بسم الله الرحمن الرحيم ..

السلام عليكم ..
ندخل في موضوعنا لأني ما اعرف للمقدمات

العنوان واضح , اقيلوا سامي الجابر ... نعم اقيلوه ,
هذا انسان فاشل لم يكتسب الخبرة التدريبية , هذا يمشي بالحظ , هذا سيدمر الهلال , الامير نواف بن سعد ما وقف ضده الا لأنه بيدمر الهلال , انا اقولها لأني عاشق للهلال ولست اريد الا مصلحة الهلال العظيم ...


^ لا تتسرعون يا جمهور الهلال وتحسبون هذا كلامي ... لا مو كلامي

هذا كلام الناس الحاقدين على الهلال وعلى سامي ويتمنون اسقاطه بأي طريقة فكانت خطتهم كالآتي :

1_ في البداية يقولون احنا هلاليين وعاشقين للزعيم , ثم يمدحون سامي ويعظمونه في اول المباريات فقط
2_ مع اول تعثر للهلال يبدون يثيرون الجمهور الهلالي ضد السير ساميولا (هذا ما حصل في مباراة الرائد)
3_ يبدون بمحاربة سامي محاربة شرسة وعذرهم هو مصلحة الهلال
4_ مع مرور الوقت يصدقهم بعض الجمهور الهلالي لأنهم يعتقدون ان هؤلاء يبحثون عن مصلحة الهلال وفي الحقيقة هم يبحثون عن (تدمير الهلال)


طبعا نحن كجماهير هلالية نعرفهم ونعرف خططهم والكلام اللي فوق هذا مو جديد علينا..
واللي دفعني اقول الكلام هذا أني شفت بعض الجمهور الهلالي بعد مباراة الرائد قالت سامي هو السبب الاكبر للخسارة
وانا اختلف معهم , وقالها قبلي ياسر القحطاني "لو فاز الهلال , لأشاد الجميع بتكتيك سامي"

وانا ما كتبت الكلام اللي فوق الا من محبة عظيمة لهلال ولسامي ,
واتمنى انكم اذا سمعتوا او شفتوا اي واحد يتكلم ويقول سامي ما ينفع للهلال أنكم تتخذون معه الاجراء اللازم كالآتي :
1_ اذا كان هلالي فعلآ , انصحه علمه ان سامي مستهدف و و و و و .... الخ
2_ اذا كان يدعي انه هلالي , هنا افضحه وشرشح به وامدح سامي قدامه عشان تقهره


اخيرآ :
تكفون يا جمهور الهلال لا تسمحون لأي شخص كان يخرب بيننا وبين سامي



*ملاحظة:
كلامي هذا ما يعني اننا ما ننتقد اخطاء سامي .. لكن ننتقدها النقد الهادف البناء

اعذروني لأن ما فيه اي تنسيق , لكن اتمنى الصورة وصلت

إقتباس الرسالة الأصلية كتبت بواسطة حصان ابيض الاسطوره سامي مسبب قلق لاعداء الزعيم وبالنسبه للبطوله الاسيويه خذناها ست مرات وغيرنا 2 فقط ويتباهون بذالك!