في اجازة نهاية الاسبوع (اربعاء+خميس+جمعة) ماجنيش نوم على قولة الاعصار قلت ياولد ورى ما ( تزرق ) <<< الحقوق محفوظه للعروس ( عروس البحر الاحمر مهيب عروس ثانية ياحسرة ) ..

وفعلا والله كلها مكالمة للقبطان ومكالمة للعضو الجديد ( هلالي صريح ) عرضت عليهم الفكرة ومادرينا الا وحنا في شارع فلسطين ..( عصر السرعة ماحد يقدر يقول شيء ) ..

الحمد لله اجازة نهاية أسبوع كانت ممتعة ..

زاد من متعتها مقابلتنا لزميلنا المحبوب الصوت الهلالي اللي ماشاء الله جانا ومعه الرياضية وعالم الرياضة والاقتصادية من زود التحمس ماشاء الله عليه ..

وفي طريق عودتنا للمطار محملين بالكآبة لفراق الصوت الهلالي .. كل واحد منا أنا والقبطان وهلالي صريح كان معه كيلوين كآبة .. << تخبرون مفارق الصوت الهلالي صعب ;)

المهم وحنا ماسكين سرا في طريقنا للطائرة التي ستقل رحلة السعودية الاضافية رقم 8052 والمتجهة الى مطار الملك خالد الدولي بمدينة الرياض درجة الحرارة الخارجية 35 درجة مئوية ....... اف والله مسكت الخط متأثر بكابتن الطيارة ..

وحنا ماسكين سرا .. قلت يابوعابد ورى ماتطفي جوالك لانك كلها 10 دقائق وانت في الطيارة .. طلعت الجوال ابقفلة الا وتجيني مكالمة على السريع ..!!

ركبنا الطيارة واقلعنا وعقب مااتنصفنا <<< ( متأثر بالشياب ) في الرحلة اعلن كابتن الطائرة عن ربط الاحزمة استعداد للهبوط .. كذلك انطفأت الانوار الداخلية للطائرة استعدادا للهبوط .. وبدأنا نحس بالهبوط تقريبا كنا على ارتفاع 20000 قدم ( 6000 متر تقريبا ) ..

المهم مادريت الا ونغمة ياغايب ليه ماتسأل تلعلع في الطيارة !!!!!!
اف اف اف اف
جوااااااااااااااااااالي ياولد ..
طبعا لكم ان تتخيلون الموقف ..
أنا اختبصت وضاعت علومي وبدل مااضغط نو ضغطت يس ..
اللي جالس في الكرسي اللي قدامي فز فزة تقل احد مروعه وهو غافل ..
شايب في كرسي جمبنا كأن يقرأ جريدة عقب ما رن الجوال ترك الجريدة !!
واحد ورى الشايب كان نايم طول الرحلة قام من نومة وطاح عقالة !!
عيون كل الركاب كانت تناظرني !!
في النهاية طفيت الجوال !!!
طبعا كل هذا المشهد كان في خلال 5 ثواني تقريبا !!!

طفيت الجوال والبدت في كرسيي ماكأني سويت شي !!!! <<< أعجبكم ذهين

فجأة أضئيت الانوار الداخلية للطائرة من جديد بعد ان كانت طافية .. عندها قلبي وصل لرجولي من الخوف !!!
ولكم أن تتخيلون الى أين وصل تفكيري في تلك اللحظة ..
قلبت في راسي كثير من حوادث الطائرات !!!!!!!!!!!!!!
ابليس ملعون !!
تذكرت اني قرأت قرار فصل عميد في وزارة الدافاع بسبب انه تحدث بجواله في الطائرة .. واقول في نفسي اللي عميد وفصلوه .. أجل وش بيسوون ( بحتة مواطن ) ؟؟!!

موقف غير مسبوق !!
اللي كان يضحك شوي ويبكي !!
واللي كان يسولف سكت ..

وانا مغير مسوي نفسي نايم من الخوف ...!!! وكانت 10 دقائق صمت لا اسمع الا بعض الهمسات الخافتة التي تشير لي بكل تأكيد ..:


وفي النهاية هبطنا بسلام .. وحمدنا الله على سلامة الوصول ... وتنفسنا الصعداء ..:up:

طبعا الاخ القبطان وهو يتنفس الصعداء كان يثني على شركة الاتصالات وتقنياتها العالية التي أوصلت شبكتها الى ارتفاع 6000 متر .. وانا اقول له يازينك ساكت ...

وانا من الذراقة ماشغلت جوالي الا يوم وصلت للبيت وابعدنا عن المطار ..

