العابد والدوسري ونيفز يجب على المدرب ان يركنهم في دكه البدلاء حتى يرجعون الى مستواهم الطبيعي هذا الحال الممكن انه ينفع مع ذول الاعيبه

نيفز لاعب كبير وادري ان عنده الشي الكثير بس بأختصار الاعب نفسيه ومزاجي ولا يبي الدوري السعودي اول ماجاء على عصر قريتس اكل الخضر واليابس وبعدها اختفاء يضهر مباراه ويغيب مباراه فيه لعيبه متوسطين المستوى بس احلى مافيه مستواه ثابت يعني مايصدمك تعرف وش بيقدم بس نيفز والاعبين المزاجيين ماتدري وش راح يسوي تقول ممكن يسجل لك خمس اهداف في دقيقتين وتقول ممكن ماراح يسوي شي يعني حتى المدرب يحط شي في باله ولايثق بالاعب المزاجي فالعيبة الهلال مزاجيه وجاء نيفز وزاد الطين بله .. الله يرحم ايامك يا التمياط مصاب مو مصاب من يدخل الملعب تعرف انه بيشيل الفريق لكن اخر شي قضت عليه الاصابه وكذالك النعيمه وسامي والاسطوره ابو يعقوب لاعبين يلعبوون برووووووووووح
اتمنى حظور الرووووووح فهي اهم شي في عالم كرة القدم

ذلحين تنتقدو نفيز وهو صانع هدفين وش تبون الكثر

إقتباس الرسالة الأصلية كتبت بواسطة هلالي مميز 44 عام 2000 كانت 6 افرقة تحارب على الصدارة بعد عام 2005 فريقين على الصدارة فأصبح الدوري ضعيف فضعفت الافرقة اكبر دليل اسأل اي واحد يعرف كورة وراح يجاوبك ويقولك الافرقة القوية صارت قوية عشانها في دوري قوي و الفريق الضعيف صار ضعيف لانه في دوري ضعيف

لم اتطرق لقوة الدوري أو لضعفه ..
استغرب تفسيرك الذي لم يلامس الصواب !! لذا يجب عليك فهم المعنى قبل أن تنتقد !
فقط ذكرت إنه إذا كان ضعيف فهو عامل مساعد للبروز، ﻷن اللاعب الجيد بين الأقل منه سوف يكون الأفضل، ولك مثال في بعض النجوم عندما تكون آخر محطتهم في الدوري القطري.
فضعف الدوري أو قوته خارج موضوعنا، وإذا كان تقييمك لقوة الدوري بوجود أكثر من فريق يتنافسون على الصدارة فما رأيك بالدوري الأسباني المحصور بين برشلونه وريال مدريد؟ وما رأيك فيما لو كان أي لاعب سعودي يعجبك يلعب مثلا في الدوري الانجليزي؟ هل سوف يكون بروزه مثل بروزه في الدوري السعودي؟

إقتباس الرسالة الأصلية كتبت بواسطة جلمود الهلال لو كنت مدرب لركنته في الاحتياط، والأسباب : أناني بشكل مقيت، ومغرور، يحصل على كروت بأتفه الأسباب، يحاور امام اربعه أو ثلاثة بشكل غبي جداً، بطيئ في الارتداد للهجمة، تمريراته اغلبها خاطئه، وتسديداته بعيده عن المرمى بمسافة بعيده !! طبعا هذا الكلام حصل تدريجيا بعد حصوله على الكزس وبعد هدف الركنية !! الإرهاق ليس عذر، فالمشاركات معقوله، وإذا الدوري ضعيف، فهذا عامل مساعد للبروز. للأسف تياقو يبرز في البداية ثم يصبح لاعب عادي كما كان في السابق!

