أتفق معك أخي الكريم ولكن ليس الآن لأن فيه مجازفه كبيره فنحن بنهاية الموسم ولكن بداية الموسم القادم إن شاءالله لكل حادث حديث

يعطيك العافيه عزيزي على ما طرحت

واشهد انك اصبت في كل كلمه قلتها

والمشكلة في بعض الجماهير العاطفيه حب الافراد على حساب الكيان

ولو جربت وطرحت اسماء لوجدت من يعارضك بشده وقسوه

يا جماعة الخير الهلال فوق جميع الاسماء مهما كانت

راح الثنيان راح سامي راح التمياط راح النعيمه

وبقي الهلال شامخ في جميع المحافل وجميع البطولات

على عكس غيرنا الي اذا غاب نجم غاب الفريق

الفريق محتاج احلال وتصعيد من الفريق الاولمبي والشباب

طفشنا من اشباه الاعبين الي ضيعو انفسهم وضيعو الفريق

طفشنا من اشباه الاعبين الي ما يحترمون الشعار ولا الجمهور

طفشنا من انعدام الروح وغياب القائد في الفريق

ياسر القحطاني ،،، اخذ من الفرص إلى حد المجامله ،،، ولا حياة لمن تنادي

نواف العابد ،، سالم الدوسري ،، عبدالعزيز الدوسري

مستويات هابطه لا تستحق حتى الجلوس على دكة البدلاء

الشهراني ياسر غايب عن مستواه ،،، الزوري "" يا صبر الارض "" لاعب متذبب ومشكلته في العرضيات

السالم ما هو بمستوى الفريق مع احترامي لهم صوره طبق الاصل من المحياني مهاجم بلا مهارة

كل هالسلبيات ممكن تتلاشا مع وجود الروح

والاخلاص للفريق وللشعار

لكن لا حياة لمن تنادي

اهنيك على النقد العقلاني والايجابي وبصراحة مثل هذه الانتقادات هي اللي راح تجلب لنا الفائدة في المستقبل واما التجريح هو الذي سوف يقتل الفريق

فشكرا لك اخي العزيز على هذا الموضوع الجميل

حماس يــــــــــــــــــــــــــــــــــــا زعيم وعدم التهاون والبرود

يعطيك الصحة والعافية على موضوعك، وأضيف قائلا:

وين راح التقييم من بعد كوزمين و جيرتس؟ وإلى متى المجاملات مع بعض اللاعبين؟ وين طار شباب الأولمبي المعد للترقية إلى المستوى الأول؟ وين وين وين وين وين؟
ملينا كثر أسئلة.
النهاية إن أردتم النجاح فالتغيير من عند أنفسكم أولا كإدارة؛ لأنكم المسئولين عن كل صغيرة وكبيرة بالنادي.
أتمنى لكم الهداية والبطولة والتوفيق.

الله يوفق بصراحه مدري رغم الفوز ليلة البارحة
بس المستوى ابد ما يطمن

كلام جميل جدا

تحياتي لك

كنت اطالب بأبعاد المرشدي والقرني وعزوز وياسر من الهلال اخذوا فرصتهكم وكفايه

وهالموسم العابد زودها معهم .. مسألة اخر سنه بالعقد اجتهد مثل العابد وعزوز حاليا واذا وقعت العقد بالطقاق النادي ملينا منها

نبي لاعبين يلعبون للشعار وياخذون حقهم ماليا مثل سامي ونواف التمياط ومحمد الدعيع والبطل الشلهوب اللي لازال يلعب من قلبه رغم تقدم عمره

ملينا من اللي يتمشى ويتدلع بالملعب نسقوهم وبنلقى اكثر من سلطان الدعيع

أشكرك على الطرح الرائع جداً

بالتوفيق للهلال

مابين السطور ..
ياسر القحطاني .. يوسف السالم ...كريري
ان تصنع نجم (شاب) خير من وقت ضائع في محاولة اعادة نجم (خفت) بريقه ...
(ياسر القحطاني .. يوسف السالم ...كريري)
..
بسبب العقد المغري.
لا بسبب حب الشعار..
(نواف العابد )
..\
عيادة الهلال لهم استراحة
(الغنام )
واحب اشكره ع موضعه الاكثر من رائع من جدا ذا حال الهلال