الموقف حصل البارحة الجمعة 22-3-1424هـ في الساعه 12:55 دقيقة ليلا ..

وان شاء الله مايحط الله احدكم في مثل هذا الموقف ...

أخوكم
أبو عابد ..

[ALIGN=CENTER]هلا اخوي ابو عابد ...

شف ياغالي ...

تحمد ربك ماجاك واحد من ذولا حقين البوفيه السريعه اللي في الطايره ...

وقال لك قم اطلع برا >< اوووووووت >< ...

خلني اقولك السالفه اللي عندي ما دام انت بديت تحمل ...

الله يسلمك كنت مسافر على متن احدى رحلات الخطوط السعوديه ،،، وكان معنا واحد من هالشباب
اللي توه مطلع جوال وفرحان فيه ( 3500 ريال ) ...
المهم الاخ واحنا في نص السماء والارض ،،، دق جواله ... طبعا ذيك الايام التشديد مره
وقام الاخ يكلم بصوت عالي مره اللي في اخر الطايره يسمعه ...
وجاك واحد ما ادري ومن وين طلع ويصراخ على الاخ الشاب اللطيف ... لو سحمت يا اخوي طف الجوال ... الشاب اللطيف وحياتك ما كان احد يكلمه والمضيف يقول ويكرر طف طف ...
لا حياه لمن تنادي ...
ويعصب المضيف ويضرب المسافر على وجهه كف انما ايه ...
ويجيك الكابتن طيار ( اسمعهم يقولونها ) ويتضارب مع المضيف والمهم وصلنا وحن مازالنا نتفرج على المصارعه الحره ...

ومسكين راعي الجوال الظاهر انه حرم يركب طايره مرة(ن) ثانيه عشان ما يسكر الجوال بتاعه ...

واسف حبيبي ابو عابد على المداخله الغلط ....

والف الف الحمد لله على السلامه ولا تعودها مرة ثانيه ...

تحياتي لك ... [/ALIGN]

إقتباس زاد من متعتها مقابلتنا لزميلنا المحبوب الصوت الهلالي اللي ماشاء الله جانا ومعه الرياضية وعالم الرياضة والاقتصادية من زود التحمس ماشاء الله عليه

@ اكيد مدام قابلتوا ثامر بتكون الرحلة من امتع مايكون ..... أما من ناحية الجرايد هذا دائماً ملتزم بتزويد الأعضاء بالجرايد اللي مايتصفحون المنتدى !!!;)

إقتباس طبعا الاخ القبطان وهو يتنفس الصعداء كان يثني على شركة الاتصالات وتقنياتها العالية

رغم المخافة القانونيه الا انك تثبت جدوي الثفوق التقني لشركة الإتصالات ..


@ يعطيك العافية اخوي ابو عابد ... لكن عسى ماشر اليوم وصل لإدارة الموقع طلب إحضارك للجهات الرسمية للمســــــــألة بعد رحلة جده أنت وش مسوي !!!!!!!

تحياتي .

هلا بالطلة......هلا بصديقي ابو عابد

الحمدلله على السلامة اووول شي

إقتباس وفعلا والله كلها مكالمة للقبطان ومكالمة للعضو الجديد ( هلالي صريح ) عرضت عليهم الفكرة ومادرينا الا وحنا في شارع فلسطين .

ماشاء الله عليكم,,,

اجل جايين تركضون؟<<--------- كيف الحال بس

إقتباس وفي طريق عودتنا للمطار محملين بالكآبة لفراق الصوت الهلالي .. كل واحد منا أنا والقبطان وهلالي صريح كان معه كيلوين كآبة .. << تخبرون مفارق الصوت الهلالي صعب

يالله انواع الكآبة اجل,,,

الا ما قلت لي كليويين الكآبة اللي معك زي اللي مع القبطان وهلالي صريح اللي يقول (لبيه يا منادي ;) ) والا غير؟

إقتباس المهم مادريت الا ونغمة ياغايب ليه ماتسأل تلعلع في الطيارة !!!!!! اف اف اف اف جوااااااااااااااااااالي ياولد .. طبعا لكم ان تتخيلون الموقف .. أنا اختبصت وضاعت علومي وبدل مااضغط نو ضغطت يس

انواااااااااع الرعب اجل

اشوى اني مانيب معكم بس كان صارت بلاوي من زود الخوف

إقتباس اللي جالس في الكرسي اللي قدامي فز فزة تقل احد مروعه وهو غافل .. شايب في كرسي جمبنا كأن يقرأ جريدة عقب ما رن الجوال ترك الجريدة !! واحد ورى الشايب كان نايم طول الرحلة قام من نومة وطاح عقالة !! عيون كل الركاب كانت تناظرني !!

