سيدي صدى الزعيم, السلام عليكم, اسمحلي اجاوبك على حسب خبرتي في الاشغال دي, و معك مهيوني يتكلم عشان لا تتعب نفسك و تكتب اسمي بالانجليزي.

اولا برنامج اللوجو ما يعطل جوالك لو ايش ما كنت عملت, لانه خاص بجوالات النوكيا, و إلا ما كان اصلا احد استخدمه, و اللوجو مانجر يشيل شعار الشبكة من الطاووس و الفيصيلية. بس ما ادري ايش السبب و ما يخليه يشيلها من الريشة و لا من الطاووس الثاني. و الريشة هو 6100.

ثانيا ان كان النور مو راضي يشتغل عندك لمن احد بتصلبك من مجموعة المتصلين, دا يعني انه الجوال برنامجه او السوفت وير تبعه مطور بس مو لآخر اصدار, في اصدار بعده يمكن يكون نزل و يمكن لا, تحب تتأكد, اسال الحداد للاتصالات الفرع الرئيسي.

ثالثا كون ان الاسم مايطلع عندك في الهاتف في وضعية زاكرة الشريحة و الهاتف, نصيحة مني شيك على الرقم مسجل باي اسم في الشريحة, و شيك عليه في الهاتف, لازم يكون يكون فيه اختلاف, و نصيحة لا تخلي الارقام اللي في الشريحة منسوخة في الهاتف كمان, خلي مجموعة هنا و مجموعة هنا احسن لك و ارحم.

مرة ما انصحك بالبيوت التجارية او التقليد, اصلا شكلها ما حيطلع حلو على الجهاز و فوق كدا لازم حبين عيب في شكل الجهاز, و ما في احسن من الوجه الاصلي لجهازك. انا جاني العنيد الرابع هدية من بلاد برة المملكة العربية, و ما غيرت في ولا اي شيء وصار لوه معاية سنة و شوي على حالته دي, صرنا انا و هو مميزين عند الناس اللى نعرفهم.

رابعا الشركة اللصلية لنوكيا هي فنلندا, المنتجة الاساسية لنوكيا سواء كانت هواتف, رسيفرات الخ.... و السيريال نمبر لكل جهاز يساعدك تعرف جوالك من فين مصنوع بمجرد النظر على السيريال نمبر او الرقم المسلسل.