فهد يبتسم :

شكرا استاذ داوود

يجلس فهد على الكرسي

داوود يجهز الأوراق ...

المخرج :

جاهزين ياشباب

داوود :

توكلنا على الله

يبدأ البرنامج ...

على غير العاده داوود الشريان يبدأ البرنامج بإبتسامه على محياه :

أهلا بكم أعزائي المشاهدين في برنامج الثامنه

اليوم نلتقي بالأسطورة الحقيقيه فهد الهريفي

عنوان الحلقه (الاسطورة الحقيقيه والاسطورة الاعلاميه)

اهلا بك كابتن فهد الهريفي

فهد يبتسم ويشبك يديه :

اهلا داوود

داوود يبدأ الأسئله بثقه :

اش رايك في سامي الجابر

فهد :

لاعب عادي وليس اسطورة وحاقد وحسودي و...

داوود :

على قولك ياشيخ اكلونا الاجانب ولاخلو شي في بلدنا

المخرج يهمس في اذن داوود :

داوود ترى سامي الجابر سعودي.. اطلع من الجو هذا شوي

داوود:

هه هه هه هه معليش بس انا متعود على المواضيع الاجتماعيه

كفوو والله انك صادق .. اي اسطورة يارجال ... أسطورة وهو محقق مع ناديه خمس بطولات فقط !!!!

المخرج :

داوود فضحتنا الرجال جايب 24 بطولة مع الهلال ...

داوود :

عفوا قصدي 24 بطوله فقط ... 16 سنه وجايب 24 بطولة فقط .. هذا بالله تسمونه اسطوره !!

داوود يسأل فهد :

انت كم بطولة حققت مع ناديك؟؟ اكثر من 35 بطوله؟

فهد يكح بصوت عالي :: كح كح كح

داوود :

على مهلك يارجال .. جيبوله مويا ... اسف تراني مو مطلع على البطولات؟؟

يمكن اكثر ؟؟؟

يتعالى صوت فهد بالكحه ..

داوود :

اسف خذ وقتك

فهد يرد ووجهه على الارض :

7 او 8 بطولات

داوود :

هه هه !!!!!! 8 بطولات !!! سبحان الله على اسم برنامجنا الثامنه .. هه هه

فهد :

بس لايغرك تراني اسطورة وسامي ماعندك احد

داوود :

اكيد يارجال .. انت اسطورة حقيقيه وسامي اسطورة اعلاميه

داوود :

طيب فهد خلنا نتكلم عن انجازاتك ... ادري نحتاج عن حلقات نخصصها للحديث عن انجازاتك ؟ لكن باختصار؟

فهد :

انا حققت كاس اسيا 88 مع المنتخب

ولعبت في كاس العالم 94

...

...

...

ثم سكت فهد

الشريان ينظر إلى الهريفي بإبتسامه ويهز رأسه مطالبا الهريفي بالاستمرار

فهد ينظر إلى الشريان والعرق يتصبب من جبينه...

الشريان لم يفهم !!

داوود :

نذهب لفاصل اعلاني

تحت الهواء

الهريفي يطلب كرتون مناديل

داوود :

اذا لخبط في الكلام يافهد اركلني في رجلي عشان افهم

المخرج :

جاهزين ياشباب ... أكشن

-

-

داوود يسأل فهد :

كم مرة حققت كاس الخليج

الهريفي :

والله ... كأس الخليج كانت صعبه جدا على أيامنا ... ماقدرنا نحققها

داوود :

على قولك والله يافهد ... اذا انتو ماقدرتوا تجيبون كاس الخليج اجل سامي وجيله الفضيحه اكيد ماقدروا يحققوها

الهريفي يركل داوود في قدمه اليمنى

المخرج :

داوود فضحتنا ... سامي حقق كاس الخليج مرتين

داوود :

هاه !! سامي حقق كأس الخليج مرتين يافهد وانتو ماقدرتوا تحققوها !!

