مشرف منتدى الرياضة العربية والعالمية رئيس رابطة تشيلسي
تاريخ التسجيل: 23/02/2009
مشاركات: 2,075
*
مورينهو خرّب الديربي ، مورينهو قاتل المتعة ، سمعناها كثير بعد نهاية المباريات الكبيرة بالتحديد .. والمشكلة يجهلون كمية التكتيك العالي اللي موجود طوال ال 90 دقيقة .. مورينهو مو مستعد يفتح ملعبه ويمتعك على حساب فريقه ؟ بالاخير انت مَ تلعب بالدوري البرازيلي عشان تبحث عن متعة وكمية اهداف هنا وهناك .. مَ اختلف معكم ان تشلسي يملك كمية عناصر هجومية ممكن يضرب فيها اي قوة دفاعية تقابله .. لكن بالمقابل دفاعك مفكك وراح يستقبل اهداف اكثر من انه يسجل! شفنا ها الشي قدام نيوكاسل ، فتحنا الملعب على مصراعيه وبالاخير لقمنا! ونيوكاسل بوقتها كان عشوائي قما بالك لما تقابل فريق منظم ومتصدر وعلى ارضه ويملك منظومة قوية بخط الوسط! طبيعي مَ راح تفكر تفتح ملعبك وطبيعي جداً انك مَ تروح وانت تبغى تتعادل او تخسر ، خصوصاً انك تلعب مباراة مفصلية و3 نقاط توديك للصدارة مع الليفر .. تقفيل مورينهو منطقي وتوقعت ها الشي ، انت نعاتي على مستوى المحور الدفاعي ، دفاعك اخر 3 مباريات او 4 ماهو بحالته الطبيعية ، اكلت في ظرف مبارتين 6 اهداف وحدة منها خسرتها .. ولا عندك المهاجمين اللي يبردون قلبك عشان تقول اي والله ابروح للامارات واهاجم! فوق كذا احسب حساب خسارتك انك بترجع من الثاني للخامس! أقل الايمان كان تعادل اذا مَ جا الفوز من مرتدة او خطأ دفاعي او كرات ثابتة .. ولو ترجع وتشوف الشوط الاول بالذات تتفاجئ انك انهيته ب 7 فرص عالمرمى وحدة منها بالعارضة مقابل 0 للارسنال! ويجونك ناس صاحيين بعد المباراة ويكتبون مورينهو قمطة! وهو مَ شاف لا احصائيات ولا مجريات المباراة حتى! ليه يتعب نفسه دامه حاط بذهنه مورينهو مكروه! تشلسي دخل المباراة بحذر ولعب على جزئيات بسيطة لو وُجد المهاجم الحاسم لها لكان حال تشلسي افضل بكثير ، مو شرط بهذه المباراة لكن في مباريات كثيرة! مباراة الامس تظهر لك تشلسي مَ عنده مشاكل حتى لو دخل مقفل 90 دقيقة .. بس مشكلتك دائماً وابداً في مهاجمك اللي ينهي لك انصاف الفرص ويستغل ربع فرصة تكون كفيلة بخروجك بثلاث نقاط ، بعناصر الارسنال على مستوى الوسط والسلاسة الموجودة عندهم والتحركات المزعجة الا ان تشلسي حدّ من هذا كله ولا شفنا للارسنال حسّ طوال المباراة سوا في لقطتين ظهر فيها جيرود .. مَ عدى ذلك تشلسي كانت فرصه اوفر واخطر ، ونرجع ونقول وهذا تشلسي كان مقفل! مَ فيه مدرب بالعالم مَ يطمح للفوز خصوصاً بهذا الموقف اللي بيهدي لك صدارة الدوري ، بس مزاجية مهاجم ممكن تنسف كل امالك بمجرد التفكير بثلاث نقاط .. مورينهو نزل بافضل تشكيلة ممكنة ، توفرت الفرص ، حاول يعزز فالشوط الثاني حتى فقد الامل فرجع وقفل المباراة تماماً حتى لا يخسر النقطة اللي بمتناول اليد .. مورينهو بهكذا مباريات يشبعك تكتيكياً ولا عندي مشكلة تبيع مباريات كثيرة على حساب المتعة طالما انك ماشي صح بسلم الدوري (حتى) توفر النواقص .. واللي مَ تجهل على البعض ولنا بالتحديد مشجعين تشلسي!
