السلام عليكم ورحمة الله وبركاته

اولاً : هاردلكم الهزيمه الهلال صلح كل شي بالمباراة بس كان ناقصنا التركيز والحظ

ثانياً : الهلال تعاقد مع السبيعي لـ حل ازمه الحراسه بالهلال واللي هي اهم مركز بالفريق والحارس يعتبر نص الفريق

والدليل زي ما صار في مباراة الرائد كسار هو اللي انقذ فريقه من هزيمة كبيره

الهلال تعاقد مع السبيعي علشان يحل هالمشكلة وبالمباريات الوديه قبل يبدأ الدوري كان السبيعي هو الحارس والحافظ او المسلم هم بالسنتر

ولما بدا الدوري رجع السديري والمرشدي ورجعت الاهداف اللي تدخل بابنا

اتمنى من سامي انه يشوف لنا حل

وثالثاً : اليوم بالهدفين كأنه ما فيه محاور وخاصة الهدف الثاني اللاعب البرازيلي جرى مسافه بدون ما احد يدخل عليه الكوري ما يدري ينزل عليه والا يرجع مع اللاعب الثاني

ماكنت اؤمن بمقوله الحارس نصف الفريق الا امس
ااااااااااااه بس لو عندنا حارس مثل حارسهم او حارس العروبه مع مدافعين احسن من اللي عندنا
كنا ممكن الاول بدون أي هزيمة او تعادل

الحقيقه الحارس السديري نقطة ضعف واضحة من الموسم الماضي ,الفريق يبذل مجهود غير طبيعي فتاتي هجمات بسيطة من الفرق المنافسة تحتاج وقفة الحارس للاسف تسجل اهداف , انظرو لحارس الرائد تصدى لسيل من الهجمات جميعها اهداف محققه , توج فريقة بالفوز ايضا حارس نادي الاتحاد انقذ فريقة من نادي الاهلي, من المحزن ان لدينا حارس مزهرية من الموسم الماضي حتى الان تتجدد به الثقه امر محير هل ايضا يتعرض سامي لضغوط باجباره بالحارس السديري !!
ايضا لاننسى المرشدي السيء مع احترامي له سيء بالتمركز ردة فعله ضعيفه ...
اياضا اتمنى من سامي توبيخ المحاور كاستلوز وهرماشس الشباب يلعبون بالدائرة في منصف الملعب ومنطقة المحاور خالية الدليل اي هجمة مرتده ماشوف الاثنين
حتى الاظهره ..

والله فيه مدافعين ممتازين ( يحيى المسلم - عبدالله الحافظ ) وبالحراسه ( فايز السبيعي )

كان وضعنا غير مو كل هجمه على مرمى الهلال نحط يدنا على قلوبنا

سوء تغطيه من المرشدي وما يعرف يخلص يرتبش وسوء حراسه من السديري طلوعه الخطا وردة فعل بطيئه

من اول نهرج بس الاداره مصره انها تهمش راي الجمهور وماتسمع له

وبعدين يقولو ليش الجمهور مايحضر

صدقوني نكبات السديري والدفاع اذا استمروو راح يكونو المسبب الاول في خساره الدوري وغيره بطولات ثانيه



استمرارهم معناه ضياع البطولات

الحقيقه الحارس السديري ليس طموح الهلال
الحرااااااسه ضايعه في الهلال

الحارس فايز السبيعي موفق دائماً بصد الكرات الخطره
ولكن كل مدرب له نظره غير
وسامي الجابر المدير الفني وهو احرص واحد على الفريق
وهو اكثر واحد يهمه الفريق لانه ابن النادي ومحب للزعيم
وخدم الزعيم كلاعب فوق عشرين عام ومايحتاج اكمل الكل يعرف
واكيد بيشوف الافضل ويضعه الحارس الاساسي

تبي تاخذ اسياء عبدالرحمن بن مساعد لازم تتعاقد مع حارس عندك 3 الرويلي والثنيان والعويشير تدفع فلوس بيجيك الاعب ما تدفع ششيء ما راح يجيك لازم يا عبدالرحمن بن مساعد تدفع فيه لو سعره غالي غالي بس بينقذنا وبالنسبه لزوري يجي مكانه الشهراني والدعيع يلعب يمين والمرشدي فيه مكانه الحافظ والمسلم سامي لا تجامل المرشدي والزوري وكاستيلو فهاوه وهرماش من يوم ما بدا الدوري اشوفه مهاجم ثاني مع الشمراني الزبدة ان فريق هجوميا مويس ودفاعيا فاشل واذا على كذاا ما فيه اسياء سوا سامي مدرب ولا مو مدرب سلام

