السلام عليكم ..
بصراحة هذي مهيب عزيمة بس اللي يبي يعزم نفسه الله يحيه ما نقول شيء

أكيد كل اللي دخلوا يبون يشوفون هالمقلقل..
وتسني اشوف سعابيلهم سببت التماس بأسلاك المنتدى

جاهزين للمقلقل مع شوية مرقة ...أو ممكن نسمي هالوجبة حميس مثل اللي بعيد الضحية .

شوفوا صورة المقلقل تحت :






ووووووووووووواااااااااااااااووك على هالوجبة يبي لها شوية جرجير مع بصل ابيض ولبن خاثر
همن تنسدح حدر مكيف متسوبيشي وبطانية ادفا وغرفة ظلما خرمس ماتشوف ايدك

عزا الله مانتب قايم الا عقب شهر



وش رايكم شهيتكم ....




كويس اني كتبت الموضوع قبل وجبة العشاء علشان نزودكم جوع




اووووووووووووووه صح فيه شيء نسيت أقولكم اياه .




هالوجبة للأسف مهيب موجودة هنا بالرياض ولا بالسعوية....

تدرون وين فيه ؟؟؟؟؟؟؟


من اللي قال باليمن ؟؟؟




خطأ عليك ....ولا بالسودان .....ولا بعمان ...ولا بمصر ...


هالوجبة ياحبايبي ...بالـــــ .

نعم بالصين الشعبية ..
تدرون وراه سموها شعبية
لانها تمتاز بالوجبات الشعبية

وإذا ماصدقتوا شوفوا هالصورة وشوفوا اللي يأكلون :




تشوفون وشلون ياكلون بعودانهم وحاطين لك هالحبحر ولا حبحر الرس

وش رايكم أقولكم مراحل إعداد الوجبة ؟؟؟


طبعا الوجبة عبارة عن لحم مقلقل مبغوث مع المرق .

##المقادير:
- أول شيء عزيزتي ربة البيت تروحين لشبك الغنم كما في الصورة رقم (1) شوفوها تحت ...

- ثم تختارين ذبيجة من الشبك وتسحبينها لمكان الذبح كما في الصورة (2) .

- ثم تذتسين الذبيحة يعني تذبحينها وتتركينها حتى تهجد وتطلع روحها كما في الصورة (3) .

- ثم تأتين ببرميل اوكسجين حق قص الحديد اللي بالمهني يعرفه ..
تشبين انبوب الأكسجين وتحسحسين الذبيحة يعني لاتصلخينها لانك عزيزتي ربة البيت زلابة
مانتب قد الصلخ انظر الصورة (4) .

- تبدأين عزيزتي بتقطيع الذبيحة الى ارباع أو تقطيع ثلاجة يعني قطع صغار حسب ماتشوفينه مناسبا
ولاتنسين تنظفين بطن الذبيحة من الكرشة والمصران واللازم منه .. كما في الصورتين (5) و (6) .

- ثم تطبخين قطع اللحم كمقلقل أو حميس أنتي وجهتس الله لايبارتس فيتس ولا باليوم اللي شفناتس
فيه تطبخين هالذبيحة ....حسبي الله على بليستس من مره ..

(نأسف لهذا الخلل الظاهر ان فيه هكر من شيبان منول دخل على الموضوع ..)

وتقدمين الطبخة بصفرية أو ماعون وبالهنا والشفا للجوعانين....الله لايوفقكم من مشافيح .

نأسف لهذه الألفاظ الظاهر أن الخلل من المصدر .




















واليكم الصور التوضيحية :


صورة رقم (1)





صورة رقم (2)



منتب ملزوم تشوف الباقي


بكيفكم حذرتكم ...


صورة رقم (3)



صورة رقم (4)



صورة (5) و(6)







ياربييييييييييييييييييييييييه


يالله يالله كملت الموضوع .....الله يحوم تسبودهم عيال الريح اللي ماتستريح

ويقولون بعد من وين لهم السارس ...




الحمدلله على نعمة الاسلام ..يا جماعة

(يسألونك ماذا أحل لهم قل أحل لكم الطيبات وما علمتم من الجوارح مكلبين تعلمونهن مما علمكم الله فكلوا مما أمسكن عليكم واذكروا اسم الله عليه واتقوا الله إن الله سريع الحساب)..

أجل ياكلون بساسة لا وترى هالتشوفون بمطعم قدام الله وخلقه ..

وش رايكم نفتح فرع هنا ...؟؟

والله فكرة الذبايح ببلاش ;);)

كل عند برميل زباله الله يكرمكم حوش من الذبايح ...ياسلالالالالالالالام ..

صراحة أنا قررت افتح المطعم
وش رايكم نختار العمال .

من اللي يبي يذبح ؟ ؟يرفع ايده..أنا ارشح بارقووووف لانه المشرف
ومن اللي يبي يحسحس ؟؟ ارشح المثمن ابو ثمنيات أحلى معلم حسحسه

ونبي نفتح قسم عوائلات

وانا بما اني محاسب ابمسك الكاشير


تحياتي ..... واتمنى لكم عشاء هنيئا هذه الليلة ===> ايه هين

الحمدلله والشكر على نعمائه ...
استغفر الله العظيم يارب لاتواخذني وسامحوني الله يجزاكم خير .;););)

خويكم / ابوخالد

يا شين الي يقراء موضوع أكل و هو جايع

أبو خالد توني قايم من النوم و ميت جوع و ربي لو تحط لي بساسه بأكلها من الجوع الي ذابحني