انا لعبت مع فريق الشباب 1408هـ كم مباراه وكان فيه ناس احسن منا وما قبلوهم وانا على الأقل ما عندي واسطه لكن بعد فتره كان واحد اسمه حسن نمشان راح للفريق الأول ولعب معهم فتره والبقيه الي ترك الكوره والي توظف والي غاب ولكن كانوا يبحثون عن صاحب البنيه الجسمانيه القويه ويكون عنده مهاره اذكر المدرب كان مصري
الي ابي اوصله لك اذا كان ولدك يملك بنيه جسمانيه ومهاره راح ينقبل عندهم ولا عند غيرهم اما أصحاب المهارات اللافته فهم يسجلونهم على طول أتذكر يجلس معنا واحد من الإداريين لين يجي احد ياخذك ويطلبون كرت العائله بالنسبه للمميزين والبقيه يقولون جيبوا معكم صوره من الكرت
الله يكتب للجميع مافيه الخير وشكرا

إقتباس الرسالة الأصلية كتبت بواسطة رافض التعصب قد يستغرب البعض وقت كتابتي لهذا الموضوع..!! الآن الساعة 5.50 مساءً ، أستشرت عم الولد عن تسجيل ولدي في النادي خاصة وانه من مواليد 1423 فوافق بسرعة فهي فرصة لا تعوض كما يقول..! خاصة وأن أبني يملك بنية جيدة ومستوى ممتاز ، وقد كان يصر علي كثيراً في تسجيله في النادي الذي يحبه ويعشقه..! المهم أخذه عمه وذهب به إلى النادي مصطحباً معه صورة بطاقة العائلة ، الموعد المحدد من قبل النادي 3.30مساء وبالفعل كانوا هناك في الموعد المحدد.. الساعة 3.50 دقيقة كان الباب يطرق كنت أعتقد بأنهم أصدقاء الولد..! إذا بولدي وعمه يدخلون من الباب ..! ، الولد مسكين هول الصدمة والحزن على وجهه ؟! سألت عمه ما الذي حدث ؟ قال حطوهم في مجموعة وأعطوهم الكرة ثم قالوا هؤلاء لا نريدهم لأنهم لا يستطيعون استلام وتسليم الكرة جيداً..!! هذا الذي حدث تقييم في عشرين دقيقة من قبل أعظم أندية الوطن. والله على ما أقول شهيد.

ترا الموهوب يبان عليه من اول لمسه .. وله كاريزما خآصه .. فما راح تفرق معه 20 دقيقه و إلا 20 يوم ..

و اذا على البنيه الجسمانيه .. هذا المرشدي ما في احسن منه لكنه نكبه ..

اما بالنسبه للمستوى فكيف حكمت عليه بأنه ممتـآز .. !!

قد يكون في نظرك انت ممتآز .. لكن بما انهم قالوا لك انه مايعرف يسلم و يستلم ..

فعلمه على الاستلام و التسليم ورجعه لهم لعله تكون حجه ..

طيب بسيطه يروح للشباب هناك يلقى من يحتويه ويطور موهبته ..

جرب تسجلة في ناددي صغير مثل الرياض وغيرها

ان شاء الله ابنك ما يوقف عند هذه المره يحاول وباذن لله بيقبلونه

بالتوفيق لابنك

الواسطه لها دور في ولد اتوقع له مستقبل اسمه عمر مرعي في الاكادميه مبدع موهبه ماشاء الله عليه

ماهو انت لحالك؟!!! ترا هذا اللي يصير واتوقع فيه شخص للاسف خان الامانه وترك الواسطه اللي تتحكم في الموضوع ،،،، وعلى فكره فيه سماسره واقفين عند بوابة الهلال يعرضون على اي اب وابنه رفض من التسجيل في الهلال (ياخذونه ويودونه النصر ) وهالموضوع يحكيه لي اب الطفل بنفسه يقول بعدها وولدي كرهه الهلال ،،، انا مدري وين سامي عن اللي حاصل!!! معقوله مافيه مقييمين ومدربين مختصين في هذا الموضوع!!!

انت ما اكتشفت السر في عدم تسجيل ابنك

وانت كشفته في اثناء كلامك (ابنى يملك بنيه ممتازه )
الهلال من شروطه يكون اللاعب بنيته ضعيفه ونحيل وقصير
هذى المواصفات الى نشوفها في الفئات السنيه للاسف
قال حطوهم في مجموعة وأعطوهم الكرة ثم قالوا هؤلاء لا نريدهم لأنهم لا يستطيعون استلام وتسليم الكرة جيداً..!!

هذا يدل على وجود الدواهي في عالم التدريب
20 دقيقه كفايه تحكم على خمسين موهبه

إقتباس الرسالة الأصلية كتبت بواسطة العقد الهلالي انت ما اكتشفت السر في عدم تسجيل ابنك وانت كشفته في اثناء كلامك (ابنى يملك بنيه ممتازه ) الهلال من شروطه يكون اللاعب بنيته ضعيفه ونحيل وقصير هذى المواصفات الى نشوفها في الفئات السنيه للاسف قال حطوهم في مجموعة وأعطوهم الكرة ثم قالوا هؤلاء لا نريدهم لأنهم لا يستطيعون استلام وتسليم الكرة جيداً..!! هذا يدل على وجود الدواهي في عالم التدريب 20 دقيقه كفايه تحكم على خمسين موهبه ليت احد اعضاء الشرف يستلم ملف الكشافين للنادى واكاديمية المستجدين لو حصل هذا لم نحتاج للبحث عن ظهير ومهاجم وصانع لعب الشعب الهلالي فيه مواهب تحتاج للفرصه لكن العك الادارى في الاستقطاب يفقد الهلال للكثير من المواهب ويفقد الهلال ملايين الريالات لخزائن الفرق الاخرى يجب ان يكون الاخفاق درجه اولى للصعود للنجاح والموهبه تفرض نفسها الان نجوم الهلال الذين ينعشون الملاعب بالفنون لم يبدأو في الفئات السنيه الهلاليه مثل الشمراني وياسر ازرع التحدى في روح ابنك واجعل ماحصل دافع للتحدى واثبات النفس بالتوفيق لاتدرى اين الخيره لابنك

شكراً على مرورك وتعليقك الذي أفادني يا غالي..

موضوع يجب التنبيه عليه .. أختفاء الكشافة كشافة اللاعبين ,, و السبب أدارة الفئات السنية __ الى متى ,, هذا التدهور أرجو أرجو أرجو من الادارة الالتفات الى الفئات السنية وفهي الى انحدار واضح و بقوة

انا 3 سنوات ناشب لهم واشوف يدخلون واسطاتتتتتتتتتتتتت
يجي بنص التمرين يقول انا من طرف فلان ههههههههههههههههههه وش تبون اكثر من كذا

معك واسطة تمشي امورك وانا اعرف واحد دخل نادي الهلال ووافق مدرب علي تسجيلة ويقول فية حزازيات بين الاوان وترك النادي اتمني الانتباة للنقطة اتوقع فهمتوا قصدي

بإذن الله يكون أبنك احد ابرز نجوم الكرة السعودية .

بالتوفيق له ...

إقتباس الرسالة الأصلية كتبت بواسطة عاشـ يـ 20ــاسرــــق بإذن الله يكون أبنك احد ابرز نجوم الكرة السعودية . بالتوفيق له ...

جزاك الله خيراً ..
شكراً يا الغالي..