كــلام اوزيل لو طلع صحيح مشكلة كبيرة وقتها احتمال احول لتشجيع الحوثيين الجمهور اللي كان حاضر تقديم بيل كان يهتف لا تبيعوا اوزيل و هذا يعطي دلاله على حب الجمهور لاوزيل و لم يكن عنصري في التعامل مع الاوز . جمهور البرنابيو واعي وفاهم كورة صحيح في بينهم عنصريين لكن الاغلبية ناس تبدي مصلحة الريال على كل شىء "راؤول" اللي كان يعتبر معشوق من الدرجه الاولي لما كان يشكل عبء على الفريق ما رحموه ايضاً فلورنتينو بيريز اللي انتشل النادي من ازمته الاقتصاديه في رئاسة الاولى و جلب فيجو و زيدان و رونالدو و بيكهام وحول النادي الى كوكبه من النجوم لما اخفق البرنابيو كله وقف ضد و اسقطوه ايضاً حدث نفس الشىء لكالديرون ,, جمهور الريال اذا ما كان في صفك لن يكون ضدك يا اوزيل هذا رونالدو " برتغالي" معروف التنافس بين البرتغال و اسبانيا و مع ذلك الكل يدعمه و في صفه.
بخروج اوزيل الريال خسر لاعب كبير و كبير جداً ,, لدرجة اني شفت له احصائيات( كان مصدرها زملائنا البرشلونيين) اقل ما يقال عنها خورافيه ,, لكن اوزيل ايضاً بخروجه من الريال اخذ خطوة الى الوراء " ليس تقليلاً بالارسنال" بالعكس انا اشوف الارسنال امتع فريق انجليزي و افضل فريق يقدم كورة فيها فرجه لكن معليش الارسنال لا يقارن بالريال الريال حلم لاي لاعب و هذا كاكا باسمه و تاريخه الكبير رضى يكون حبيس دكة الريال لمجرد فخامة الفريق اللي هو يلعب له , دي ماريا برغم علمه بقدوم بيل و فرصته بتتضائل رفض كل العروض و بقى ,, اوزيل اذا كان سبب خروجه مادي فهذا من حقه جميع اللاعبين يطمحون لتطوير دخلهم لكن اذا كان سبب خروجه تحقيق البطولات فاعتقد انه اخطأ الاختيار الحاجه الوحيدة المضمونه في انتقال اوزيل انه رايح يستفيد من مدرب كبير و قدير زي فينجر وليش لأ ان شاء الله يكون البريمر ليق من نصيب الارسنال " احب ذا الفريق" نهاية الموسم سيتبين هل كانت ادارة الريال محقة في بيع اوزيل ام لأ . و في حالة ثبت خطأ بيع اوزيل اكيد بيكون الحساب عسير لكارلو اولا و بيريز ثانياً لان جمهور الريال ما يرحم زي ما قلت في اول كلامي.
...... . . . ......
.................................... . .
أقول عطوني العاشرة بس
قفلة بما ان مباريات الدوري الانجليزي في النهار خلاااااااص ما عاد فيه عازف الليل
أحزنكم علي ؟ تخيلوآ إني كنت موآصلة من السآعة سبعة الصبآح مآنمت من يوم رجعت من الجآمعة بسبب تقديم بيل ومشآغل وكذآ , وجلست بعدهآ مججبرة نفسي غصب مآ أنآم أنتظر الميركآتو يقفل < لسه عندهآ أمل .. ومآبقي دعوه مآدعيتهآ .. الزبدة ع عشر ونص إنخمدت بآلغلط وأستغفرالله مآتهنيت بـ نومتي .. كل شوي أصحى وأتذكر أوزيل وقع؟ لآ إن شآءالله وأرجع أنآم مددروخه .. أول مآ صحيت الصبآح ع الدوآم طرررآآآخ نآقزه من السرير وأسحب الأيبآد وآآآآآآآآآخخخخ وقققع إبن اللذين .. < حكتكم قصة حيآتهآ .. بس عآد سلكوآ مآلقيت أحد أفضفض له ..
المهم إذآ كآنت الأخبآر صحيحة إن أوزيل إنتقل لآنه يبغى يضمن مكآن في مونديآل 2014 وفي نفس الوقت مآيبي ينآفس! صرآحة طآح من عيني -.- ! يعني كذآ ع طوووول !! أنشيلوتي مآيثق فيني إذآ إلى اللقآء, طيب إنت مستوآك مآهو متحسن , مآ قآعد تحآول تطور من نفسك في موقعك الجديد ! وشفتوآ تصريحآته كم مره قآل أنآ في مركز مو مركزي ومدري وشو ... إلخ ..
الشيء الثآني ألوم الأدآرة نوعاً مآ , يعني أوزيل يبغى يطلع تقوموآ على طول تبيعوه ! ليه مآ عنده عقد هو ؟ يعني مآيقدر يجلس لين الأنتقآلآت الشتوية وبعدهآ يصير خير !! يعني بيريز كم مره قآل إحنآ تعآقدتنآ رآح تصير دآيمآ زي صفقة أوزيل ومن هآلكلآم , وفي النهآية من أول طلب خروج قآم بآعه ! < يآخي صير زي ليفي وغثثث أبوهم .. على طآري ليفي, أحس جآتنآ دعوووه محترمه من جمآهير توتنهآم طيرت على إثرهآ أوزيل .. والله شعرت بشعور الأندية إللي نآخذ منهم لآعبينهم, يآحرآم عآد إحنآ ربي رحمنآ في يوم خلصت الصفقة, مسآكين هم يجلسون شهور يتآبعون إذآ لآعبهم بينبآع ولآ لآء ؟! ..
بآلنسبة لي الميركآتو كآن ممتآآآز جدآآ .. وبعد بيع أوزيل < اللي مآ أستوعبته قسم بآلله للحين , تحول إلى جيد جدآ ..
إذا كان هناك من يستحق اللوم على رحيل "مسعود أوزيل" فهو "كارلو أنشيلوتي" لأنه أوضح للجميع بأن "أوزيل" لن يكون من ركائزه الاساسية في الفريق ويفضل عليه الوافد الجديد "إيسكو" وهذا من حقه كمدرب وأعتقد أن أغلب الجماهير المدريدية "وأنا منهم" نتفق معه بهذا الأمر ولو أراد إستمراره مع الفريق لطالب بعدم رحيله و أقنعه بالبقاء بمساعدة الشامخ "بيريز"
لكن . .
أصغر مشجع مدريدي يعلم جيدًا بأنه لو أراد الريال المنافسة على كل البطولات خصوصًا "الأبطال" يجب أن يكون لدينا دكة إحتياط "فخمة "ومع رحيل "أوزيل" أعتقد إننا سنفتقد هذه الميزة . .
أسوأ ما قد يحدث في هذا الموسم هو أن تستمر معضلة الهجوم بصراحة لا أعوّل كثيرًا على "البنز" بالإضافة إلى أن "موراتا" + "خيسي" لا يزالا صغيران في السن وتنقصهم الخبرة