- ناصر الشمراني: الحي يحيك
- ياسر القحطاني: و الميت يزيدك غبن
- ياسر الشهراني: كيف الحال!
- سعود كريري: ما كان العشم!
- تياجو نيفيز: ما كان يومك حبيبي
- عبد العزيز الدوسري: أبرد من طقس كندا!
- سلطان الدعيع: مشروع بطل, حافظو عليه
- كاستيلو: تذكرة ون واي على حسابي!
- عبد الله الزوري: كابتن مرة وحدة! هزلت!
- سلمان الفرج: ما ألومك, ما هو مركزك
- نواف العابد: خير الكلام ما قل و دل
- فايز السبيعي: الله بالخير! يجيب الله مطر!
- سالم الدوسري: نبي أكثر!

الى من يشكك في امكانية مدربنا سامي
غصبا عنكم قاعد على قلوبكم
اللعيبة ابد ماكانوا في يومهم
وعلى راسهم نفيز
انا اقول نحمد الله على التعادل على ظروفنا
واهم شي يتحسن الاداء اللعيبة المباريات القادمة وتعافي المصابين
وبخصوص كاستيلو اشوفه لاعب مقاتل ولاكن المركز جديد عليه
شكرا لكم
عبدالعزيز القحطاني

اعتقد الكل صار يعرف نقطة ضعف الهلال
شوية ضغط والفريق كله يتحول للزوري
برود وارتباك غريب تمريرات مقطوعة
كورة مع الحارس 5 امتار عن مهاجمين الهلال
بس يترجعون ويخلونه يوجه وياخذ راحته بالتنفيذ
الهلال صار اي فريق يقدر يضغط عليه ومعلومه اتوقع عند كل المدربين
وفوق هذا ما يضغط. كل المدربين عرفوا نقاط ضعف الهلال. الا مدربين الهلال
اللي مروا على الهلال بالمواسم الاخيرة باستثناء زلاتكو
اللي لو كان مدرب الهلال اللي انا متاكد كان الحين مرتاحين بالصدارة وبدون منازع

السلام عليكم
ندخل في الموضوع
بالعاده احنا ما ننتقد سامي ونلقي باللوم كله على اللاعبين ....... ولكن
سامي بدا المباراة بتشكيلة خطأ والدليل تغييره بين الشوطين مع اني اراه تاخر كثير
وايضا كان التغيير خطا
ياسر المفروض ما ينزل الا في اخر ربع او ثلث ساعه ويكون مكانه العابد ويرجع سالم لمركزه ويتحرر نيفيز
اذا بنتكلم عن المفروض ف فيه اشياء كان يجب على سامي يعملها من البدايه خاصه انه بيلاقي فريق مثل الاتحاد ينتحر امام الهلال وهذا شي معروف
عندك غيابات وضعف في الدفاع يعني من قبل المباراة باسبوع تعرف من تلعب بدل ما تتدارك خطاك بين الشوطين
لو بدا بالزوري مع الدعيع وثبت كاستيلو مع كريري في المحاور ولعب بالبيشي وخلى الشهراني يسار
اتوقع بيكون شكل الدفاع افضل لان اللاعبين بيكملون بعض ولاكن المدرب مصر على تطنيش البيشي و تثيبت الشهراني يمين مع ان كل المحللين اللي (نثق فيهم) مثل الشنيف والعنزي ... وكل الجماهير يرون شي وسامي يري شي اخر
بالنسبة لكاستيلو لا يتحمل اي شي اللاعب معروف انه ثقيل ومتعود على اللعب كمحور يعني اذا اخطا فيه مدافع يصحح وراه ويمديه في نفس الوقت يرجع يساند
خلونا نتفق ان سامي لعب مع الاتحاد بطريقة فرق الوسط وما اعطاه حقه من الاحترام
والمصيبه انه اخطا باشراك سالم مهاجم مع ناصر وترك يوسف في الاحتياط ... دامك بتلعب بمهاجمين وظف مهاجمينك ولا تخترع لانه لا استفاد من قوة سالم كطرف ولا استغل تمرس يوسف السالم كمهاجم
وجهة نظري سامي يتحمل تخبطه الواضح جدا في المباراة واعتقد انه اعترف بهذا الشي في المؤتمر ولكن بعد خراب مالطا
احنا ننافس على الدوري وبفارق مو بسيط عن المتصدر ونجي نجرب في اهم المباريات
شي غريب
اتمنى من سامي في مباراة الاهلي يبدا ب 4 2 3 1
كواك الدعيع الشهراني والزوري لانه ما في امل يغير قناعته في الشهراني والبيشي
امامهم الكرير وكاستيلو ثابتين
العابد وسالم اطراف ونيفيز خلف الشمراني
العب بقوتك واكسب وبلاش اختراعات
انا احب سامي ويشهد الله اني اتمنى يحقق مع الهلال كل البطولات ويكون مستوى الفريق عالي العال
يحسب لسامي تدخله باخراج كرير وتغيير شكل الفريق والعوده لطريقه الهلال الحقيقه بس لو كان العابد مكان ياسر من بدري اتوقع تنقلب المباراه
عموما المباراه انتهت وفي النهايه مو مكتوبه لنا النتيجه
والفريق ما كان سيئ خاصة في الشوط الثاني الحمد لله على كل حال انتقادنا نابع من محبه
نبي فريقنا يكون افضل وفي نفس الوقت نتكلم عن الاخطاء وما نقبل الاستهتار والتهاون باي فريق
اختلف مع من يقول ان عزوز كان سيء بالعكس ادى اللي عليه تحرك وصنع وحاول وكانت افضل مباراة له في الموسم
اذا عشان الفرصه االلي تاخر في التمرير فيها شي طبيعي وغلطه واحده في المباراه لا تلغى مجهوده في المباراة ككل
وترى ياسر لعب مدافع مع الاتحاد لما رد كوره رايحه للباب وكريري مرر الهدف الثاني للاتحاد
الاخطاء وارده المهم ما تتكرر
ولكم تحياتي