+1

اتفق معك .. نيفيز من بعد خمسة الاتفاق والهدف الركنيه وهو شايف نفسه و اناااني .. دايم الجمهور ينتقد الاعبين الانانين ليش نيفيز ماينتقد فوق راسه ريشه .. اتمنى ركنه بالاحتياط لمين يتعدل ويعرف انه مثل الاعبين الباقين ونقدر نفوز بدونه ،،

المباراه الاخيره قسسم بالله يرررفع الضغط

6 هي الاعداد بداية موسم تياقو لم يكون له اعداد طول الاعداد هو يتعالج من الاصابه اول مباره رسميه كانت مباره العروبه اشوف هذا اهم الاسباب مع الاسباب التي ذكرتها يجب اراحته في بعض المباريات التي تكون اقل اهميه

نفيدز لاعب اناني لاعب استعراض لا يمكن ان يخدم اي تكتيك جماعي

الكوره لعبه جماعيه وليست لعبة لاعب اناني

بالعربي لاعب صالات

اللاعب بحاجة إلى مراجعة نفسه و العودة إلى مستواه المعروف

الفترة الاخيرة تايه و غير مركز بشكل كبير و لم يصل إلى قمة مستواه لأن مستواه نزل عن السابق

هو بحاجة إلى العودة لمستواه المعروف و قوته السابقه و الفريق بحاجته أيضًا و حتى الجمآهير

إقتباس الرسالة الأصلية كتبت بواسطة عااشق كاكا بسم الله الرحمن الرحيمم بدون مقدمآت ~ موضوعي عن آلنجم آلكبير تياغو نيفيز . هذا الاعب ف بداياته وهو مقدم مستوى ولا آروع وآكثر من مرة تصدر آلهدافين وحصل على جوائز والاعب مسجل ب اليمين واليسار والرأس وفاولات وبلنتي ومن ضربه زاوية >> مختم آم الكورة ما شاء الله يعني نيفيز لاعب سوبر آستار هذا الاعب الي كان الهلال يحتاجهه ف السنوات الاخيرة ولكن ف هذي الفترة الاعب فقد مستواه بشكل كبير حتى آصبح يحتفظ ب الكورة كثير تمريرات غلط وبعض الاوقات يكون آناني .. ولكن آنا عندي بعض الاسباب ف انخفاض مستوى تياغو .. 1 ~ سامي والجمهور والاعبين كانوا يعتمدوا عليه اعتماد كامل لدرجهه لو غاب عن مباراة نعاني هذي نقطة 2 ~ الاعب آرهق بشكل كبير وحتى ملحوظ من خلال المباريات هذي نقطة ثانية 3 ~ لايوجد لاعب يساعدة ف الملعب ف الماضي كان معه ويلي يتبادلون في صناعه الاهداف و التسجيل 4 ~ يرجع للدفاع كثير وهذا يستنزف لياقه طبعآ زمان كان ف رادوي ماسك المحور لكن الحين .. الله كريم 5 ~ بحث الاعب على الاستعراض هذي خمسه آسباب آتوفع لها جزء من تراجع مستوى نيفيز والحل بسيط بأذن الله .. [COLOR="Red"]1 ~ آراحه الاعب ف المباريات الغير مهمه او المباريات مع الفرق الصغيرة 2 ~ يجب على سآمي تغير كاستيلو وجلب لاعب وسط بجانب تياغو ويخفف الغضط عليه 3 ~ وتغير كواك المصاب وجلب لاعب اسيوي ف المحور مثل رادوي وافضل ويكون ساتر للدفاع وهذا آتوقع راح يعطي لاعبين الوسط الراحه وعدم التراجع الكثير للخلف 4 ~ تنبيه سآمي للاعب ب عدم الاستعراض والتركيز على الاعب الجماعي [/COLOR] # آتوفع هذي آسباب من تراجع مستوى تياغو وبعض الحلول .. آتمنى من يشارك ف الموضوع يقولنا من خلال ملاحظته وش سبب تراجع مستوى تياغو مع الحل . والسلام عليكم

موضوع عاطفي جداً ومبررات غير منطقية

- نيفيز اصبح بطئ جدا واناني
- يلعب في المساحات الضيقه واذا لعب تمريره في الغالب خطاء
- يبحث عن الفاولات بشكل غريب
- يبحث عن احراز الاهداف اكثر من صناعتها

وهذا ما نلاحظه اما مبرراتك فهي غير منطقيه للتالي :

