!!! ... خبر اليوم من بيتنا... !!! - نادي الهلال السعودي - شبكة الزعيم

عــــ الهلالي ــارف · #1 28/05/2003, 11:49 AM

[ALIGN=CENTER]ندخل في الموضوع من دون مقدمه ...!!!;)

الله يسلمكم ضربت الفيوز عندي وقلت اطلع اتشمس شوي واعد نجوم الظهر ...

وادور لي المكان المزبوط على طول تضرب الشمس فيني واختار السطح حق بيتنا ،،، واجلس جنب الصحن حق الدش الخربان ...

ونا جالس قمت افكر وش اسوي في العالم اللي تحت صايفين طابور عند باب بيتنا يبغوني اسلم عليهم ...

وانا غارق في همومي ما وعيت إلا واحد يدق بوري >> خاخ خاخ خاخ ،،، ويصرخ واحد بأعلى ما عطاه ربي من صوت : يا اللي جالس انت عطنا وجه ...

وأشبح (( اناظر )) فوق وإلا طياره واقفه فوق بيتنا ...

واللي يصوت الواحد شبهت عليه بواحد من اعضاء المنتدى *** ...

ويقول : عندك مويه يا ابو الشباب ...؟؟؟
قلت له : كان ودي اخدمك لكن شف لك غيري ...

قال : طيب ،،، رح جب لي مويه وتعال ...
وانقز (( اطمر )) ذيك النقزه اللي ما بعدها شي وإلا اي شي ،،، واجيب له القليل من الماء عشان ينقهر بس ...

قال : انت ووجهك ماعندك زياده الشباب ذابحهم الجوع ...؟؟؟!!!

قلت اقول رح لأقرب دكان واشتر لك اللي تبي >>> اكد عليهم انا ...

قال : طيب والله انك سنافي يا ولد الاجاويد ...
قلت : مير الله يسلمك ...

قال : طيب خذ ذي ودقها عند باب بيتكم عشان اذا جيتك اقلط عندك ...
ويحذف لي شي كبير واروح يمين شمال ،،، عشان ماتضرب فيني ...

ومعه كم صندوق وكم ربطه ،،، ما ادري وش هي ...؟؟؟

والمهم عدت الحذفه بســـــــــلام ،،، واقرب واطالع فيها

إلا منشوره ملزقه فيها مكتوب فيها هديه من خادم الحرمين الشريفين الى
الشعب الجزائري الشقيق ...

تحمدت ربي وشكرته وقلت يالله ان تحفظ ابو فيصل وتطول بعمره وتخليه لنا ...

واصوت على الشاب اللطيف اللي في الطياره ...
يافلان يافلان ...

قال : وش عندك ...؟؟؟
قلت : الله لا يسفهك العنوان غلط ودها للمحتاجين ،،، ابو فيصل ماقصر معنا بشي ...
واحذف له الاغراض بحركه ما ادري كيف جااااات ....؟؟؟؟ وارجعها للطياره ...

والمهم قال لي الشاب جزاك الله انا اشهد انك منت براعيها ...

ومشت الطياره الى الجزائر لتوزيع الأغاثه للمحتاجين ...

المراد :

اتجهت امس من مطار الملك خالد بالرياض طائره تنفيذا لتوجيهات خادم الحرمين الشريفين الملك فهد بن عبدالعزيز آل سعود بمساعدة المنكوبين من الزلزال الذي وقع مؤخرا في الجزائر ...

لتوزيع الاتي :
( 7100بطانية و 1200خيمة و 1200بساط و 1070طردا تحتوي على أدوية ومستلزمات طبية تزن حوالي (6400) كيلو غرام ...

ما اقول إلا ::::

الله يطول بعمرك يا ابو فيصل ويحفظك من كل شر ويخليك لنا وخيرك سابق ...

تحياتي للجميع ...[/ALIGN]

الحاتمي · #2 28/05/2003, 11:54 AM

الــحـــاتـــمــــي ......

مـــر مـــن هــــنــــــا ...

ويقول : لا تتشمس كثير يا عارف .... تخبر هاليومين براد بالشرقية !!;)

مخاوي الشوق · #3 28/05/2003, 12:01 PM

ههههههههههههههههههه
يعطيك العافيه
بهالمقدمة قلت يمكن صار شيء
بس الحمد اللع جت سليمة

--------------------------

الله يطول بعمرك يا ابو فيصل ويحفظك من كل شر ويخليك لنا وخيرك سابق ...
مع تحياتي
اخوك
مخاوي الشوق

الداود · #4 28/05/2003, 01:05 PM

[ALIGN=CENTER]إقتباس من مشاركة عــــ الهلالي ــارف

إقتباس


	انت طعنا وجه ...

صاددددووووووووووه

إقتباس


	المراد : لتوزيع الاتي : ( 7100بطانية و 1200خيمة و 1200بساط و 1070طردا تحتوي على أدوية ومستلزمات طبية تزن حوالي (6400) كيلو غرام ...

هلا عويرف
ماخذت لي كم بطانية وكم خيمة
عشان طلعت الاعياد

[ALIGN=CENTER]ما اقول إلا ::::

الله يطول بعمرك يا ابو فيصل ويحفظك من كل شر ويخليك لنا وخيرك سابق ...

تحياتي للجميع ... [/ALIGN]

تحياتي
الداوود[/ALIGN]

اسير · #5 28/05/2003, 01:58 PM

إقتباس


	إقتباس من مشاركة الحاتمي الــحـــاتـــمــــي ...... مـــر مـــن هــــنــــــا ... ويقول : لا تتشمس كثير يا عارف .... تخبر هاليومين براد بالشرقية !!;)

اي والله براد مرررررررررره تقول جالسين بكندا مناب في الشرقيه