ارائنا ما فيها مصالح شخصيه ولا عاطفيه وعلى فكره اذا ما عجبتك وجهة نظري مو لازم ترد تركت كل الكلام وركزت على ياسر
صدقني اتمنى اشوف ياسر بنصف مستوى الشمراني لانه بيكون عامل قوه للفريق وهذا اللي يهمني لا كن ينزل عشان يفك الزحمه معليش احنا نبي نفوز وياسر ماسوى اي شي يذكر الا اذاكنت انت شايف انه عدل النتيجه او سدد ولو كره على المرمى شي راجع لك
انا ما اتكلم على ياسر ولا اي نجم من نجوم الفريق ولكن انا شخصيا بكون اكثر من يصفق لياسر اذا سجلي ع الاقل هدف في كل مباراتين
عموما ياسر روحه و وجوده في الفريق له نكه خاصه بالنسبه لي ولا احد يزايد على نجوم الفريق نحبهم ونساندهم لان هدفنا واحد
وبعدين ترانا كلنا مشجعين للهلال يعني اهدا شوي وتقبل راي الاخرين باحترام وروح رياضيه (مافي داعي للمرض)

ياااا هلاااالي اسباني
شوف اكشن واسمع الشنيف اش يقول وارجع اقرا كلامي (وتعلم)

الهلال محتاج صانع لعب حقيقي يعطيك كورة انت وظميرك مثل طارق التائب كان شايل الوسط كله

وبنسبة لنيفز انا اشوفه مهاجم ليس لاعب وسط وصانع لعب

والدفاع محتاج وقفة جادة من سامى لتغير

ناصر انشهد انك بردت الخاطر ... كوتش سامي ارجوك لا ...؟


السلام عليكم ورحمه الله وبركاته
هاردلك للجميع المستوى هذا
ومبروك للجميع النقطه من فم النمر الجريح

مباره كلاسيكو وكل شي يصير فيها
الزعيم ناقص اليوم قلوب دفاع والحمدلله على التعادل

اللي حبيت اوصله من هالموضوع
يخص الكابتن سامي

ارجوك لا للمجامله
دخل ياسر القحطاني ولا شفنا اي شي منه بالعكس ثقيل في تحركاته

ابو عبدالعزيز نجم كبير ومحبوب لنا كا هلالين بس يابو عبدالعزيز الزعيم محبوب اكثر لنا

