السلام عليكم ورحمهـ اللهـ وبركاتهـ ~


حاولت أكتب مقدمهـ سنعهـ لكن ما بهـ فايدهـ كالعادهـ لم أفلح ، فقررت أكتب بطريقتي الدفشهـ أحسن
كح كح صراحهـ أنا فـ ورطهـ سنعهـ وأبيكم تطلعوني من ذا الورطهـ

إبتلشت بنتين درسوا معاي الفصل الماضي والصيفي وكان الوضع تمام معهم
يعني عادي مافيهـ شيء ! مع إن خلق اللهـ كانوا يقولون لي إبتعدي عنهم لا
يضعونكـ وأنا طبعا ما أمشي ع كلام الناس ، لأني صراحهـ من النوع اللي
يحكم ع خلق اللهـ بعد التعامل معهم !

وبعد تعاملي معهم لاحظت إن كلام خلق اللهـ عنهم صح ! لكن صراحهـ ما
إبتعدت عنهم لأن ما يربطني معهم غير كم محاضرهـ ، يعني صراحهـ ما تفرق
معي ، أنا أعرف نفسي عدل مستحيل أسوي شيء مب مقتنعهـ فيهـ ، وعشان
كذا كنت واثقهـ إنهم ما رح يقدرون يأثرون علي !

هالفصل وحدهـ من البنات اللي كانوا ينبهوني من هالبنتين صارت قريبهـ منهم
وتصرفاتهـ أصبحت مثلهم تماماً =(

هالبنت أخذت صيفي معانا وطار الإمتياز منها والسبب هالبنتين ، كانت معاهم
24 ساعهـ ! لكن تصرفاتها بدات تتغير مع نهايهـ الصيفي ! هي تقربت من
هالبنتين بهدف إنها تنصحهم وبنفس الوقت تبعدني عنهم ،مع العلم إني نبهتها
واللهـ وقلت لها هذول ما رح يسمعون الكلام صدقني ! عاتبتني وقالت بما إني ما
قدرت أقنعكـ بالإبتعاد عنهم ، بجرب أنصحهم يمكن اللهـ يهديهم !

المهم هالبنت الحين واللهـ تغيرت كثيييير ، كانت من البنات العاقلات تحترم الكبير
والصغير وما تستهزء بأحد نهائيا ، والحين صارت ما ترحم أحد نهائيا ولا تحترم لا كبير ولا صغير =(



لعنبوا بليسها واللهـ بغت تبكي دكتور عندنا بالجامعهـ والدكتور يقول لهم أنا

بمقام والدكم كيف تعاملوني بهالأسلوب ! وبكوا وحدهـ من العاملات اللي عندنا
بالسكن *~*
ويستهزؤون بالبنات اللي من ذو الإحتياجات الخاصهـ ، هذا غير إستهزاهم

بجنسيات خلق اللهـ وعدم =(
وأنا عن نفسي مستحيل أشوووف هالأشياء وأسكت


وغير كذا كل ساعهـ مخلني أفهمهم درس من الدروس <<< أدري هم فاهمين

وإنهم يبون يخربون علي والدليل هم نفسهم بالمحاضرهـ مجاوبين ع هالأسئلهـ
وحالين صح !


لكن صراحهـ ما تجرأت أرفض وأقول لا ، لأن يوم أقول " لا " يقولون تذلينا لأنكـ

من طلبهـ الإمتياز ! فأطر أسكت وما أرد =(


وأنا كل ذا ما أتحملهـ صراحهـ ، يعني مثل ما تعرفون انا ملسوووونهـ :/

واللي يعرفني عدل يعرف إن لساني متبري مني واللي في قلبي ع لساني


لكن صراحهـ هالمرهـ ماااا تجرأت أنطق بحرف وااااحد تعرفون ليهـ ؟!
لسببين :
1)- لأنهم كل ما قلت شيء ولا إعترضت ع شيء قالوا ما تنلامين من الإمتياز
ويحقلك تصيرين مغرورهـ علينا ! وأنا أكرهـ ما عندي حد يعاملني لمكانتي وليس
لشخصتي

