إقتباس الرسالة الأصلية كتبت بواسطة العسيماوي - أحب أشكر عشاق روما على حرصهم على تطوير اليوفي .. ملعوزهم في ايطاليا ويبونه يلعوزهم اوروبيا .. ياحنينيين يابتوعين القلوب البيضاء أما (الدوري ضعيف) .. انتم خذوه همن تعالوا تكلموا .. أما إن كان قصدكم مصلحة اليوفي ولو على حسابكم فهات لي مدرب يقدر ياخذ الدوري من كونتي وبعدها اسمح لك وأوعدكم نسوي اجتماع طارئ لدراسة الخيارات في بديل كونتي أما أنت كمشجع فريق (الخرنقع ) جاي تعلمنا كمشجعين فريق (بطل الدوري موسمين والثالث في الطريق بحول ربي) عن مدربنا وولليوفاوية هات لي مدرب تجزم إنه بيعوضك عن كونتي وتعال بعدها ناقشني في كونتي يعوضك في كونتي: يحقق الدوري ويطقطق في التشامب أبدا مابيه يحقق التشامب أبيه يرضيك وإلا أنا وكونتي طالع من التشامب من فريق نكرة راضي ) ولا أقبل ولو فرضيا نقاش في التنازل عنه إذا كونتي يحقق الدوري .. ودي يعدل وضعه في الأبطال بس عشان أحلم في الأبطال ولا يمكن أقبل التنازل عن كونتي لحساب أي مدرب مهما كانت قيمته إلا إذا هو بيحقق الدوري .. ولو ما حقق الدوري مهما كانت قيمته ما أقبل به عوض في كونتي ... طبعا والكلام للي يعشق اليوفي كمثال شوف الهلال .. لا استقر ولا حصل لا آسيا ولا حافظ على قيمته في الدوري أما عشاق روما .. فيحتاج للنقاش معهم إنهم يتذوقون طعم الدوري عشان نبدأ نتكلم معهم عن متعة الدوري ونكهته وانك تجلس تتفرج على اللاعبين وهم يدخلون يوم التتويج بالدوري .. وتذب ذبات سامجة ويسلكون لك أهلك بس عشان اليوفي آخذ الدوري .. وتشوف بنتنر = توتي كالتشيو بس بدون كعوب .. وفيدال هالموسم = روما تاريخيا في الكالتشيو وبحول ربي بيصير فيدال أكبر من روما ان حققنا اليوربا ليغ أخذ بطولة اوروبية وانتم تفحطون والأهم إنك إذا أخذت الدوري بنتكي نهاية الموسم مع عشاق اثنين من هالثلاثة (البايرن أو الريال أو تشلسي) دفعوا وجلبوا أفضل مدربين في العالم وفي الأخير (كونتي حقق الي حققوه) هذا الرد برعاية جو الرياض المنسنس ليت اليوفي يلعب العصر كان تكمل على طاري الي يقول ( اليوبي ) تقولي اليوفي موب ممتع أجل وش الله حادك تتابعه ياعين ماما رح بل متعة فريقك واشرب مويتها .. كاس الصبح على الريق وكاس قبل تنام بعد العشاء الله لا يسلطنا ولا يسلط علينا صباحكم خير جميع .

هههههههههههههههههههههههههه

والله يا عبدالعزيز اني استمتع بردودك !!

اما بينتنر ههههههههههههههههه ,,, ياخي يانت قصفت ابو يوبي بعد

انت ملاحظ حرصهم على اليوفي .

اما بخصوص كونتي انا لا اتمنى ابدا تغيير كونتي وودي يجلس اطول فترة ممكنه
فيه مدربين ابطال وافضل من كونتي مثل جوارديولا وغيرة بس مثل هالاسماء الكبيره كلها مع فرقها وصعب تطلع
بالاضافه الى انه كونتي يعتبر ناجح وارقامه تسد فم كل من حاول يشكك بالامر والاكثر من هذا ان ارقامه بشكل تصاعدي لك ان تتخيل ان اليوفي خذا الدوري ب84 نقطة قبل العام وباقي 3 مباريات بس وياصل لهالرقم
الموسم الي بعده جاب الدوري ب 87 ,,هالموسم ان ما تغير شي كبير هالموسم راح ياصل التسعين ويمكن ال100 بحول الله
مهما تكلمو الحساد والعذال والمضغوطين كونتي بارقامة وانجازاته غير قابل للنقاش ابدا بالتغيير ,, يكفيك ان اسطورة ميلان يتغزل باليوفي ومشروعه ومدربه.
انشيلوتي مدرب كبير ومافيه نقاش حوله ودرب اليوفي سنتين بدون القاب
كابيلو معه 8 لاعبين لعبو نهائي كأس العالم وكانت وقتها تشكيلة اليوفي افضل تشكيلة بالعالم ومع كذا طلع من ارسنال فريق نصه بزران . هذا لا يعني ان كابيللو فاشل ولا احد يقدر يتفوه بشيء عنه لكن الامور نفسها تتكرر والغريب الحرص من المنضغطين ,, يذكرنا بالنصراويين وحرصهم المفاجيء للهلال كله خوف ان سامي يجيب بطوله ,, هذا وسامي ما جاب شي كيف لو جاب

2006 كانت انطلاقة اليوفي مشابهه لليوفي هالسنه ويمكن افضل ووصل الفارق بين اليوفي وميلان 13 نقطة
بعد الخروج من الابطال دخل اليوفي بسلسلة من التعادلات 5 تعادلات ان ما خابت الذاكرة



اليوم فيه مذبحة