فهد :

ايوا بس على ايامنا كانت صعبه ...

لايغرك ياداوود تراني اسطوره وسامي ماعندك احد

داوود :

أكيد يارجال ..

أنت اسطوره حقيقيه وسامي اسطوره اعلاميه

داوود :

كأس الخليج أصلا بطولة غير مهمه ,المهم كأس العالم .. أنت شاركت في كأس العالم وهو مالم يحلم به سامي الجابر

المخرج :

داوود فضحتنا ,, سامي مشارك 4 مرات في كاس العالم

داوود :

هاه قصدي شارك اربع مرات ... بس كلها بالواسطه .. ماشارك في التصفيات

المخرج يصرخ :

داوود فضحتنا الرجال شارك في كل التصفيات

داوود :

ماعلينا ماعلينا

فهد حدثنا عن مشاركاتك في كاس العالم

فهد:

انا عندي مشاركه في كاس العالم 94

داوود :

وماذا عن مشاركاتك الاخرى

الهريفي يسحب منديل ويمسح عرقه ويرد :

انا عندي مشاركه وحيده

داوود :

مشاركه وحيده !!! هه هه وسامي عنده اربع مشاركات

فهد :

إيه بس هذه اول واهم مشاركه التأهل كان صعب على ايامنا..

لايغرك ياداوود تراني اسطورة وسامي ماعندك احد

داوود :

اكيد يارجال ...

انت اسطوره حقيقيه وسامي اسطوره اعلاميه

صحيح التأهل كان صعب ايامكم مو مثل ايام سامي تلعب مع السودان وجيبوتي وتتأهل

المخرج :

السودان وجيبوتي في افريقيا .. نحنا في اسيا

داوود :

ماعلينا ماعلينا

طيب حكينا عن هذه الملاحم التاريخيه كيف كان شعورك وانتم تؤهلون المنتخب لكاس العالم لاول مره

فهد :

والله كنت مبسوط وانا اشاهد المباراه في التلفزيون

داوود :

التلفزيون !! ليش انت ماشاركت في التصفيات

فهد :

لا

داوود يتعجب :

معقول يااسطورة مشاركه وحيده ولا شاركت في تصفياتها

الهريفي يرد بنبرة حزن :

لانهم وقفوني ظلما انا ويوسف الثنيان سنه كامله

داوود :

لك يوم ياظالم .. يوقفوك انت سنه ليش حرام .. اكيد جاملو يوسف ورفعوا عنه العقوبه وانت كملت العقوبه !!

فهد من تحت الطاوله يركل داوود الشريان في قدمه اليمنى

المخرج يصرخ في اذن داوود :

فضحتنا الله يفضحك .. فهد اللي رفعت عنه العقوبه ويوسف اللي كمل العقوبه

داوود :

ماعلينا ماعلينا ... نطلع فاصل

تحت الهواء

داوود يقول لفهد :

اش ذا يافهد مشاركه واحده وبالواسطه .. ولا بطولة خليج .. وثمان بطولات

فهد :

ايه بس لايغرك تراني اسطورة وسامي ماعندك احد

داوود :

اكيد يارجال .. انت اسطوره حقيقيه وسامي اسطورة اعلاميه

بس عاد اعطيني شوية معلومات اسألك عليها عشان نثبت هذا الشيء للجمهور

فهد :

اسألني على ادائي في كاس العالم 94 وعن كاس القارات وبعدين اطلع من موضوع الانجازات يارجال تراه موضوع ممل خلنا نتكلم في المفيد..

المخرج : جاهزين ياشباب ... أكشن

داوود : فهد حدثنا عن ادائك في كاس العالم 94

فهد :

الحمدلله شاركت امام هولندا في اول مباراه وصنعت هدف

داوود :

الله اكبر صنعت هدف امام هولندا .. ياعيني عليك يااسطوره

فهد يبتسم اخيرا بخجل

داوود :

وكيف صنعت الهدف

الهريفي :

كان فاول نفذته وسجل منه فواد انو هدف بالرا

داوود :

فاول هاه !!

