ابتكلم بهذا الموضوع باتجاهين ,,

الاول بخصوص قيادته للمدرج في السابق ,, كان حقوي مشعلل المدرجات بأهازيج جميله و تفاعل الجمهور معه كان ممتاز و كان معطي المدرج الازرق نوعا من الجمال .

الاتجاه الثاني بخصوص اخلاقه ,, اشوف فيه ناس هنا تمدح اخلاقه , حقوي اساء للمدرج الهلالي و جمهوره بعد طرده من قيادة الرابطة , و لا ننسى تخلفه الكبير عن النهائي امام الاتحاد , و للمعلومية كانت تربطني فيه علاقه صداقة على وقت قيادته لرابطة الهلال و بعد انتقاله للجار انتهت علاقتي فيه بوابل من الالفاظ المشينه من المذكور اعلاه


اخيرا

قلتها في السابق و اقولها الحين

حقوي عبد للريال لا اكثر

.. الحقــوي , هذا الادمـي , اشلون يصير رئيس رابطة جمهور كبير زي الهلال .. بععدين طرحة للاهزوجآت صار قديم يعني مافيه تطور .. اهزوجآت تستحي انك تردد معــه .. , .. ، بخصوص الرآبطة سلملي على ., ( الرابطة البحرينيه ) طرب منتآز جدآ ..
مع ذلك .. انا انقهرت انقهرت لمآ شالوا الالتراس تخيلوا الالتراس الى يومك ذا مسسسستمر ., .. شطحة بسيطة .., حلمــــــــــــي اني اشوف جمهور الهلال يسسسوي نفس حركة جمهور بروسيا دور تمــوند .. وتفاعلهم ..

انا من وجه نضري ما يحتاج حقوي نطلع من الملعب مصدعين من الطقطقه والطيران وغير كذا بكل صراااحه اشوفها مهزله في المدرج قالبينها شكشكه ورقص ماله داعي انا اشوف اخر تطور للرابطه في مباراه الشباب 4-1 كان الجمهور جميل جدا وملفت للنضر وكانو الجماهير متفاعله وقت المباراه اتمنى فقط التثقيف في التشجيع وتكريس مواضيع للجمهور لحضور المباريات بكثره لمسانده اللعيبه في كل وقت وكل مكان مهما كانت المشاركه

فكونا منه قد تشبع من الحقد من جمهور الازمات القلبيه الهلال يكفيه الموجودين ولا نحتاج خريجي جمهور الفقر

انا مع رجعت حقوي لقيادة المدرج الهلالي لانه عامل الفرق بصراحة ويقود المدرج ودائما" متجدد بالأهازيج ياليت يرجع

رحيل رئيس رابطه الجماهير ومن ثم عودته وكان في السابق رئيس في رابطة نادي النصر

انا لا اتفق مع عودته نهائياً خلال هذا الموسم ,, ان الاستمرار برابطة الجماهير الحاليه وإعطاهم الفرصه

هو الحل الامثل ففيهم الخير والبركه ,, مع بداية الموسم الجديد لكل حادث حديث .

والله يكتب اللي فيه الخير .

مارأيكم في جلب الرابطة البحرينية هل تتذكرونها في اسيا

بعد الرابطة البحرينية عرفنا ان ما يقدمه الحقوي وربعه كلام فاضي

انا مع وجود اكثر من شخص يقود الجماهير في اماكن مختلفه من الملعب

وانا ضد الحقوي نهائياً فهذا انسان ( مصلحجي ) ومادي فقط

تمت .

الي اعرفه ان حقوي سبق و ان اساء للهلال من خلال

قيادته لـ مدرج احد الاندية

لـ ذالك انا ضد ان يقود رابطة الهلال

اللحين نبغى الرابطة البحرينية ترجع من المسؤل اللي نكلمة وأتمنا التفاعل والمبلغ بسيط

سبق وقلنا ان ينظم الهلال مسابقة كبيرة لمواهب قيادة الرابطة ... من شعر واصوات وغيره ويتم اختيار 6 او خمسة منهم وتكون الجائزة في الفوز جزلة وشوف المواهب كيف حتشارك وكيف تطلبع ..وين التحرك بس وين التنظيم الذكي ..؟؟
حقوي مشكلته لايوجد به كاريزما وذكاء الاداء يعني قد يغني فراحي والهلال مهزوم ...؟؟؟ وقد يقول كلمات تضجر وادائم الجمهور يتململ منه ...رغم ان صوته جميل وعالي .. لكن لايملك ذكاء الاداء وذكاء الاختيار ...وهذا مهم لانك قاعد قدام ناس متاألمة وحزينة ومتضايقة لازم تختار الكلمات المناسبة ...

صراحة توقعت ان اكثركم بيخالف رأي .. لكن الحمد لله الاكثرية متفقين .. انا سعيد بذلك // شكرا لكم .