الى جميع الزعماء العقلانين .!! - نادي الهلال السعودي - شبكة الزعيم

تشيلساوي الهلال · #1 01/02/2014, 10:33 PM

بسم الله الرحمن الرحيم

السلام عليكم ورحمة الله وبركاته يا شعب الهلال العظيم

اقول لكم هارد لكم ان شاء الله وخيرها بغيرها

الهلال اليوم عانده الحظ لعب وضغط وسوا كل شي

ولكن من ضربة جزاء غير شرعيه فاز النصرر

ومن هدف هلالي صحيح ملغي بداعي التسلل

ولكن لا علينا من هذا كله

الي ودي

اقوله ان نوقف مع المدرب سامي

والاعبين والادره فنحن هلاليين بكل الاوقات نوقف مع الهلال بوقت الفوز

ونوقف معاه بوقت الخساره فاذا لم تقف مع الهلال بوقت الخساره

فالهلال ليس بحاجتك بوقت الفوز

جمهور الهلال الحاضر بالملعب نجم المباراه ابدعتم

وهارد لكم مرة اخرى

وللمجد بقية ي هلال راحت بطولة غيرها الف بطوله ي هلال

تفداك البطوله ي هلال

محبكم تشيلساوي الهلال

مبحر بلا ميناء · #2 01/02/2014, 10:36 PM

حبيبي اشكرك على الموضوع
بس وانا ااخوك كيف تبي تاخذ بطوله ومعاك الشهراني والقحطاني والدوسري عبدالعزيز يارجل
اشباه لاعبين

أنا السعودي · #3 01/02/2014, 10:39 PM

اي عضو يمدح سامي الليلة

اشك انه مندس

ما اظن احد يتمنى بقاء سامي

الا الفقراوية

tmalibrahim · #4 01/02/2014, 10:42 PM

صحيح أخي .. الهلال اليوم لعب مباراة متوازنة، ولكن الحظ (الهدف الأول) و التمثيل (الهدف الثاني) فوزوهم.

ياخي والله قهر .. كل مباراة بلنتي وغلطات تحكيمية .. ما ينلام رشيد السليم

تشيلساوي الهلال · #5 01/02/2014, 10:44 PM

إقتباس

الرسالة الأصلية كتبت بواسطة مبحر بلا ميناء


	حبيبي اشكرك على الموضوع بس وانا ااخوك كيف تبي تاخذ بطوله ومعاك الشهراني والقحطاني والدوسري عبدالعزيز يارجل اشباه لاعبين

اخوي العاطفه لا تغلب على مشاعرنا تجاه الهلال

الي تتحدث عنهم انفصتهم حقهم كثيرا

فلا تنسى ناصر هداف الدوري القحطاني مسجل هدف المباراه الفائته

الدوسري ماقصر سوا الي عليه بالعكس ترا انت مرتاح وجالس بالبيت وتكتب

الاعبين عليهم ضغط كبير كبير جدا مو سهل

هالكلام مايفيد الان باقي الدوري باقي ابطال اسيا باقي كاس الملك

نقف مع الهلال

dunhill_Jjjil · #6 01/02/2014, 10:48 PM

لا حول ولا قوة الا بالله ... اكيد ان هذا بيحصل

الادارة جابت مدرب مستجد و مالة تاريخ في التدريب

الهلال اصبح كرية حتى لجمهورة .. مايبونا نعبر عن الي في قلوبنا

ليه كنتم تطالبون باقالة دول و غيرة ... على الاقل لهم تاريخ في التدريب

جمهور سامي باع الهلال ... يبونا نسكت

ما اقول الا .. ياعبدالرحمن بن مساعد خلاص .. كفاية

مبحر بلا ميناء · #7 01/02/2014, 10:48 PM

حبيبي اشكرك على الموضوع
بس وانا ااخوك كيف تبي تاخذ بطوله ومعاك الشهراني والقحطاني والدوسري عبدالعزيز يارجل
اشباه لاعبين

