مقتظفات _ مايحتاجه الهلال ؟ _ الرابطه = يد وحده ماتصفق _ حمله هلاليه تحتاج دعمكم - نادي الهلال السعودي - شبكة الزعيم

MARU9 · #1 16/08/2013, 11:25 AM

صبحكم / مساكم , الله بالخير ي الأمه الزرقاء

كما نشاهد هلالنا في طريقه الصحيح و بإذن الله سوف يظهر في أوج مستواه و كلمة شكر للإداره ولسامي للعمل اللذي يقوم به
____
أما محور حديثي هو أن أغلبية الجمهور يعيبون على الرابطه و اللي يغبنك أن اللي يذم في الرابطه ي اما يتكلم وهو شايف المباراة عالتلفزيون , أو حاظر المباراة و مبلش خلق الله ومؤذيهم بالفصفص والدخان
طيب خل نبدى حبه حبه ي اعزائي
‫جمهور الهلال طرب على اصوله‬‎ - YouTube

‫اكبر جماهير في آسيا - The largest audiences in Asia‬‎ - YouTube

‫جنون جماهير الزعيم" اكبر حفله طرب تنقلها قناه خليجيه‬‎ - YouTube

‫جماهير الهلال في مباراة الهلال × ذوب اهن‬‎ - YouTube

^
التفاعل و الحظور هذا مانشوفه إلا في آسيا وشي طبيعي ان اللاعب يجيه ضغط من الجمهور لأنه ماتعود يشوف هالاجواء في الدوري
و حتى لو حظر جمهور في الدوري مايكون فيه تفاعل
الرساله اللي بوصلها للي ينتقدون الرابطه : انت احظر و ساند وشجع معاهم بعدين انتقد
وزي ما انتم شايفين اكثر الروابط اللي حاطها نفس رابطتنا وكان الجمهور طربان

ف يد وحده ماتصفق
واتمنى إني أشوف الهلال يلعب اسيا في ملعب الملك فهد لان هالملعب ياخذ سعه جماهيريه كبيره _ أو نلعب الادوار النهائيه في الاستاد لأن الحين الاستاد سعته70 الف و نشوف في المباريات الاسيويه فيه اضعاف مضاعفه خارج الملعب
ف ما بالك في إنك تحشر 28 الف في ملعب الملز ؟
_____________
أول مباراة في الدوري يلعبها الهلال ضد العروبه في ملعب الملك فهد و كلنا شوق لزعيمنا , واتمنى ان نملئ على الاقل الواجهه عشان نستقبل اللعييبه الجدد
ولا تنسون ان هالسنه الإستقطابات المحليه اكثر من الاجنبيه
هذي المباراة هي أقل مايقدمه الجمهور لسامي و بتكون دفعه معنويه للاعبين و للجهاز الفني

همسهه ختاميه :

العابد يسار , سالم يمين , ناصر فالعمق , الشلهوب وسط ايسر , نيفيز وسط ايمن , وهرماش وراهم

يعني لو تحط "محمد مسعد " راس حربه يسجل

عبدالمجيدs9s · #2 16/08/2013, 11:37 AM

الان يبدا دور الجمهور الهلالي متئ ما حضر الجمهور بكثافه

زاد الهلال توهج لا نريد جمهور في المباريات الكبيره فقط
نريدهم من اول لقاء يلعب في الهلال نبغا حضور نبغا حماس
وجمهور الهلال في كل مكان متواجد ولا يحتاج دعوه او تذكير
فجمهور الهلال حريص كل الحرص علئ فريقهم

هلالي مخضرم1 · #3 16/08/2013, 12:01 PM

السلام عليكم
موضوعك ممتاز لدعم الفريق
بس خبصت في الاخير تقول
محمد مسعد يسجل اجل ناصر وياسر ويوسف مالهم داعي
لاتقلل من اي منتسب للنادي مهما كان هو الدعم للكيان
وتشجيع الهلال واجب وطني على الامه والشعب الهلالي
تحياتي