** تخيلوا يا زعماء لو كان الكسار هو حارس الهلال
وكان السديري حارس الرائد
صدقوني الكسار كان كل الفريق في مباراة امس
شال كور محققه
وكمان القائم والعارضه ماقصرت معاهم
::
الهلال بحاجة لحارس مرمى متمكن
لا ادري ماسبب الابقاء على السديري رغم الاهداف البسيطة اللي تلج مرماه
::
طبعا المحور الدفاعي صفر في مساء البارحة كل الاهداف احملها لتمركزه الخاطئ
وضعف تحركاته لاعب ثقيل لايناسب الزعيم

السديري والمرشدي والزوري .. صداع ثلاثي الابعاد سيسبب للزعيم الكثير من المشاكل وقد تصل الى اكثر من فقدان 3 نقاط

يمكن يلحقهم كاستيلو الا اذا صحح من نفسه , لان الثلاثه السابقين اخذوا كل الفرص للتصحيح من مستواهم ولكن من دون جدوى



يعطيك العافيه اخوي





يارب وفق الزعيم ~

هارد لك للزعيم وأشكر الجمهور اللي حضر
بس يااااااخي ملينا من مجاملات السديري والمرشدي الى متى وهم حاجزين
مكانهم أساسي وين السبيعي والله بيسوي شغل بس حط الثقة فيه السديري أخذ فرصته وزياده واقترح على سامي يجيب قلب دفاع اجنبي ثاني ويكون من شرق اوروبا روماني روسي مجري هذولي يجيدون العرضيات والكرات الطولية ما نبي دفاع سعودي الدفاع السعودي ضعيف اقرب شي المنتخب شوف وين تصنيفه تحت الميه المرشدي
ما يعرف أبجديات الدفاع عيب على المرشدي ما يسوي اقل شي انه يتزحلق يشيل كوره يحتك يعمل مان تو مان ما أشوفه يسويها اي كورة توصل لدفاع الهلال أحط يدي على قلبي من الخوف الى متى اااااااه والله محترقه أكرر قلوب دفاع اجنبية كلهاااااا وبناخذ اسيا حسبي الله ونعم الوكيل

الحارس نصف الفريق وبعض الاحيان يكون الفريق كله مثل ما حدث امس في مباراة الرائد ، بنسبة للسديري لدية مشكله في الحراسة وتعتبر مشكله كبيره وهي ردة الفعل السريعة واتخاذ القرار بالتصدي لاي تصويبه خاصه كذا كانت قريبه من المرمى ومن متابعتي لاولمبي الهلال لفت انتباهي الحارس محمد الواكد اعتقد لو تم تصعيده للفريق الاول وحافظ الاعب على نفسه وطور نفسه في التمارين قد يكون احسن حارس يمر على الهلال بعد محمد الدعيع واتمنى تشوفون ملخص مباراة اولمبي الهلال مع الاهلي وشوفوالحارس المبدع محمد الواكد

https://www.youtube.com/watch?v=0ECjKn9RG4k

^

الشمري مو بعيد عن السديري

نبي السبيعي يمسك حارسة الهلال الين ما يرجع شراحيلي اللي هو مستقبل الحراسه بالهلال

ونبي نفتك من المرشدي نبي الحافظ بنيه جسمانيه ممتازه وطول ممتاز ورغم صغر سنه الا انه لاعب واثق من نفسه مو المرشدي لاعب يرتبك

المرشدي انا ارى ان الافضل الدعيع صحيح صغير بالسن لكن ذكي وجيد لكن الحارس صحيح صغير بالسن لكن اتمنى على سامي اذا كان لابد من السديري ان يطلب من مدرب الحراس انقاص وزن السديري بما لا يقل عن 20كجم السديري ما يملك مرونه ليه ما ينقص وزنه ويتمرن على استخدام الرجل ايضا في اخراج الكرات الارضيه الصعبه شكرا لك

ليش الدعيع وفيه يحيى المسلم وعبدالله الحافظ

وبـ الحراسه موجود السبيعي بالاحتياط اللي هو افضل من السديري يعني مو ملزوم انه يحرس السديري