اجل سويت قلق في الطياره يا ابو عابد

الله يستر بس ما يقولون انك ارهابي

إقتباس فجأة أضئيت الانوار الداخلية للطائرة من جديد بعد ان كانت طافية .. عندها قلبي وصل لرجولي من الخوف !!!

هذي لحظة الرعب

بعذرك والله يوم قلبك يطيح

بس كني اشوف قلبك بغى يطلع من اصبع رجلك الصغير من زود الخوف

إقتباس طبعا الاخ القبطان وهو يتنفس الصعداء كان يثني على شركة الاتصالات وتقنياتها العالية التي أوصلت شبكتها الى ارتفاع 6000 متر .. وانا اقول له يازينك ساكت

عاد الله من زين التقنيات تشتغل الشبكة على ارتفاع 6000 متر ولا تشتغل في بيوت وسط الرياض الله يخلف بس

إقتباس وانا من الذراقة ماشغلت جوالي الا يوم وصلت للبيت وابعدنا عن المطار

كخخخخخخخخخخخخخخخخخخخخخخخخخخخخخخخخخ

يا حبي لك والله

بس لو انا منك خلاص ابيع جوالي

يالله الحمدلله على السلالالالالالالامه يا ابو عابد

ونسيت اقولك شي

تراك واحشن اوي اوي ياخي

[ALIGN=CENTER]هلا وغلا بــأبو عابد ;) ..

كيف الحال وش الأخبار وينك يالقطوع ..

والحمدلله على السلامة ياغالي ..

إقتباس تذكرت اني قرأت قرار فصل عميد في وزارة الدافاع بسبب انه تحدث بجواله في الطائرة .. واقول في نفسي اللي عميد وفصلوه .. أجل وش بيسوون ( بحتة مواطن ) ؟؟!!

بيفصلونك من الجامعة بس أبو عــابد (( حتة مواطن )) صعبة شويء .. قل (( حتات مواطنين )) يا حبي لك وبس ;) ..

وإحــــمد ربك عــــلى كل حـــــال والحمـــــــــدلله على السلامة

تقـــــبل أجـــــمل التحـــــايا عـــــــــــــــبــــــادي [/ALIGN]

يا حيا الله ابو عابد ..

الحمد لله على السلامة أخوي .. بغيت اشوفكم يوم الاربعاء لكن ما اراد الله .. وشفت اللي فيه الخير والبركة ..;)

إقتباس وفعلا والله كلها مكالمة للقبطان ومكالمة للعضو الجديد ( هلالي صريح ) عرضت عليهم الفكرة ومادرينا الا وحنا في شارع فلسطين ..( عصر السرعة ماحد يقدر يقول شيء )

أثرهم على الشيلة ..

سنايدي والله .. وبعدين ترى الخوي اللي عرض عليهم الفكرة له دور ..

تصور إن العارض عليهم أبو ريمان .. وقايل لهم الوجهه باريس .. أنا متأكد إنهم بيرفضون .. وإن لزم عليهم بيقطون معه ويقولون اعتبرنا رايحين بس فكنا..

إقتباس زاد من متعتها مقابلتنا لزميلنا المحبوب الصوت الهلالي اللي ماشاء الله جانا ومعه الرياضية وعالم الرياضة والاقتصادية من زود التحمس ماشاء الله عليه ..

ورى ما كملتوا معروفكم وجبتوه معكم ..

إقتباس وفي طريق عودتنا للمطار محملين بالكآبة لفراق الصوت الهلالي .. كل واحد منا أنا والقبطان وهلالي صريح كان معه كيلوين كآبة .. << تخبرون مفارق الصوت الهلالي صعب ;)

صادق والله ..

بس عارف إن عزائكم الوحيد هو إنكم جايين الرياض وبتقابلوني .. وهذا اللي خفف عليكم..

إقتباس وحنا ماسكين سرا .. قلت يابوعابد ورى ماتطفي جوالك لانك كلها 10 دقائق وانت في الطيارة .. طلعت الجوال ابقفلة الا وتجيني مكالمة على السريع ..!!

الحين انتم جايين بالطيارة والا ماسكين السريع..

[HR]

نجي لزبدة الموضوع وهو الموقف..

تصدق عاد إن الكابتن والمضيفين والمضيفات عارفين انه انت .. لا وحتى الركاب بعد ..

بس خايفين منك ومن عضلاتك ..

