21/05/2003, 03:54 PM
|
| زعيــم متألــق | | تاريخ التسجيل: 25/02/2003 المكان: الشرقيه منـي وفينـي مكانها وسط عينـي
مشاركات: 1,232
| |
!!_؟؟_!!_؟؟_!!
[ALIGN=CENTER] السلام عليــكم ورحمه الله وبركاتــه
هـــذا نــص من نصــوص أهل نجـد القدامـــى ....!!
انا مافهمـــت منه ولا كلــمه غير كلمـه ( قرطوع ) وكم كلمــه ثانـيه ...!!
وياليــــت أحــد يترجملنــا الله يعافيــكم  ___________
اعزق الحيالة بعد ما تثريها ، وليا الصغار يتمرغون في الريغى ، وتخاشر أنت وواحد من ها الحرفية ، عقبن انهل الارض ثم صلح الكوال والمطاليع والخوار ولا تاخذ من الحبس ، وجود العرصة ، وتفطن للمعراض ، ثم صلح السواقي والاشراب ولا يغيب عن بالك المدرج ، وقبل البذر عشب الارض وعليك بالخنيز ، ولا تبقي فيها ولا عرزون وعرقها كلها ، وقطع الشبرم والشفلح ، وابذرها لقيمي ، ثم سد اللزا وامله ، واكرع فيه وخذ قرطوع ، تراه ما مثله كنه من الزير أو القربة ، واجعل بالك ينخاش الماء في المنحاة ، ولا ينقطع على الجادة اللي تباري الركية ، وإلى منه تباد فسد البركة ، وإلى خذت لك نهوة ففض على الزرع وانهم العصافير ، ولياك تعدى انسهل في السهيلي وتوسد جمشة من المعراض ولا من حدا هالثلم ، وإلا تورض في الساقي ، وإلى خذت لك غطة فاشهم عمرك وابترم وتفطن للسنبل ، وذب لك صوت ولا صوتين ، وهيتب لك مزلاع ، ويلامنك نكست للبيت فعلزة في الصاير واجعل بالك ياخذونه العلان وبعد ما يسنبل تفطن للي يمرون والمساكين اللي في العير والسيسان جسم عليهم على تكه وغمطة ، وإلى جيت تحصد صف الزريجة زدو الزريجة ، وآخر حصادك خله في الرايسة ، وابد بالعاروفة ، وإلى خلصت السلفة ابد في اللي تواليها ، وانتبه للسنبل من الطيور رصه زين في السدس ، والمحش غزة في المحصد عشان إذا عودت نكس تلقاه ، عقبن هيتب الزبلان ، وكب فيها الحب الاحمر وانقخ لك زبيل واجلبه في المسحب ، وخل عيشك في تقا الحامي في الفية ، وذرة عن المطر ، هج باب القوع وحط العيش فيه ، ثم خله مجافى ، ثم إذا دسته فانشره في البركة ، والقصب ادخله في الصفة ، وجود الطرفة واربط الباب بالشطان ، أو ارفده بحصاة القفان ، دوكاها عند باب القوع ، وترى فوق السيمان اللي في الدهريز عينية بذر خريع غززه قصص على سالا حكرة البيدجان ، وإلى فذ منك فلفَّه في خريزة سمط ، وغزه في جدار الجصة ولا ورا المنحاز تحت النبر عند الطرمة التي توالي للحويط ، وإلا في السحارة القعب ، إللي عند الميقعة اللي كلها سُنون ، أو علقه في الوتد ، وانتبه للمعزى هجِّرها ، والنجد لا تربض في الساقي تراها بتوهن ، وعلى طاري النجد تراها منايح ما مثلها ، يالله من فضلك على اللبينة إلى طليت عليها في الصميل معلق بالمحجان في العرزالة ، ثم خذت لك قريطيع مع مريصيعات مذلوق عليها هالرقول ، وإلى تهيا قبلة قدوع وفنيجيل قهوة ، وتفطن للهيش تراه ماله جنيس تسف منه وتصلح لك مهاف ، وعليك بالخوص الدقاق ، واجعل بالك تشب في الشذيب والجريد ، صلح منه خزاز ، والله الله إلى جيت تعزق شرب النخلة فانفهق عن الجذع وتشطر عن الخيس وخل المسحاة تروح في الارض زيمة عشر قفال ، وإلى منك أصدرت النخل فادهج نصاب المسحاة ، واحفظها مع العتلة والهيب في بيت الدرج . ___________ لامانـــع من الأستــعانه بـ شايــب  [/ALIGN] |
الوضع الشجري
