19/10/2013, 05:23 PM
|
 | زعيــم مميــز | | تاريخ التسجيل: 27/08/2007 المكان: بوابة برلين - منطقة البوتسدامر
مشاركات: 3,144
| |
شوفي وانا اخوكي حل المشكلة بسيط ويحتاج له حكمة وتفكير رايق فقط ..
انتي الان تبي تنسحبي مع صديقتك بهدوء ورفق وتبتعدوا عن البنتين ذولا .. اوك ؟!
اعزمي صحبتك للبيت في جلسة جديه جدا جدا جدا وممكن تلبسي نظارتك  .. واتكلمي معاها بكل شئ وانك نويتي تبتعدي عن البنتين ذولا وان حالها يؤسفك وهي تمشي معاهم وانها تغيرت كثيرا .. وانك تتمني انها ترجع لصفك وتتركهم ايضا .. ووضحي في كلامك انك جديه وانك نصحتي البنتين وأديتي الواجب وخلاص .. وقوليلها كلامي لا رجعة فيه ومن بكره مالي كلام معاهم أبدا .. وقوليلها أخشى في يوم من الايام تندمي من تغير تصرفاتك لكن أنا كلمتك بهذا الكلام عشان لا تلوميني يومها وأكون ابرأت ذمتي تجاه ربي وتجاه نفسي وتجاهك .. وتذكري اختي سعودية انه (لا تزر وازرة وزر اخرى) ودامك كلمتيها كذا فخلاص المفروض ما يأنبك ضميرك لأنك فعلتي اللي عليك وأكثر .. فلو أنبك ضميرك بعدها فسأعتبرك وسيعتبرك الكل واسمحيلي بهذه الكلمة .. (مغفلة) .. لأنك ستحطمين نفسك من أجل الاخرين مع انك أديتي الواجب تجاههم !! .. طبعا هذا لو أنبك ضميرك بعد هذا الحل ولكني أعتقد انك أذكى من كذا ..
بالنسبة للبنتين .. تروحي لهم اليوم الثاني وتنصحيهم بأن تصرفاتهم غلط وانهم كزميلات لك واجب عليكي تنصحيهم وانك حتبتعدي عنهم نهائيا طالما تصرفاتهم كذا ولن يكون لك حديث معهم حتى لو بيدك حياتهم وموتهم !! .... الا اذا اعتدلت تصرفاتهم فممكن ...... وبعدين وش السبب اللامنطقي ذا ويقولوا عني مغرورة !!!!! .. والله مره عادي يقولوا عني مغرور ولا أمشي مع ناس قليلين حيا وأتأثر بهم .. وانتي تعلمين ان الصديق نافخ الكير يؤذيك أو يعتريكي منه رائحه كريهه !!
طبعا ما حيقولوا عنك مغرورة لانك وضحتي لهم سبب ابتعداك عنهم .. لذلك حلت المشكلة من الطرفين ..
ومثل ما قالت مستشارتنا .. أجده سبب تافه لعدم نومك وارتياحك لشهرين !! لأنك كذا والا كذا مش مستفيدة شئ وتعتبري منكده ع حالك لأجل ناس مش داريه عنك ولا سئلت عليكي حتى !!
لك ودي أخيتي  |