وإلا كان رحت في خبر كان ..

<---- ماهوب كان الفرنسية

-----> أجل وش هي ..

<---- كان حقت قواعد خامس ابتدائي ..

المهم خطاك السو يا ابو عابد .. واهم شيء انك عدت سالما غانما إلى أرض العاصمة ..

بعدين قل لي وش جبت لي هدية .. لا يكون الجوال ما ابيه..


ألف شكر وألف تحية لأحسن واحد يرد على المواضيع ..


وتقبل تحياتي ،،،

أخوك / البارق

إقتباس زاد من متعتها مقابلتنا لزميلنا المحبوب الصوت الهلالي اللي ماشاء الله جانا ومعه الرياضية وعالم الرياضة والاقتصادية من زود التحمس ماشاء الله عليه ..

وانا اقول وش بالرجال له كم يوم ما نشوف أخبار الزعيم بالرياضية وعالم الرياضة

إقتباس المهم مادريت الا ونغمة ياغايب ليه ماتسأل تلعلع في الطيارة !!!!!! اف اف اف اف جوااااااااااااااااااالي ياولد .. طبعا لكم ان تتخيلون الموقف ..

تصدق لو اني من الناس اللي كان معك
كان تطاقيت انا وياك

ياكرهي للطايرة


انا من الناس اللي مايحبها ابد ولا يركبها الا عند الضرورة

هلا وغلا بأحسن رداد في العالم

اقول يابو عابد على قولة بروق .. شكل المضيف جا لراعي الجوال .. بس هون وديور ههههههههه ههههههههههه ماينلام

بس في شي مادخل مخي .. الحين تقول عقب ما اقلعنا وانتصفنا اعلن القائد ربط الاحزمة استعداداً للهبوط

وين تهبطون فيه وانتم توكم منتصفين لا يكون حطوا في القويعية مطار وحنا ماندري ؟

بعدين طلبتك

من اللي كان داق عليك .. احس انه واحد بالي وودي اشوفك تتوطاه

إقتباس إقتباس من مشاركة عـــــبــــادي [ALIGN=CENTER]هلا وغلا بــأبو عابد ;) .. كيف الحال وش الأخبار وينك يالقطوع .. والحمدلله على السلامة ياغالي .. بيفصلونك من الجامعة بس أبو عــابد (( حتة مواطن )) صعبة شويء .. قل (( حتات مواطنين )) يا حبي لك وبس ;) .. وإحــــمد ربك عــــلى كل حـــــال والحمـــــــــدلله على السلامة تقـــــبل أجـــــمل التحـــــايا عـــــــــــــــبــــــادي [/ALIGN]

إقتباس بس أبو عــابد (( حتة مواطن )) صعبة شويء .. قل (( حتات مواطنين )) يا حبي لك وبس ..

اكفششششششششش


وعلى قولة البارق وين الهدايا
انت قل انها معك وانا اجيك لانه ما ودي اتعبك

أبوعابد ..

تصدق خســران اللي راح يحـاول يقـولك ليش ماطفيت جـوالك ههههههه


وحمد لله على السلامه

الشرهة مهب عليك الشرهة على الكابتن !!

أنا لو منه أرميك منها إنا ناصل في خمس دقايق بدل عشر !

و منها تتادب !

و خلك مرة ثانية تنساه و أنا معك مهب بس في الطيارة ! حتى لو في موتر أبو لما لازم تطفيه ولا والله لأخلي منادي يطب في بطنك و يسبح و يسبح و يسبح حتى ياصل سرك -------------> يبي له نص ساعة و هو في خياس إنما إيييييييييه ...

Abu3abed

الحمد لله على السلامة يا بعدهم
والله يا أخي موقف الصراحة يروع

لكن الصراحة الصراحة وش عليهم اللي في الطيارة عندهم ابوعابد كلهم بتجمعون عليه ..
ويتعلقون في ثوبه (( ماشاء الله عليك )) .. وينزلون

الف الحمدلله على السلامة .. وانتبه وانا أخوك مرة ثانية

إقتباس إقتباس من مشاركة Abu3abed رحلة السعودية الاضافية رقم 8052 والمتجهة الى مطار الملك خالد الدولي بمدينة الرياض درجة الحرارة الخارجية 35 درجة مئوية ....... ..

ياللــــــــــــــه
ذكرتني بااجازه اذا جينا بنرجع وبكره مدرسه

نقول اول شي الحمدالله على السلامه لك وللي كانوا موجودين على الطيارة00
وبعدين طلع بيجر اصرفلك00