السلام عليكم
اولا احس ان سامي غسل يده من الدفاع لدرجة انه ما يحاول يعدل عمل كل التغييرات المحتمله ولم تنجح
طبعا هذي التجارب هي اللي افقدت الدفاع التجانس وتسببت ايضا في المزيد من الضياع
اعتقد ان كثرة التغيير في الدفاع افقدت اللاعبين عامة الثقه في مراكزهم وهزتهم نفسيا وصرنا نحس ان اللاعبين متسرعين وكانهم يخافون ينسحب عليهم مثل ما صار مع الزوري والمرشدي وغيرهم
في لخبطه حاصله في الهلال واظن ان اكبر اسبابها عدم ثبات المدرب على اسلوب تشكيلي واحد
المشكله اللي يواجهها سامي
اذا غير قلنا مو ثابت على تشكيله معينه واذا ثبت قلنا مكابر ومصر على رايه
عشان كذا الارتباك صار واضح في عمله وانعكس على اللاعبين
وجهة نظري
هنا تفرق خبرة المدرب وتبان لان المدرب المفروض يعرف كيف يختار على قناعه فنيه تعزز فلسفته في التشكيل ويعمل على هذا مع مراعات الانتقاد الفني واخذه بعين الاعتبار بشرط انه ما يتحول لعامل مؤثر لدرجة ان يتحكم في قرارات المدرب ويغير قناعاته
المشكله الثانية اللي يعانيها سامي
تدخل الكل في صميم عمله اعلام جمهور محللين ومذيعين حتى السكرتارية الظاهر صارو يناقشون سامي وما يفعلة على خلاف المدربين الاجانب اللي ما احد يركز عليهم والدليل مدرب الاهلي قسم بالله لو فعل سامي ربع ما فعله بريرا لانحرقت الدنيا
لذلك نحتاج شوية واقعيه خلونا نتعامل مع سامي كاجنبي
ونعطيه الفرصه بعد الفتره الشتويه واذا استمر وضع الفريق بهذا الشكل ساعتها الله يستر عليه نكون اعطيناه اللي يستحقه منا وما ننلام والهلال اهم من اي شخص مهما كان
بالنسبه للمباراة
طبعا الدفاع ميؤوس منه والكلام فيه مضيعه للوقت
اتفق مع من قال ان تغيير الكوري بمثابة كرت احمر من الفريق كاملا والدليل ما قاله سامي في المؤتمر ان الكولتي ضعيف والحل الوحيد هو الاستبدال
اتمنى ان يكون سامي اكثر حزما وثقه لتنعكس على اللاعبين
مباراة الفتح تختلف كثيرا عن النهضه والشعله
الفتح فريق قوى وعنده لاعبين لو وجدو هفوات زي هالمباراتين رحنا فيها
اتمنى من سامي
كوجهة نظر ان يلعب مباراة الفتح بكاستلو في قلب الدفاع والغنام مع هرماش ويخلي عزوز يلعب مكان الشلهوب مع دخول سالم طبعا
بما انها المباراة الاخيره في الدور الاول ارى ان هالتشكيله ممكن تحقق المامول قدام فريق مثل الفتح يستحق الاحترام ويعمله الف حساب فالفوز عليه ربما يكون خطوة مهم جدا خاصة اذا توفق الشباب في تعطيل النصر
افضل سيناريو لنا كهلاليين ان ينتهي الدور الاول من الدوري والفارق نقطه واحد
نقول يارب يتحقق هالشي عشان نعود بمعنويه عالية مع التغييرات الجديده
المعذره ع الاطاله
وبالتوفيق لكل زعيم مخلص ولكم تحياتي
ارؤنا تعبر عن حبنا وحرصنا والله من وراء القصد