سامي الله يطول عمره استعجل على التدريب هذا الموسم ولا احد ينكر ذكاءه وقدرته على قراءة المباريات . لكن الجميع حاربه واللاعبين لا نعلم ما بينهم وبينه ، لكن الحل في نظري التعاقد نهاية الموسم مع المدرب خورخي سامبولي او باوزا لأني أراهم الحل الأنسب الممتاز للهلال في الموسم القادم .
تقبل خالص تقديري

السلام عليكم ورحمة الله وبركاته ..
تحيـه طيبـه وبعـد ...

يعطيك العافيـهـ يالغالـيـ ع الموضوع ..
وهاذا ماذكرتهـ بالسابقـ بأن المشكلة في بعض اللاعبييـن وتذبذب مستوياتهـم وهاذا ماجعل
المدرب لا يستقـر على تشكليهـ معينهـ ..
من وجهـة نظري .. فكرة الأحـلال بنسبهـ تتعدى اكثر من لاعب لن تجدي نفعـاً
بظـل مطالبات جماهير الهلال في كل موسم بطولهـ والأهـم عدم الصبـر ..!
التصعيد من الاولمبي تحتاج إلى موهبـة وبعدها سقـل الموهبه وابرازها وتقديمها بشكل تتحمل
كل ضغـوطات الفريقـ الأول العقود التمارين الانضباط وتحمل الاعلام وخلافهـ ..

.. الأفضل .. بأن يتم تصعيد كل موسم لاعب او لاعبيـن واختلاطهم مع المخضرمين حتى يتستفيدو
مثل ماحدث مع احمد الفريدي والعابد وسالم الدوسري .. الخ .
ونجـح هاذا الأمـر مع وجود المدرب سامي الجابر .. بأبراز سلطان الدعيـع ..
ونحتاج بأن نبرز لاعب آخـر بالموسم القادم في خانه الوسط والي يليها في خانه الهجوم
وهاذا ما اريد ان اصله إليكم بأن كل موسم يصعد لاعب او لاعبين فقـط ..
لأن تصعيد اكثر من لاعبييـن قد تسبب بمشكله مثل ماحدث مع نادي الاتحـاد ..
احلال بنسبه كبيره من اللاعبييـن واصبح مركزه مابين السادس والسابع .. وخروج من ( فريق درجه ) اولى بكأس ولي العهد
مع انـه يملك لاعبييـن مخضرمين في الفئات السنيـه وإغلبهـم متواجدين مع المنتخب السعـودي للفئات السنيـه ..
الفريـق الأول يختلف تماماً عن الاولمبي ..

أما بالنسبهـ من يطالب بالاستغناء العابد او الدوسري وبيع عقده .. اعتقد هاذي مخاطره كبيره جداً
ومن الصعب التفريط بمثل هؤلاء اللاعبييـن .. وهبوط المستويات اللاعبين تشمل جميع الانديـة ..
وليس بالهلال فقـط ..
مشكلة الهلال حالياً وفي السابق البحث عن اللاعب الجاهـز وبشكل سريع وصاحب سمعـه
بغض النظر عن مستوياتهـ بس مجرد تغطيه خانه وارضاء الجماهير..
التعاقد البحث عن الخلل في الفريق ووضع النقاط عليها والبحث بالطريقه الصحيحه عن اللاعب وبشكل مسبـق
الاستعجـال وارضاء الجمهور .. جلب
.. يوسف السالم .. و .. كريري .. وغيرهم بمبالغ طائله ولكن في دكـه البدلاء ومع كامل احتراميـ
اذا نزل داخل الملعب مثل عدمهـ ..
.. وتركوا لاعبين صغار السـن ومميـزين مثل .. الجبرين .. كـنو .. كادش .. حمد الحمد .. وغيرهـم ..

كلام جميل
قلت كل الي احاول اقوله من شهور