مبروك النقطة ، والعوض ان شاء الله قدام ليفربول في الجسر
نائب رئيس رابطة مانشستر يونايتد عضو اللجنة الاعلامية للرياضة العالمية
تاريخ التسجيل: 12/10/2010
المكان: Ŝ ќ ā ќ ā ·
مشاركات: 1,569
هارد لك قنرز , مبروك بلوز النقطه ,
ابو خلود حبيبي , تقفيل مورينهو قدامنا في الاولد ترافورد قدرت
ترقعه وتقول انه بسبب نهائي السوبر الاوربي وخارج ارضه وما
الى ذالك , مع انه مورينهو معروف عنه حتى اذا قفل مايقفل
بالطريقه هذي , على الاقل تلقى تنظيم هجمات او تكتيك للهجمة الهجوميه
, انا احس ان مورينهو في الحصص التدريبيه قبل مباراه ارسنال كان كلها
يعلمهم عن كيفية الدفاع , وبين الشوطين ذكرهم بالي علمهم اياه قبل المباراه ,
مش معقول ان تكون هجماتك كلها عباره عن ارتداد ! , اذا كان الموضوع كذا
فـخلاص انصحكم ترجعون دي ماتيو لانه افضل بالتقفيل وبالمرتدات يقدر يسرق
لك هجمة ويسجل مننها ,
ارسنال ضيعوها , بأعتمادهم على اوزيل المبالغ فيه , وفينجر مو مصدق انه
وقع مع سوبر ستار مثل اوزيل ويبي يحلل كامل المبلغ عليه , الكورة لازم
تمر على اوزيل حتى لو ماكان في افضل حالاته بالمباراه , بالاخير شفنا
اوزيل طلع من جو المباراه وقعد يهاوش ايفا الي ماله علاقه الا انه خلص
الكوره بالطريقة الانجليزيه ,
بالنسبة لي الموسم هذا , عادي ياخذها تشيلسي او السيتي , بس اهم شي
لا ياخذها الارسسنال او ليفربول , خصوصا ليفربول , ماهو ناقصنا وجع
الراس , ( جماهير ارسنال وليفربول على رآسي )
اليوم مباراه قدام هال سيتي , اتوقع والعلم عند الله بتكون صعبه علينا
بالححححححيل , لذالك اذا فزنا لو على الاقل 1 / 0 فهذا شي ايجابي
خصوصا انها في ايام البوكسينج داي , الي تعتبر محطة تعثر للفرق ,
اليونايتد قادر يرجع باذن الله , باقي يناير , باقي يناير , باقي يناير ,
مبروووك الفوز احب المباريات الي كذا يخسر فريقك بهدفين ومن ثم يعود
هكذا هم الكبار يعطون الفرق الصغيره وجه ثم يعودون للمباراة
زي مباريات الهلال يخسر ومن ثم يرجع للمباراة
مباراة مثيرة ،قوية ،مخيفه لكلا الفريقين وجمهورهما .
الستي أقوى ومرشح للفوز أكثر من الليفر ، لكن لابد أن يظهر كبرياء ليفربول .
كنت أعتقد أن اليونايتد هو من يملك الحظ لكن اكتشفت المدينه بكبرها محظوظه . أجل زاباليتا يصاب وقبل المباراة يعافى ويصاب فلانغان !
يارب توفق الأحمر الحقيقي ..
بالنسبة للقاء ارسنال وتشلسي ،بصراحه ما كان لي فرصه لتعليق ،لكن بشكل سريع مورينهو بالغ بالدفع وهو بحاجة للفوز أكثر من الارسنال حتى لو كان اللقاء بأرض الارسنال ،ربما ليحافظ على سجله .
بالنسبة للأخ المنشستراوي الذي يتمنى أن لا يأخذ الدوري ليفربول وارسنال ،أحب أقوله تطمن لازال الدوري بعيد عنهم حتى ولو تصدروا الآن ،حتى لو فزنا الآن سيظل الدوري بعيد عنا وأنا أهم ما أوريده التأهل للأبطال .
" أقول بعيد عنهم ولم أقل مستحيل " فوضع الناديان لم يظهر على حقيقته بعد أن ينتصف الدور الثاني سيبان كل شيء . وبالتوفيق لليفربول .
لكن يبقى الغريب أن تتمنى الستي أن يحققه ،كل هذا استهزاء بالستي
بالتوفيق للفريقين ليقدمو لنا مباراة ممتعه
لاكن اتوقع الفوز لستي بما ان المباراة على ارضه والستي معروف الموسم هذا على ارضه رعب في الاتحاد وحتى عناصريا الستي اقوى والليفر ماعنده الا سواريز هو الي بيفرق مع الليفر اليوم
الهدف الأول " التعادل " كُرة ضعيفة يُخطئ حارس ويستهام في الإمساك بِهآ
الهدف الثاني .. كُرة عرضية تضرب في رأس مُدافع ويستهام و يكملها و آلكوت .
يستاهل أكثر لاعب انلعن خيره من جمهور القنرز
والكوت تطور مستواه وأصبح عنده حلول تساعد على صنع الفارق
سابقاً : ادعس وعرض ومايحتاج تشوف كم واحد بالصندوق
حالياً : صار يرفع راسه وقراراته منطقية،بودي أكثر لاعب كنت متحمس برجعته.
كنت أتمنى يدخل اخر 20 د من مباراة تشيلسي كان ممكن يصنع الفارق .
بودولسكي أكثر من 5 اسابيع ماشارك مع ارسنال بسبب الإصابة يرجع وبقوة ويصنع الفارق !
808Likes
,
! 
الوضع العادي