تشيلساوي الهلال · #8 01/02/2014, 10:50 PM

إقتباس

الرسالة الأصلية كتبت بواسطة أنا السعودي


	اي عضو يمدح سامي الليلة اشك انه مندس ما اظن احد يتمنى بقاء سامي الا الفقراوية

اخوي لاتشكك في هلالية الاخرين

بل راجع هلاليتك انت انا هلالي بكل الاوقات

وقت الفوز ووقت الخساره كما اسعدني الهلال كثيرا

اتحمل لجله الكثير نحن معاك ي هلال

لن تسير وحيدا ي هلال

dunhill_Jjjil · #9 01/02/2014, 10:55 PM

لا حول ولا قوة الا بالله ... اكيد ان هذا بيحصل

الادارة جابت مدرب مستجد و مالة تاريخ في التدريب

الهلال اصبح كرية حتى لجمهورة .. مايبونا نعبر عن الي في قلوبنا

ليه كنتم تطالبون باقالة دول و غيرة ... على الاقل لهم تاريخ في التدريب

جمهور سامي باع الهلال ... يبونا نسكت

ما اقول الا .. ياعبدالرحمن بن مساعد خلاص .. كفاية

تيارالأمس وإلى الأبد · #10 01/02/2014, 10:55 PM

وعليكم السلام ورحمة الله وبركاته
قسم بالله يوم شفت الفاول حق الزوري والحكم يأشر يقول بيد الزوري عرفت إن التحكيم من جنب القدة .... حكم الراية ما رفعها جاءك الدبشة الحكم يصفر فاول غشيم .... قفلت الشاشة ولا شفت الشوط الثاني لتأكدي إن المباراة فيها خيطي بيطي .....

جآرف الصيت · #11 01/02/2014, 10:56 PM

اقول كيف العالمية معك ،،؟

تشيلساوي الهلال · #12 01/02/2014, 11:02 PM

إقتباس

الرسالة الأصلية كتبت بواسطة جآرف الصيت


	اقول كيف العالمية معك ،،؟

جمهور الفوز الهلال ليس بحاجتكم

ان لم تقف مع الهلال بوقت الخساره

فالهلال ليس بحاجتك وقت الفوز

الكوره فوز وخساره الهلال ادى الي عليه ولكن

قدر الله وماشاء فعل وهارد للهلاليين العقلاء

كرتون باتشي · #13 01/02/2014, 11:10 PM

اخواني
الحمدلله على كل حال قدر الله وماشاء فعل
لم تكتب لنا ولكن لنفخر بمدرب استطاع مجاره نصر تم الاعداد لها من سنتين تقريبا
نصر استفاد من اخطاء لاعبين وكانهم اول مره يلعبون نهائي (سالم - الشهراني )
سالم غلبت عليه الانانيه وبعد الانانيه اخذ كرت اصفر الا تعدي من الملعب كلهم مثلا
لازم يشاف وضع للاعب سرعه غير مستفاد منها وغير كذا انانيه ياخي مافي الملعب الا انت ..!!
ياخي خليه يجرب دكه الاحتياط شوي طلع لاعب من الاولمبي
الدعيع وان تسبب في الهدف فما قصر يكفي خلص اكثر من هجمه
الشهراني ياليت ياليت ياليت يرجع البيشي افضل من الشهراني خله يجرب دكه الاحتياط شوي
اخيرا : النصر وان فاز بهدف غير صحيح والغاء هدف هلالي صحيح وضربه جزء غير صحيحه
يظل لديهم روح لعب روح قتاليه عدم انانيه من بعض لاعبي الهلال
نحن مع بقاء سامي ولايهمنا اي بطوله الا الاسيويه ان شاء الله
بالتوفيق للهلال بالتوفيق للكيان

khaldaziz · #14 01/02/2014, 11:23 PM

السلام عليكم ورحمة الله وبركاته
اشكرك اخوي على الموضوع انا معك الهلال هذي السنه حظه عاثر ولو انه حاول وقاتل بس خيرها في غيرها
النصر صراحه لعب في تكتيك منضبط ولو انه فاز في المباراة بضربة جزاء غير صحيحه والتجكيم
كان معه في كل مباراة طبعا هذا يكمن في ذكاء لعيبة النصر والتحايل على الحكام
ولكن هذه الكوره اتمنى من المدير الفني سامي الجابر الاستفاده
من الاخطاء وعمل جبار للتصحيح والتركيز طوال المباراة
في الاخير كلنا هلال وكلنا زعماء
وشكرا

تشيلساوي الهلال · #15 01/02/2014, 11:34 PM

إقتباس

الرسالة الأصلية كتبت بواسطة khaldaziz


	السلام عليكم ورحمة الله وبركاته اشكرك اخوي على الموضوع انا معك الهلال هذي السنه حظه عاثر ولو انه حاول وقاتل بس خيرها في غيرها النصر صراحه لعب في تكتيك منضبط ولو انه فاز في المباراة بضربة جزاء غير صحيحه والتجكيم كان معه في كل مباراة طبعا هذا يكمن في ذكاء لعيبة النصر والتحايل على الحكام ولكن هذه الكوره اتمنى من المدير الفني سامي الجابر الاستفاده من الاخطاء وعمل جبار للتصحيح والتركيز طوال المباراة في الاخير كلنا هلال وكلنا زعماء وشكرا

هذا الكلام العقلاني الذي يجب ان يقال

اشكرك