MARU9 · #4 16/08/2013, 12:03 PM

إقتباس

الرسالة الأصلية كتبت بواسطة هلالي مخضرم1


	السلام عليكم موضوعك ممتاز لدعم الفريق بس خبصت في الاخير تقول محمد مسعد يسجل اجل ناصر وياسر ويوسف مالهم داعي لاتقلل من اي منتسب للنادي مهما كان هو الدعم للكيان وتشجيع الهلال واجب وطني على الامه والشعب الهلالي تحياتي

أنرت موضوعي

الكلام اللي بالاخير من بابا المداعبه
لك ودي

سلمان شمر · #5 16/08/2013, 12:08 PM

موضوعك اتمنى انه يوضع بدائره الاهتمام لدى جماهير الزعيم

الحضور+ التشجيع هما الداعم الاول والاخير للكيان

شكرا لك

ًًًًً

al-jouf · #6 16/08/2013, 04:40 PM

يعطيك العافيهه ولكن بالأخير تقل حست بالتشكيله شوي أو انا ما فهمتها زين لكن اللي اعرفه انا ان سامي يعتمد على مهاجم واحد ومن خلفه ٣ ،،،، مشكور

بندر البرقاوي 511 · #7 16/08/2013, 05:17 PM

والله الرابطه كويسه بس فيه ناس اذا مالقيت لاعب او اداري او مدرب تنتقده راحت تنتقدت الرابطه فضاوه!

ابومشاري الهلالي · #8 17/08/2013, 03:15 AM

الرابطه تقلد الروابط الاخرى ولا فيه تميز لجمهور الهلال اللي بالرياض لانهم مايتفاعلون مع الاغاني مثل باقي المناطق ولايعرفون لها

المفروض الرابطه تساعد على التشجيع الجماعي ومع ضروف المباراه وليس اغاني مكرره لفرق اخرى.

التشجيع الفطري الجماعي مع ضروف المباراه هو الحل الوحيد لجمهور الرياض لتكون ردة الفعل من الجمهور قويه وهنا يبي لنا واحد فنان وموهوب يشعر بما يشعر به اغلب الجمهور ويتفاعل مع المباراه باهازيجه وسوف يجد المدرج كله معه

ابومشاري الهلالي · #9 17/08/2013, 03:28 AM

الرابطه تقلد الروابط الاخرى ولا فيه تميز لجمهور الهلال اللي بالرياض لانهم مايتفاعلون مع الاغاني مثل باقي المناطق ولايعرفون لها

المفروض الرابطه تساعد على التشجيع الجماعي ومع ضروف المباراه وليس اغاني مكرره لفرق اخرى.

التشجيع الفطري الجماعي مع ضروف المباراه هو الحل الوحيد لجمهور الرياض لتكون ردة الفعل من الجمهور قويه وهنا يبي لنا واحد فنان وموهوب يشعر بما يشعر به اغلب الجمهور ويتفاعل مع المباراه باهازيجه وسوف يجد المدرج كله معه

MARU9 · #10 17/08/2013, 10:12 AM

إقتباس

الرسالة الأصلية كتبت بواسطة ابومشاري الهلالي


	الرابطه تقلد الروابط الاخرى ولا فيه تميز لجمهور الهلال اللي بالرياض لانهم مايتفاعلون مع الاغاني مثل باقي المناطق ولايعرفون لها المفروض الرابطه تساعد على التشجيع الجماعي ومع ضروف المباراه وليس اغاني مكرره لفرق اخرى. التشجيع الفطري الجماعي مع ضروف المباراه هو الحل الوحيد لجمهور الرياض لتكون ردة الفعل من الجمهور قويه وهنا يبي لنا واحد فنان وموهوب يشعر بما يشعر به اغلب الجمهور ويتفاعل مع المباراه باهازيجه وسوف يجد المدرج كله معه

وجهة نظرك احترمها وعلى عيني وراسي
ولكن اكثر المنتقدين للرابطه مايتفاعلون بالملعب

اسعدني تواجدك

ناصر مشعل · #11 17/08/2013, 02:24 PM

المشكله مو مشكلة الرابطه السالفه في الجمهور اللي مايتفاعلون مع الرابطه اذا واحد بيجلس يغني والباقي يتفرجون عليه واذا رجعو بيوتهم دخلو المنتدى وينتقدون الرابطه والله شي يقهر ....