لاتنسون ان الهلال مشكلته انه يلعب هجومي وعنده ثلاثة مدافعين اجانب ....ثلاثة مدافعين اجانب ..؟؟؟؟؟ ..باعتبار المحاور دورهم الاول الدفاع .... وياليت هؤلاء المدافعين الاجانب قد المطلوب والمأمول ..هم ادنى بالمأمول الا اذا استثنينا هرماش في جده واجتهاده فقط ...هذه مشكلة للهلال لاشك فيها .... ارى اننا بحاجة الى قلب دفاع ذكي جدا ..وماهر ...والغاء عقد كاستيلووالكوري والتعاقد مع لاعب الرائد الجبرين

وين كارينيو اللي في موضوعك.. ما شفناه؟!!

يا رجال أبو خدود أنشيلوتي ما يلعب بذا التكتيك!

إحترام الخصم واجب، لكن أنك تعطيه أكبر من حجمه، لا وألف لا..

دفاعهم يكفي فيه السبيكة هوساوي وخالد الغامدي اللي المفروض يشتغل عليهم نواف العابد أو عزوز

وحارسهم والله ما عنده إلا الدجة لكنهم رفعوا فيه لين صار الدعيع

الهلال لازم يلعب بخطته قدام الشباب، الضغط على حامل الكرة ومحاصرة مفاتيح اللعب اللي هم نور والشهري وعطيف إذا لعب

غير كذا بإذن الله يآكلون خمسة

اكيد سامي الجابر راح يدرس النصر و راح يدرس اسلوب مدربه

فـ الفوز بالمباراة جدآ هامه و اعتبرها اهم مباراة بالدوري

لانها راح توسع الفارق النقاطي بين اقرب منافسي الهلال

تحليلك اخي العزيز منطقي جدا وهذا الاسلوب اللي ينتهجه مدرب الفقر في مبارياته السابقة


لكنه انصدم لمن شاف الاتفاق غير من جلدته وكان له مثل الثعبان واللي كاد ينتف منه الثلاث نقاط لولا غباء ابراهيم هزازي



عموما النثر راح يلعب هالمرة غير وصح مثل ماذكر الزعماء اعلاه بأنه راح يلعب مدافع خاصة انه يتميز بقوة دفاعه والعكس بالنسبة للزعيم عشان كذا اتوقع راح يعتمد على المرتدات وهم يملكون هذا المفتاح في لعيبتهم عندهم الزيلعي الغامدي نور غالب هذي الاسماء راح تجتهد كثييييير اضافة الى الدجاجة طبعا اللي ما يشتهي لعيبة الهلال






لكن الهلال يجب على اللاعبين انهم لا ينظرون لهذي الامور كلها



يجب ان يلعب بمستواه وبالثقة المعروفة عنه حتى ما يدخل في متاهات وترى مو معنا انه حارسهم تطور مستوااه ما راح نقدر نسجل فيه لا عندنا رجال يعرفون كيف يمغطونه عندنا الزلزال والقناص وما راح يهمهم أي حارس يواجهونه وان شاء الله سيكون التوفيق حليفنا




يوما ما ستشرق شمس الزعامة من جديد 54

على قولة العراقي (تريد الصدق لو لا) مهما كانت قدرات المدرب بدون لاعبين باستطاعتهم قلب الموازين لن تنجح كمدرب
الهلال فيه مفاتيح فوز وأهمها (نيفيز) ثم (ياسر) ثم (العابد عند توهجه) ثم (سالم) ثم (الشمراني) ثم (عزوز) هؤلاء ماشاءالله عليهم والله يحميهم من الاصابات

شكرا ابن محفوظ على النقاط الجمله اذا كانو الاعبين في يومهم صدقني راح تكون مباراه من صالح الهلال وصحيح كلامك فوز الهلال ع النصر يعطي الفرق الثانيه ظغط كبير ع نفسها
غير كذا فوز الهلال راح يدخلهم في حسابات اخرى

اتمنى من سامي يعطي الفرصه للحارس السبيعي

عنده الكثير مايقدمه

نقاط مهمه وصحيحة 100%
اتمنى ان من الكوتش سامي تاهيل اللاعبين لياقيا لهذة المباراه كمان اتمنى ان يلعب الهلال بااسلوب الضغط على حامل الكوره في وسط الملعب بحيث لايعطى الفريق الخصم اي فرصه للتفكير في صناعه اللعب

الفقر هالموسم خطير ومقدم مستويات حلوه
وأكيد أن سامي دارس فريق الخصم وعارف نقاط قوتهم وضعفهم !
أهم شي الحضور الجماهيري والتفاعل مع الاعبين حتى أنهاء المباراه !!
وبأذن الله الفوز هلالي من أقدام نيفيز و الشمراني وسالم الدوسري يارب
شششككرا لككك

أهم شئ عندما تلعب مع فرق تمتلك حلول في التهديف هجوما ووسطا ....العب بمحوري دفاع لتؤمن منطقتك وتجعل هجومك ووسطك يجيبون النتيجه في اي وقت في المباراه
اما تلعب بمحورين دفاعي وهجومي ويكون الدفاعي ماهو متألق تأكد انك اذا فتحت الطريق للخصم ليسجل براحته في مرماك

أتمنى الكوتش سامي يطلع على هذا الموضوع
أو أحد قريب منه يخبره ......