اولاً نحن لانعتمد على نيفيز هناك مباريات لعبنا دون نيفيز وفزنا فيها والمباراه الوحيده اللي نيفيز كان رجل المباراه فيها هي مباراة الاتفاق 5 - 2

ثانيا غير صحيح اصبح مستنزف هناك لاعبين وبالتحديد الشمراني والشهراني لعبوا اكثر منه

ثالثاً ناصر الشمراني يرجع كثير وياسر يرجع كثير وسالم الدوسري يرجع كثيراً اذا ليس لوحده من يرجع للدفاع

اما نقطه لا يوجد لاعب يساعده عليها الف علامة استفهام..انا جايب نيفيز محترف عشان يساعد الفريق اولازم له مساعد عشان يساعده..؟


طيب سؤال..ضربات الركنيه نسبة الاتقان عنده ماتتجاوز 25% والباقي الله بالخير..وش هذا دليله...؟بعد اللياقه وماحصل احد يساعده..؟

حبيبي الاعب فيه سر لكن نحن لا نعلم ماهو السر في انخفاض مستواه بشكل رهيببببببب واتمنى ان لا يكون تأثير الاعلام عليه كبير..

مسكين نيفيز مطلوب منه يهاجم ويدافع ويسجل ويصنع فرص مو معقول حتى في المباريات مع الفرق الصغيره المفروض يريح تلقاه اول واحد في التشكيله ولذلك قلنا من اول جيبوا التون جوزيه نفس قدرات نيفيز بس كان مع الفقر مافيه احد يساعده وقدم مستوى رائع مع الفتح اول موسم الا اصابه الارهاق لان كدوه مثلما نكد نيفيز الان وتلقاه اخر المباراة يالله يقدر يصلب طوله ارهااااااااااااااااااق

إقتباس الرسالة الأصلية كتبت بواسطة الاسكافي مسكين نيفيز مطلوب منه يهاجم ويدافع ويسجل ويصنع فرص مو معقول حتى في المباريات مع الفرق الصغيره المفروض يريح تلقاه اول واحد في التشكيله ولذلك قلنا من اول جيبوا التون جوزيه نفس قدرات نيفيز بس كان مع الفقر مافيه احد يساعده وقدم مستوى رائع مع الفتح اول موسم الا اصابه الارهاق لان كدوه مثلما نكد نيفيز الان وتلقاه اخر المباراة يالله يقدر يصلب طوله ارهااااااااااااااااااق

انت منصدقك ولا تمزح

حنا جايبينه علشان نصور معه ولا يخدم الزعيم

نفيدز لاعب صالات يعني لاعب استعراض مامنه فايده .. ولاردا خرب الفريق بزرع الانانيه فيه

شوف سالم و العابد

ناصر انطقة كبده منه وصارا اناني معه لانه مايستاهل احد يمررله

الكياااااان اولاً

وهذا وجهي ان جبنا بطوله هذي السنه

ولا اشوف احد ناقز نبيه الموسم الجاي .. بعقده انجيب احسن منه والله خساره فيه الملايييين لاعب الصالات

لمصلحة الهلال
ارجو عدم مناقشة مثل هذه المواضيع التي تفتح ابوبا للنادي والمدرب واللاعبين هم في غنى عنها
وتتيح المجال لاعداء الزعيم الذين جعلوا من اثارة الفتنه داخل النادي طريقا لهم لمجاربة الزعيم

نيفيز هو نيفيز مازال نجما وهدافا وصانع لعب وتغير مستواه ببعض الامباريات امر طبيعي يمر به كل لاعب بالاضافه لظروف كل مباراة

فلا تشغلو نجومكم وتقنعوهم انهم سيؤون بل ادعموهم وشجعوهم وتجاوزو عن بعض من قصورهم لانهم كم من مرات افرحونا وامتعونا

كذلك الشمراني صراحه نحتاج لهم كثيراً

يااخوان كاستيلولم يقدم شي وكواك مصاب استبدالهم يمهاجم زي جيان مهاجم العين الاماراتي وصانع لعب ياليت عموري والدفاع موجود الحافظ لاعب ممتاز