بسم الله الرحمن الرحيم
مساكم الله بالخير جميعاً
دائما أشوف مواضيع للأسف تسبب التفرقه بين جمهور الزعيم المحب والوفي لفريقه مثال : جمهور الوسطى ما يحضر جمهور الوسطى ما يتفاعل !! من متى كان جمهور الهلال ينتقد جمهور المنطقه الأخرى !!! ياجماعه صدقوني الموضوع فيه مندسين يبون يسببون التفرقه بينا إصحوا وإتركوا عنكم هالكلام الفاضي جمهور الهلال في كل مكان مو بس بالسعودية ف الخليج والعالم يد وححده مابينهم أي فرق يربطهم مع بعض حبهم للملكي وزعيم آسيا وكلهم فيهم الخير والبركة .. أتمنى منكم ترك هالأشياء عنكم وندعم فريقنا للحصول على جميع البطولات هالموسم بإذن الله وتحياتي لكم

كلامك في جانب من الصواب لكن هل من المعقول جماهير المناطق الثانية يكون الجمهور بكثافة وجمهور الرياض قليل !!!

شوف الموضوع مافيه تفرقه ولامندسين انت شوف جماهير الرياض وشوف جماهير الهلال في المدن الثانية يحضور في الرياض قليل ولا تفاعل اما في المناطق الثانية تفاعل وحماس الي اخر دقيقة نبغاهم يصرون زيهم ويتعملون منهم كيف الحماس والتشيع الي اخر دقيقة تسمع اصواتهم مع الاهداف لاكن بعدهاتختفى اصواتهم يقولن ليش ما عندنا ملعب خاص حق الهلال اذا تبغون ملعب خاص بي الهلال احضرو وخلو مدرجات الزعيم وناسة الي اخر دقيق ترا في المدن الثانية يحملون انو الهلال عندهم والله يحضرون حتي التمارين انتم يلي في الرياض محظوظين انو الهلال عندكم نبغي تفاعل اكثر من جمهور الرياض انتم الرقم واحد تبغي حضور واهازيج وطرب في كل المباريات مو بس في المباريات الكبيرة

الانتصارات بتجيب الجمهور.. ولسا في ترسبات عالقه من المواسم الماضيه.. وان شاء الله تزول بالنتائج الجيده

الموضوع يحتاج وقفة عضو شرف كبير عليه

نحتاج لمن يقف مع جمهور الرياض وتوجيههم والتنسيق معهم

الوضع يحتاج إلى اعادة نظر
في حضور الجماهير للملعب خصوصا درة الملاعب
الرياض مدينة كبيره ويحتاج تسيير حافلات من جميع نواحي مدينة الرياض
اعضاء الشرف و مجلس الجمهور الهلالي عليهم مسؤوليه كبيره
في تسهيل مهمة حضور الجماهير الهلاليه
واكيد فيه عتب للقريبين من الملعب ولايحضرون

صدقت
لكل جماهير الهلال ترا والله في تشجيع وفيه حماس والرابطة جالسة تتحسن والخشبية جالسة تقصر صوتنا عشان تعطيكم انطباع اننا ساكتين ومافي حماس وان الجلسة في بيتكم احسن لا والله تشجيع الهلال بالملعب بين الزعماء له طعم جميل

وجمهور الرياض والشرقية والغربية والوسطى والشمال والجنوب والخليج والعرب والعالم كلهم يد وحده في خدمة هلالهم