وبنفس الوقت ما أحب أحد يفهمني غلط ! فإذا إعترضت عليهم يحسبوني
مغرورهـ وأنا وربي الكعبهـ ما أقصد أكون مغرورهـ نهائيا ، بل العكس واللهـ
أحب أساعد الجميع باللي أقدر عليهـ ، لأن المعلومهـ تثبت برأسي مع التكرار ^_*

للعلم أنا من طلبهـ الإمتياز من قبل ما أعرف هالبنات ( يعني من قبل سنهـ )
وكانوا الفصل الماضي والصيفي معاي ومعاملتهم كانت عادي ولكن هالفصل من
قالت لهم أخت العرب إني من الإمتياز ما خلوني أمسكـ كتاب قسم ><

>>> تبا لأول مرهـ في حياتي أشتاق لمسكـ الكتاب والدراسهـ بجديهـ

عادي يشوفوني أحاوط من غير كتاب ولا ماسكهـ الأيباد 24ساعهـ لكن أول ما
يشوفوني أدرس سبحان اللهـ تنزل عليهم المحبهـ فجأهـ :/

2)- لأن أخت العرب معهم وانا من تسبب بضياعها ، فللآسف أخاف أرد عليهم وأخسرها =(

هم خربوا نظامي بالكامل ، أنا عكس التيار ما أدرس قبل الإمتحان بكم يوم ، أنا
أدرس أول شهرين فقط لأن الدكاترهـ يكونون معطينيا الخطهـ الدراسيهـ
ومحددين كل شيء فيها ! فأنظم كل شيء ع أساسها وأخلص أموري من البدايهـ
~<<< لأن صراحهـ تجئني حالهـ عجز وكسل قبل الإمتحان بكم يوم فالأفضل
أدرس من البدايهـ =)

وربي ما همني الإمتياز وأعرف كيف أحافظ عليهـ ( إن شاء اللهـ ) ، همي كيف
أصحح غلطتي وأخلي أخت العرب ترجع لسابق عهدها ؟!

أدري أنا الغلطانهـ ، وبدأت بتصحيح وهو سحب المواد اللي مشتركهـ معهم فـ
هالفصل ، وهم إلى الآن ما يدرون سحبتها
يوم الأحد رح يعرفون إن شاء اللهـ ومتأكدهـ رح يسألوني ليش سحبتي ؟!
إيش أرد ؟! *~*

لو برد ع طبيعتي بقولهم :
سحبت عشان أفتكـ رقعت وجيهكم وأعصب !
سحبت عشان أرجع أتصرف بحريهـ وع طبيعتي ومن غير تصنع !
سحبت لأني أكرهـ تصرفاتكم ولا أطيقها !

إيش الحل يا بشر أبي أنسحب وأسحب أخت العرب معي من غير ما أجرحهم ؟!
كيف ؟!

أخت العرب فـ أمل إنها ترجع لسابق عهدها لو إبتعدت عن هالبنتين والدليل إنها
يوم ترجع للبيت معاملتها لنا وللشغالتهم غيييير وربي عن معاملتها لعاملات
السكن ! هنا تصرف مثل ما أعرفها وهناكـ تتغير 180 درجهـ ! *~*

>>> للمعلومهـ أخت العرب تطلع جارتنا < يعني أنا بسبب عنادي ضيعت
جارتي ، لأول مرهـ أندم ع عنادي لو سمعت كلامها من البدايهـ وقطعت علاقتي
فيهم كان ما تعرفت عليهم وتغير حالها ><

أبكم كل ما أتذكر إني برجع لسكن بكرهـ يصير وجهي كذا

جد واللهـ هالموضوع شاغل كل تفكيري من شهرين وماااجاني نووم بسببهـ
عجزت ألقى المخرج >< ، هل يوجد أحد بينكم يا أهل المجلس
الطيبين يقدر يطلعني من هالورطهـ والحيرهـ ؟! أبي الإنسحاب من غير جرح أحد ! كيف ؟!