رئيس النادي يجيب مدربين ويخليهم يختارون لاعبين
ولا اختارهم هو وطلعوا سيئين قلتوا استثمار والخ ..
المدرب سامي شي طبيعي انه يقول دفاعي ممتاز ..
تبيه يقول انهم سيئين؟ بعدين انت شايف اسعار اللاعبين المحليين
صاروا اغلى من الاجانب عقد موبايلي ما يكفي ترمم فيه الدفاع
عقد موبايلي يغطي اشياء كثيرة منها صيانة لمنشئات النادي والرياضات الثانية
وبالاخير ترى فيه اندية تشتغل زي مالهلال يشتغل

موضوعك يذكرني ببيان نادي الاتحاد السخيف اللي يضرب يمين وشمال وتحسه كلام مهزوز

الهلال السنه هذي غير السنتين اللي فاتت... صحيح في اخطاء.. لكن ما نحارب نادينا بانفسنا

وسامي موقعين معاه ٣ سنين وبندعمه حتى لو اخطأ... وكلنا ثقه انه بعدها بيرفع راسنا.. لانه ابن الزعيم... والزعماء دائما ناجحين باذن الله

الرد على موضوع الاخ بسيط وبكلمات قليقة
انا احس ان المنتدى من سنتين ومن بعد جيرتس صار نوعين نوع وهم نسبة كبيره متشائمين والنسبه الثانية مندسين وواحد يرفع وواحد يكبس يعني يخش مندس او مطقطق يكتب نقطه في موضوع معين يعني يتكلم عن خطاء تناقل الكره بين اللاعبين وان الخصم استغل كره واحده خلال تسعين دقيقة ويكتب موضوع طويل ويدخل واحد من المتشائمين ويقعد يرد شوي ويبكي طيب المباراه 90 دقيقة اذكر تنوع الهجمات الاهداف المهدره لا قاعد يبكي ويجي مسكين واحد من القله في المنتدى يحاول يشد من ازر اللعيبه ويرد علية المتشائمين ويستدل بكلام اللي طقطق قبل شوي في المنتدى ويقول يالله طبل , ياخوي خله يطبل وش فيه انا لو بيدي اشتري طبول واوزعه على كل اللي بالمنتدى نبية يتحول الى مطبلين زهقنا من المتشائمين والمندسين صار المنتدى مايطاق
حتى الفريدي انحاش والسبب هالمتشائمين والزوري اذكر له لقاء يقول ان المدرب يقول اني لعبت كويس وش فيه الجمهور شايل علي مايدري الحبيب صار الهلال كله متشائمين اذكر يوم فاز الهلال على الاتحاد 5-2 المتشائمين الي بالمنتدى تركو المباراه وقامو يبكون على هدفين الاتحاد حتى ولا واحد منهم كلف نفسه وقال كلمة حق باللعيبه والسبب في المندسين او نحسن النية حاب يطقطق في المنتدى فاضي ماعنده شغله
وعلى فكره الاندية الثانية فهمت الجمهور الهلالي وقامت تدخل بيوزرات كثيره ولاتحصلهم الا بعد مباراة الهلال على طول تلاقيه زعيم جديد والهلال فايز 4-1 ويكتب سامي مافي راسه تدريب والاداره تعبانه واللعيبة حفله طبعا هو ماشاف المباراه بس عارف النظام طقطق يلحقونك شلة المتشائمين
انا اقول للجمهور وسع صدرك والكره فوز وخساره وانا اخوك ولاتنجر مع الاندية الثانية لان كلامهم كثير ومايخلص

مع إحترامي للجميع وبدون زعل

المجاملة موجودة وقوية في الهلال وعلى حسابنا كجمهور تعود على البطولات .

أكبرها : مجاملة الإدارة للكابتن سامي بتسلم الفريق بلا تاريخ وخبرة فهذه قضت على سمعة سامي وسمعة الهلال وقضت علينا كجمهور يأمل المواصلة بحصد البطولات التي تعودنا عليها .

ومجاملة أخرى : مجاملة الكابتن سامي لزميله الدعيع بمشاركة ياسر الدعيع فعلى الرغم من كونه لاعب واااااااااعد إلا أن الإستعجال عليه بالفريق الأول وأساسي ربما تبكر نهايته .

المدرب واللاعب بلا خبرة

لو كانت شهرة اللاعب تفيده أفادت مارادونا وريكارد .