29/05/2003, 09:31 AM
|
| زعيــم مميــز | | تاريخ التسجيل: 17/12/2000 المكان: الرياض - السعودية
مشاركات: 1,864
| |
أنا سجينة حزن والقلب ملهود وجروح روحي موجعت وبدايد
مرثية في فقيد الوطن والطيب محمد البلهيد الله يرحمة من اخته . منشوره في جريدة الرياض .
الحمد للي ماعلى قدرته كود **** عون العباد مهون كل كايد
يعطي على شكر النعم والثنا زود *** واذا عطا ماهوب يعطي الزهايد
بابه عن المضطر ماهوب مردود *** اللي يعرفه بالرخا والشدايد
حبل الرجا به دايم الدوم ممدود *** يطفى بكبد حاميات الوقايد
أنا سجينة حزن والقلب ملهود *** وجروح روحي موجعت وبدايد
على فقيد الخير والطيب والجود *** والعز والفزعه وخير العوايد
الناس وافعاله على طيبه شهود *** وطبايع محمد بجيله فرايد
بره وجوده مالها قدر وحدود *** ومن عاشره مانال غير الفوايد
وشلون ومحمد من الكبد مقدود *** اقوى العزا ودموع عيني بدايد
لعل قبرة نوه وانهار وورود *** ويجزاه بالجنه صدوق الوعايد امين
اخوي مهوب اي غايب ومفقود *** موته غدر ورهاب غل ومكايد
من شرذمه فكر عن النور مسدود *** ناس عن اليمه وهلها تحايد
أغواهم الشيطان عن خير مقصود *** سود على نور الشريعة تزايد
وحنا بعز وخير وسهود ومهود *** في ظل لابلج الدرب قايد
والله يعين اللي غدا منه مفرود *** أبوي تاج الطيب بين البدايد ونعم
ويجبر عزا اللي غدا في ثر العود *** بأكبر فجيعة قلبها واللهايد
ويجبر عزا من شفها عن مردود *** نوف اللي اثر دمعها بالوسايد
ويصلح (لينا ولين) ويهون الكود *** بأمره ونصرنا على كل كايد
ليان ولين ) بنات المرحوم محمد . الله يرحمه . واعتذر عن نشر هذه المرثية بدون اذن منهم .
اخر تعديل كان بواسطة » assir في يوم » 29/05/2003 عند الساعة » 12:57 PM |
الوضع العادي