نبيك ترجع لمستوك فقط

الكلام مو على ياسر او تقصد لياسر
بس نلعب الاجهز اللي هو يوسف السالم شاب ولديه الطموح
وياسر بديل ثالث

يارب تكون خيره نتيجه اليوم وارجع اقول نقطه ثمينه من فم العميد

وبالأخير بيض الله وجهك يا ناصر
بردت الخاطر

إقتباس الرسالة الأصلية كتبت بواسطة الحوار المفتوح ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ مع ساامي اصبحت كل هجمة ضد الهلال خطيرة بسبب تنظيمه الدفاعي السيء "لا احد يتعذر بالنقص اليوم الخلل واضح من بداية الدوري وكان الكل يقول لازم نصبر لأننا بالبداية وللأسف الدوري بينتهي والاخطاء هي نفسها الفريق الصغيرة اصبحت تحرج الهلال و نفوز عليهم بشق الانفس .. *الهلال ليس مدرسة أو فريق صغير لأعداد المدربين والصبر عليهم محتاجين مدرب جاهز صاحب خبرة وإنجازات وما يكون على شاكلة كمبواريه و دول* ماهي أبرز السلبيات والإيجابيات التي دونتها على أداء الفريق خلال المباراة ..؟ البطىء في نقل الكرة والعرضيات العشوائية !! ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ + نيفيز - كريري و ياسرالقحطاني

الهلال محتاج صانع لعب حقيقي يعطيك كورة انت وظميرك مثل طارق التائب كان شايل الوسط كله

وبنسبة لنيفز انا اشوفه مهاجم ليس لاعب وسط وصانع لعب

والدفاع محتاج وقفة جادة من سامى لتغير

الضعف الدفاعي كان سبب في تدهور مستوى الفريق

مع عودة قلوب الدفاع و المحاور راح يتحسن الفريق

و ان شاء الله ما تطول فترة الانسجاب بين العناصر الجديدة

و بكل أمانة نحتاج الى محور و ظهير ايمن او ايسر و حارس

تشكيله غريبه بدأ بها الجابر والذي بهذا التأليف من مباراة لأخرى فهو يعبث بالفريق وهويته الفنيه.
الكل أجمع أن الهلال مشكلته فنيه تنظيميه وهذا ظهر واضح في مباراة الإتحاد
تشكيل غريب بلا تنظيم وبلا هويه
أصغر مشجع هلالي كان ممكن يبدأ المباراة بالتشكيل التالي لظروف الفريق الحاليه
السبيعي
الفرج الزوري الدعيع الشهراني
كريري كاستلو
العابد نيفيز سالم
ناصر
هذه التشكيله كانت بتجيب المباراة وبدون مشاكل

لكنها فلسفة الجابر وتكرارأخطائه هي من أضاعت ثلاث نقاط مهمه.

فعلا لدينا لاعبين ممتازين بالفريق ولكن لم يجدوا من يوظفهم صح
حتى التهيئة الادارية والنفسية للفريق واضح إنها كانت في الحضيض

الهلال يعاني وسلامتكم

الحل بالتعاقد مع ظهير يغطي الاخطاءاللي يحاولون السناتر يغطونها وهي سبب
مشاكل دفاع الهلال
هلالي وحبه يجري بعروقي لكن تكفووون
الحل بالتعاقد مع حسن معاذ
ويرجع الشهراني لمكانه الاصلي يسار ويصير كل لاعب يلعب بمكانه
الاصلي
بعدها راح يرجع الزعيم من جد وترجع الهيبه دبل
والله يوفق الهلال بباقي المباريات يارب

الاتحاد كان بالفروما
الهلال ماكانوا بيومهم ابدا !!!
ضيعوا هجمات محققه للفوز لكن الحظ مع الاتحاد
الاسباب الخسارة ان الهلال يلعب ببطئ مافي حركة نشاط غير الشمراني فقط وتمريرات للخلف حدثت فيها اخطأ واستغلها الاتحاد
هذا المكتوب الله ماراد ان نفوز والحمدالله تعادل احسن من خساره
ان شاء الله يارب يتعثر النصر