللعيبه من سباتهم العميق ويفكرو في عقودهم ويحتمون الكيان الى يلعبون له او يطلبو الرحيل .

تقبل مروري

السلام عليكم

لم يقدم الهلال ما يشفع له, مستوى هزيل وحراسه سيئه ودفاع لأعلم ما دوره, هل الخلل في الخطه ام في الاعبين.
نيفيز حفظ للهلال ماء وجهه وكان المواجهه كانت بين السد ونيفيز!!!!

انبح صوتي او بالاصح تكسر كيبوردي وانا اقول التنظيم الدفاعي هو مهر اسيا.. للاسف سامي يطبق خطة كشف التسلل بالله من جدك ياسامي؟ دفاعك مو منظم ولا فيه ترابط مع الوسط وتطبق كشف التسلل Crazy

والادهى الهلال متقدم ولا يزال فاتح اللعب والسد هو اللي يلعب على المرتدات حتى بالبلاستيشن ماتضبط

كاستيلو للاسف الكل يمدحه كا اسم لكنه ثقيل جدا رصاصة ازفلت فقط مافيه تغطية للدفاع تمريراته زي وجهه اقلعوه الله يقلعه

في راي ان في مباراة سباهان والسد من اضاع المباراتين سامي بالتغيرات الغير منطقيه
والمشكله الاكبر ان سامي لم يتعلم الدرس من مباراة سباهان ونفس الاخطاء تقع في مباراة السد

بلا علييكم يا زعماء و زعيمات هذا حارس الهلال فايز السبيعي لازم يرحل من بيت الزعيييم الان وغير بديل .. مع احترام له