نثق بقدرات سامي

ونسأل الله أن يحصد الهلال نقاط مباراة النصر مستوى ونتيجة

إقتباس الرسالة الأصلية كتبت بواسطة الناقد الصريح بسم الله الرحمن الرحيم السلام عليكم ورحمة الله وبركاته مباراة الهلال والنصر من وجهة نظري هذه المباراة من اهم المباريات للهلال هذا الموسم لعدة اسباب منها 1- فوز الهلال سيزيد الفارق النقطي ل4 نقاط بينه وبين اقرب منافس له وهذا الامر سيسبب ضغط كبير على النصر مستقبلا وضغط اخر لبقيه الفرق الاخرى 2- المباراة على ارض الهلال وفوز الهلال مطلب كبير ليتحاشى الهلال ميزة نتيجة المباراتين بين الفريقين لغرض تحديد البطل لو انتهت الجولات بالتعادل بالنقاط 3- فوز الهلال مطلب كبير وسيريحه كثيرا لان الهلال سيتعرض لضغط كبير في عدد المباريات مع قرب مباريات دوري ابطال اسيا مع العلم ان النصر والاهلي لا يوجد لهم مشاركات خارجيه اسرار تكتيك مدرب النصر مدرب النصر من افضل المدربين تكتيكيا هذا الموسم ومن خلال مبارياته السابقه لاحظت عدة امور في نهج هذا المدرب احببت ان اذكرها لعل وعسى تفيد الهلال ومدربه ومن هذه الامور الاتي 1- مدرب النصر جعل محاور الفريق غالب وشراحيلي وقلوب دفاعه البحريني والهوساوي داخل ملعب النصر ولا يسمح لهم بالتقدم ابدا حتى عندما يهاجم النصر بمعنى اخر يتواجد في ملعب النصر دائما 5 لاعبين مع الحارس وهذا الامر جعل تسجيل الاهداف قليله جدا في مرمى النصر لانه لا يوجد مساحات ولا يوجد خطوره من أي هجمه مرتده 2- مدرب النصر يهاجم يهاجم ب 6 لاعبين دفعه واحده وهم الاظهره ولاعبي الوسط والمهاجمين وهذا الامر سبب الكثير من المتاعب على الانديه التي تهاجم النصر دون حذر وجعل هذا المدرب منطقه ال 18 للخصوم مليئه بلاعبي النصر وبهذا الاسلوب نسبة الهدف النصراوي تأتي اكثر نظرا لكثافه التواجد النصراوي في المنطقة الخطره 3- مدرب النصر يسمح للاظهره بالتقدم ويجعل شراحيلي وغالب يقومون بتغطية خاناتهم حتى يعودون 4- مدرب النصر في حاله الهجوم عليه يجعل ابراهيم غالب بين قلوب الدفاع لتشكيل 3 قلوب دفاع بصفه مستمره 5- مدرب النصر عندما يهاجمه الفريق الاخر من جهة الظهير الايمن يتم اغلاق هذه المنطقه ب3 لاعبين وهم الظهير الايمن واحد المحاور واقرب لاعبي الوسط 6- مدرب النصر عندما يهاجمه الفريق الاخر من جهة الظهير الايسر يتم اغلاق هذه المنطقه ب3 لاعبين وهم الظهير الايسر واحد المحاور واقرب لاعبي الوسط 7- مدرب النصر جعل ابراهيم غالب يقوم بتمرير الكرات الطوليه لاحد اظهرة النصر للبدء في الهجمه من الاطراف 8- مدرب النصر جعل ابراهيم غالب اقرب لقلوب الدفاع وجعل شراحيلي اقرب لتغطية الاظهره 9- مدرب النصر من افضل المدربين في تنويع الهجمات فتاره النصر يهاجم من الطرف الايسر بقيادة عبدالغني وتارة يهاجم من الطرف الايمن بقيادة الغامدي وتاره يسمح بالتصويب من خارج منطقة ال18 بقيادة باستوس وتاره يهاجم من العمق واستغلال مهارة يحيى الشهري في صناعة الاهداف وهذا الامر شتت ذهن وفكر مدربي الفرق الاخرى 10- مدرب النصر ينهج توزيع جهد اللاعب في المباراة فنجد ان اللاعب النصراوي لاخر دقيقه يلعب بحماس ونشاط وهذا بسبب ان المدرب جعل لكل لاعب مهمتين الاولى دوره الاساسي في المباراة والثانيه دوره بتغطية زميله حتى لا يرهق والدليل عندما يتقدم عبدالغني نجد شراحيلي في خانته مزروع زرع وهذا هو التكتيك الصح 11- مدرب النصر يتعب ويرتبك ويقوم بتغييرات جريئه وخطيره عندما يتقدم عليه الفريق الاخر بهدف وهذا سيكون في صالح الهلال لو سجل الهلال اول اهداف المباراة هذه اهم اسرار مدرب النصر الفنيه اتمنى يستفيد منها الهلال في مباراته القادمه محمد محفوظ https://twitter.com/msdmrrsk تحياتي

مدري ليش احنا نحب نصادر اراء الأخرين ... الكاتب يتكلم بنظرته الفنية ولا اشوف اي تقليل بحق سامي في الموضوع ..
بعدين المنتدى موجود لطرح الأفكار والمناقشة بشكل حضاري .. اتركونا من التعليقات الى تسيء للمنتدى قبل اي عضو .

صدقوني دام لاعيبة الهلال في يومهم
والله راح تشوفون متعة ونتيجة باذن الله
اشكرك على المعلومات ...