- عبدالله السديري مسالة انك تلعب موسم ونص واخطائك ما صححتها وغير هذا كله الاخطاء بدائية اتوقع او لازم تراجع نفسك لان شراحيلي راح يرجع والسبيعي منتظر الفرصه هذي عشان ياخذ مكانك

-الدفاع الى الحين من سيء الى اسوأ ومعنى هذا كله ان الهلال اخطاؤه في الموسمين الماضيين
كانت من الدفاع مو من المدربين يعني كومبواريه كان مدرب جيد وزلاتكو كان جيد ولاننسى دول
اللي كان جريء ويلعب 4-4-2

-من وجهة نظري سامي تكتيكه قريب من جريتس لكن سامي مايركز على مصيدة التسلل مثل جريتس اللي كان دفاع الفريق قوي و قليل انك تسجل على الهلال

- المرشدي اول الموسم كان جيد وقدم مباراتين ممتازه لكن ماندري وين راح

- الهلال انكشفت اوراقه وخطة الفوز صارت سهله قفل دفاع والعب كور طويله لان الهلال مايملك دفاع

-سامي يملك ثلاث مهاجمين خطيرين لكن مع الاسف سامي ماعنده الجرأه انه ينزل اثنين من اول
المباراة اتمنى ان سامي يحاول تغيير الخطه الى 4-4-2 ولما يفوز يلعب 4-5-1 لان كل الفرق السعوديه تعاني بالدفاع مو بس الهلال ولما تلعب بمهاجمين مثل ياسر وناصر او يوسف اتوقع راح توضح قوة الهلال الهجوميه واللي راح تغطي عيوب الدفاع والحارس

- اخيرا لازم نفرق بين سامي اللاعب وسامي المدرب لانه مع احترامي لسامي الجابر والجميع انا اتوقع ان سامي اسوأ مدرب مر على الهلال في الثلاث مواسم الماضيه بالتنظيم الدفاعي .

اعتذر على سوء التنسيق لاني كتبت الموضوع بسرعه وشكرا لكم على القراءة وبانتظار ارائكم وتعليقاتكم