الهريفي :

ايه بس انا كنت قاصدها على راس فواد

داوود :

كفو والله طيب وغيره

فهد :

والله لعبت باقي المباريات واديت .. بس سامي حرمني من التسجيل واخذ علي ضربة الجزاء في مباراة المغرب

داوود :

ياساتر .. هذا اللاعب يحب نفسه .. لاعب حسود .. يعني انت تتسبب بضربة الجزاء وسامي ينفذها .. حرام هذا اللي يصير ياناس

فهد من تحت الطاولة يركل قدم داوود اليمنى

المخرج يصرخ بنرفزه فضحتنا ياداوود :

سامي هو اللي تسبب في ضربة جزاء

داوود يسحب منديل ويمسح عرقه :

هاه ماعلينا ماعلينا .. حتى لو سامي تسبب فيها المفروض فهد ينفذها.. المهم اكيد ضيعها

فهد :

لا سجلها ... بس تراها ضربة جزاء يعني ماهو انجاز ..

داوود :

على قولك هههههه اسهل شيء تسجل من ضربة جزاء وفرحان سامي يحسبها انجاز

داوود :

طيب فهد كلمنا عن بطولة القارات اللي شاركت فيها وانجازاتك في البطولة

فهد :

الحمدلله كنت اول لاعب يسجل في تاريخ بطولات كاس القارات في مرمى المنتخب الامريكي

داوود :

الله اكبر يااسطورة وش ذا الانجاز الكبير اول لاعب !! سجلت هدف رائع والكل يتذكره .. ياليت تحكينا عن الهدف .. كم لاعب تجاوزت

قبل تسجيل الهدف

الهريفي يسحب منديل ويمسح العرق :

لا والله سجلته من ضربة جزاء

داوود :

ضربة جزاء !!!! هه هه بس اكيد على ايامكم ضربات الجزاء كانت اصعب

وقدام حارس امريكا مو حارس المغرب..

المهم ان شاء الله انت اللي تسببت فيها

الهريفي :

لا

داوود :

اجل ماجد؟؟

الهريفي يسحب منديل ويمسح عرقه :

لا ... سامي

داوود :

سامي ها ... بس المره هذي خلاك تشوت

الهريفي :

ايه ... بس تراه حسودي وحقودي لاني اسطورة وهو ماعندك احد

داوود :

اكيد يارجال...

انت اسطوره حقيقيه وسامي اسطوره اعلاميه

طيب حدثنا عن مشاركتك مع النصر في كأس العالم في البرازيل

الهريفي :

الحمدلله نلت شرف التسجيل في اول بطولة كاس عالم امام ريال مدريد

داوود :

ريال مدريد مرة وحده !! .. ياعيني عليك يااسطورة هذا شغل الاساطير ... وكيف سجلت الهدف

الهريفي يسحب منديل ويمسح عرقه :

ضربة جزاء

داوود :

هاه !!! ضربة جزاء !!! هه هه كويس

طيب اش رايك نطلع من موضوع البطولات والانجازات

الهريفي :

ياليت والله

داوود يسأل فهد :

اش رايك في اخلاق سامي الجابر

فهد يبتسم ويعدل وضعية جلوسه ويسترسل :

(سامي كذا وكذا قال وتلفظ على حكم في مباراة الاهلي وقال لبلاتشي كلمة حيوان)

داوود :

ياساتر وش هذي الاخلاق السيئه..

الهريفي :

لا وعندي المقطع اذا تبغى

داوود :

ياليت والله عشان نوري العالم سؤ اخلاق هذا اللاعب

الشريان يعرض المقطع

‫سامي الجابر يسب حكم المباراة بكلمة قذرة‬‎ - YouTube