الدفاع جيد ومع المباريات راح يتحسن شوي شوي

الساتر الدفاعي في الهلال كاستلو اليوم لم يقدم شي
والكوري اليوم ماقصر بس ياناس لعبين جوا من اجواء باردة
الى اجواء حارة ورطبة اكيد راح يتغير عليهم الوضع
انا ماراح احكم على الاجانب الا في البرد الصقيع .

الباير ما هاجم الا بعد الطرد .. والتراجع في مباراة كأس وانت متقدم تختلف عن تراجع في مباراة دوري من فريق يعتبر اقل منك مستوى

الدفاع رائع وفيه ناس تبي تحطه نقطه ضعف بالغصب

الفارق عن العام الماضي ان الدفاع اليوم اذا اخفق

الهجوم يكون في الموعد وهذا المطلوب

الدفاع اسوء شي في الهلال
لكن افضل بكثير من العاميين الماضيين طبعا اتكلم على المستوى الكلي الدفاع هو الاسوء بين الوسط والهجوم ثاني شي المرشدي لازم نشيد فيه لاعب الصراحه بدا يرجع لمستواه الكوري جيد جدا لكن احيان يفهي ومايخلص الكوره بسرعه

المباريات القادمه ستشهد تطور باذن الله في جميع الخطوط سوءا الخلفيه او الاماميه
كل التوفيق للزعيم

كلام سليم واشكرك على فكرك وموضوعك الجميل .. بصراحه انا بعد استغرب من بعض الجماهير والمشكله الاكبر المحلليين اللي يدعون انهم محلليين .. الهلال اليوم دفاعه كان صلب والتكتيك في الهجمات المرتده كان اجمل من رائع .. شفنا كيف استفاد الهلال من الهجمات المرتده .. بصراحه انا اشوف مستقبل الهلال هذا الموسم قوي وبقوة .. كنت متخووف من سامي بعض الشي ولكن الرجل اثبت قدراته التدريبيه والفكرية .. صحيح ان في بعض الاخطاء بس بالنسبه لي اشوفها جدا عادي .. اللي ما حبيته التغير الاخير والزج بـ محور ثالث مع ان هرماش تقدم شوي بس حسيت ان التدبيل مو في مكانه .. اكيد هذي وجهه نظري والمدرب سامي اكيد له قراءه اخرى لتغيره ..

شكرا على الموضوع الجميل ..
هلالي في سياتل

الارتداد الدفاعي المفروض يكون اسرع من اللي نشوفه حاليا

لكن المخرج الوحيد أمس هو الرطوبه

الله يوفقهم وحنا ننتظر منهم دائماً المستوى والنتيجة بإذن الله


يعطيك العافيه أخوي


يارب وفق الزعيم ~

في اكثر من عامل يؤثر ممكن بعض اللاعبين ما يكون في يومه وممكن الاجواء ولكن في بعض الاخطاء الدفاعي الى تتكرر مع الهلال واعتقد لو كانت قدام فريق مثل الاتحاد او الاهلي ما راح تعدي على خير

الصراحه الكوري كان صخره في المباراة رغم الرطوبه المرتفعه

آصبرو عليهـم الى الآن مستوآهم جيد جدآ .. ترى حتى سيرجو راموس وبيكيه ودانتي وكمباني .. يخطئوون ويتعلمون من اخطآئهمم .. لا تحكموون من البدآيهه الجولآت الجآيه تنتظرنآ هدووو ياحبآيب ..

الله يعافيه ويقومه بالسلامة يارب

إقتباس الرسالة الأصلية كتبت بواسطة أناااا مساء/صباح الخير جميعاً، أولاً، مبروك الفوز والله يصبرنا على فراق الزعيم إلى 11 سبتمبر ثانياً، أستغرب من بعض الجماهير اللي تقول أن الدفاع سيء والهفوات كثيرة! ما أذكر تابعت مباراة لأي فريق في العالم مهما بلغت قوته وما تهدد مرماه أكثر من مرة، إلا إذا كان الفريق اللي قدامه زلابة جداً جداً ما بأروح بعيد، اللي شاف مباراة السوبر الأوروبي أمس بين بايرن ميونخ وتشيلسي أكيد شاف أنه بالرغم من تحصن جميع لاعبي تشيلسي في منطقتهم الدفاع أغلب فترات المباراة إلا أن البايرن هدد مرماه بأكثر من فرصة حقيقية غير الهدفين الشاهد يا جماهير الزعيم، أن في كل مباراة لازم يتهدد مرمى الفريق وهذي كرة القدم ولا تنسون أن مباراتنا اليوم كان فيها الرتم سريع جداً والإرتداد للطرفين كان يحصل في ثواني قليلة جداً عن نفسي أشكر المدافعين على إستبسالهم في الذود عن المرمى الهلالي وأعطيهم 8 من 10 على أقل تقدير تحياتي للجميع

كلامك صحيح ،، لكن القصد اننا نقدر نكون احسن من كذا احسن بكثير ... مر علينا موسم ايام قيرتس ما دخل مرمانا الا 5 اهداف اتوقع هاذا المستوى الي نطمح له

عامل الجو اثر على اللاعبين تأثير واضح .. الشي الثاني انت جايب اكثر من نص الفريق جدد انسجامهم يبيله وقت فا شي طبيعي يكون فيه هفوات .. الشي الثالث الشلهوب ونيفيز المفروض مايلعبون مع بعض واحد منهم يكفي .. الشي الاخير .. اذا تبي دفاعك يتحصّن صح اضبط المحاور اولاً والشي الثاني الوسط الايمن والايسر لازم يساند الظهير (( لازم )) زي مايسوي سالم الدوسري اذا لعب قدام الزوري .. لو تلاحظون هجمات الاتفاق كان الظهير مايدري وين يروح ومن يغطي لان لاعبي النص مايساندونه..
هدف الاتفاق انطلاقه من النص الظهير متقدم والوسط يهوجس والمحور الله بالخير وفي النهاية ختمها الحارس بالطلعة الرهيبة والقلب اللي ممسك نفسه

على العموم الحمد لله على الفوز .. والمشاكل لابد منها في بداية الموسم والاتفاق مستقعد للهلال بالتعادلات له سنتين الحمد لله ان المباراة عدت على خير