لا الراهب ولا الغامدي ينفعون للهلال

الراهب على ويش !! 24 ساعة يبي بلنتي ولا تنسى ان الدفع الرباعي ماقصر مع الفريق كله

اما الغامدي فلو فيه خير مارماه الطير


بعض الجمهور يغلى اللاعب عندهم اذا هو نصراوي ولنا بالحارثي خير مثال
لاعب جا فقط للترفيه وتسجيل بطولة له

ارجع واقولها موضوع سواليف وغير مفيد اتمنى من جماهير الهلال التركيز في لعيبة النادي وتابع الاولومبي وبتلقى اكثر من راهب من واجبنا دعمهم ليمثلو النادي اما اني اجيب قطيع اندية للهلال فهزلت تقارن ناصر بالراهب !!!!!! حدث العاقل ،،،،

وين نحطه ؟ شف هجوم الهلال الزلزال ويوسف وياسر وتبي الراهب !

الهلال مشكلتة في الظهير الأيمن والمحور والحراسة
وهذه الثغرات كفيلة بأنهيار أعتى فرق العالم

إقتباس الرسالة الأصلية كتبت بواسطة xthe1onex ارجع واقولها موضوع سواليف وغير مفيد اتمنى من جماهير الهلال التركيز في لعيبة النادي وتابع الاولومبي وبتلقى اكثر من راهب من واجبنا دعمهم ليمثلو النادي اما اني اجيب قطيع اندية للهلال فهزلت تقارن ناصر بالراهب !!!!!! حدث العاقل ،،،،

لعلمك بس ،، الأولمبي الهلالي مافيه راس حربه صريح !

اما بالنسبه للهجوم الهلالي فهو غيرر مجدي بدون الشمراني " ياسر والسالم ماينفعون يلعبون أساسي يا كمهاجم ثاني

أو احتياط اما انك تعتمد عليهم تبطي عظم اتركوا العواطف وخلونا واقعيين هجوم الهلال من غير الشمراني ولا شيء ..

إقتباس الرسالة الأصلية كتبت بواسطة متعمق في حب الهلال لا معليش الراهب لاعب قضى قازه بين الانديه واللي مايبي يوسف السالم سامي مااعطاه فرصه يدخله متأخر مايمديه يحك راسه ويلحق الكوره !!!!!!!!!!!!! بعدين الهلال هذا هو ونفس لاعبينه زاد الشمراني والسالم وكم لاعب الا ان الاداره استهترت والمدرب ضعيف جداً

لاعب مزعج، رغم قصر قامته
الا ان تحركاته وتمثيله احياناً يسبب ربكه في اي دفاع

مكسب لو يجلس على الدكه كورقه رابحه في الاسويه،
بيعمل ازعااج كثير في القدمه مع ناصر

دفاع دفاع دفاع حراسة حراسة حراسة امن ها الخانتين واذكركم بتنسون اي مهاجم

إقتباس الرسالة الأصلية كتبت بواسطة هلال المجمعة ياخي قل وبكيفك لكن الشلهوب كيف يطاوعك قلبك تقول عنه كذا نعرف انه مو مستواه ونازل ادائه لكن بنفس الوقت يكفينا فخر بانه اكثر لاعب رفع كؤوس على مستوى المملكه واكثر لاعب حقق انجازات ردوا الجميل لو بالصمت عن هاللاعب بالذات

على الجرح المفروض نقدره ونحترمه وحتى لو نزل مستواه مالقيت لاعب يلعب بسكات وبدون مشاكل مثله وطيبة قلب وحبابه لاتوصف ماشاء الله لاقوة الا بالله

ما ااتوقع له النجاح لو لعب للهلال ـ. ٍ لاعب يصلح لأي نادي إلا الهلال الله يوفقه ويكتب لزعيمنا النجاح والفوز المستمر

الحين صار الراهب مهاجم خطير ومميز

؟؟

الراهب ماينفع للهلال لاعب منبطح كل لعبه تمثيل لوكان في الهلال على لعبه هذا والله يكون وجبه دسمه للحكام والاعلام الاصفر لكنه في الفقر المدعوم فكونا منه نريد مهاجم اجنبي زي لاعب العين جيان ونحتاج صانع لعب ياريت عموري

الراهب لاعب ممتاز جدا واتمنى انه يجي للهلال لاعب حماسي سريع هداف مربك للدفاعات ويتميز بالذكاء والاستفاده من الاخطاء لو جا بجانب الشمراني س يشكل هجوم قوي للهلال

تحركاته مزعجة ممكن يفيدنا بس جمهور ياسر بيزعل لو بدع الراهب والشمراني

إقتباس الرسالة الأصلية كتبت بواسطة هلالي 1977 لا الراهب ولا الغامدي ينفعون للهلال الراهب على ويش !! 24 ساعة يبي بلنتي ولا تنسى ان الدفع الرباعي ماقصر مع الفريق كله اما الغامدي فلو فيه خير مارماه الطير بعض الجمهور يغلى اللاعب عندهم اذا هو نصراوي ولنا بالحارثي خير مثال لاعب جا فقط للترفيه وتسجيل بطولة له

اوافقك الرأي واهم شيء الدفع الرباعي.......واللي يقول كواك لايروح اللاعب عمره 34 عشان كذا اي اصابه تتأخر عودته