زمان كانت الدوله قبل 40 سنه تصرف لنا تغذيه في المدرسه ايام ماكنت في الابتدائي كان يجي كرتون قبل الفسحه يوزعه العريف مع المدرس على الفصل
كنا نتحمس نروح للمدرسه.. بس قطعوها.. يازين الغياب >> قطعوها وانا في خامس ..سنه كبيسه
الشاهد في عام 1412 كنت لاعب في المنتخب العسكري وكان عندي زميل يلعب في نادي الرياض قلت يأخي وش فيكم اذا لعبتو مع الهلال انهبلتو >> كنا نمزح
قال يصرفون لنا التغذيه قبل مباراة الهلال كل شيء يستوي مسددين اقصاد السياره والجيب عمران >> كان وقتها الامور بسيطه والمعيشه بعد
قال يأخي يوم تلعب قدام الهلال تحس ان العالم كله يشوفك يتابعك تحس انك مهم ولك قيمه
سبحان الله بعدها بكم شهر لعبت ضد الهلال في افتتاح الملعب الجديد في المدينه العسكريه في حفر الباطن حضرها الامير سلطان رحمة الله عليه
كانت مباراة استعراضيه مدتها 45 دقيقه 20 دقيقه لكل شوط و5 دقائق بين الشوطين
لعبت ضد صفوق التمياط والجازع وسيرجو والعشيوي وسعد مبارك ابو ثنين لاعبين كنت اشوفهم بالتلفزيون >> ما كان سامي يلعب والثنيان ماحضر مع الفريق
انهبلنا انتحرنا في الملعب حسيت اني اطير فوق الملعب فقدت الاحساس بالزمان والمكان ماهو لشيء فقط انت تلعب ضد الهلال
بعد المباراة اخذنا اجازه لمدة 10 ايام
يوم رجعنا كل واحد ماله نفس يلعب كوره حتى الملعب الجديد كرهناه
ابد مثل يوم كنت صغير وتجي تلبس ثوب العيد بعده بكم يوم ماله طعم ابد
تلومونهم!!! مباراة الهلال بالنسبه لهم يوم عيد كل شيء طعمه حلو كرنفال رائع وكل شيء جديد والعيديه مصروفه
والجيب مليان حلاوه وريالات.. تلومونهم يوم ينهبلون وينتحرون في الملعب!!! ماهو شيء جديد علينا ابد ابد
قبل كم سنه الوحده كان هابط درجه اولى يوم جت مباراته مع الهلال في الشرائع في كأس ولي العهد عام 1425
انتحرو في الملعب حتى يوم حسب لنا بلنتي للشلهوب قامت الدنيا ولاقعدت
وكان الكبتن سامي في الملعب وش الجديد عليه؟؟
وش الجديد والغريب في يوم العيد .. يوم صرف التغذيه!!!!!!
حتى الاجانب في السعوديه عرفو ان مباراة الهلال هو يوم العيد وصرف التغذيه وصارو قبل مباراة الهلال يرفضون اللعب ؟؟؟
علشان عايشين الجو وعارفين وشايفين التغذيه والعيديه تصرف بالهبل >> فاهمين من نقصد

بخصوص التحليل الفني للمباراة ان شالله في موضوع منفصل الليله او غداً
حسب الجو لانه بصراحه مشحون والتوتر عالي والنقد صار مكثف بوعي وبدون وعي
ولا بد فقط ان نعلم جميعاً ان الهلال هو مصدر رزق للاعبين حتى من خارج الفريق في انديه اخرى
واعلاميين مصدر رزقهم هو سب وشتم كل من ينتمي للهلال
رجيع انديه ومستهلاكين لقو مصدر رزق في انديه نعرفها بسبب الهلال
سبحان الله

هلا اخوي بنو هلال
من ناحية الجماهير... انا ساكن في الطائف وكثير جمهور الاتحاد والاهلي
مباريات الاتحاد قريب في الشرائع ما احد يروح
مباراة الهلال مع الاتحاد كلهم معي في الخط رايحين ونتقابل في المحطات
والاتحاد مش منافس الان ......اكيد مباراة الهلال عرس كروي
شاكر مرورك ...... ومداعبتك الثقيله

ذكريات جميله وموضوع اجمل
اذكر كان في لاعب نصراوي سابق كان يقول كل الامور تنحل قبل مباراة الهلال حتى اجاراتنا بيوتنا ندفعها

حياك الله اخوي حب الزعامه
عاد الاعبين قبل مباراة الهلال يتشرطون عادي
لكن اغرب طلب كان من لاعب الوحده (كولابالي )عام 1413 او 1414
هو اشهر طلب مر على تاريخ الكره السعوديه
الرجال طلب (فيل صغير) لزوجته
رائيس الوحده انهبل
ونزل الخبر في كل الصحف وعنوان رائيسي بعد منها الرياضيه
ورفض الاعب اللعب وكنسلو عقده

هههههههههههه
أما سالفة الفيل !!!
لكن لاعجب مع خصوم الهلال

هو الاعب خطير وسجل في كل الانديه والوحده في عهده كانت رهيبه
ومعه كان خوقير والخضري
المهم هل ارتبط طلبه بعدم اللعب امام الهلال او لا .. الله اعلم
لاكن الرجال طلع في الصحف يستغرب ردة فعل الناس عندنا على طلبه
وقال ان (الفيل) اقل شيء ممكن يطلبه
وقال انه لو كان في الاهلي او الاتحاد ممكن يجبون له زرافه بعد
وكان عتبان على الوحداويه كثير
نسيت اقول ان الرجال كان طالب بركه كبيره للفيل طبعاً
هذا على ذمة رائيس الوحده في الصحف