|
سبب تشجيعك للهلال " نغير جو شوي " !! السلام عليكم .. فكره جت في راسي من زمان وحبيت أطرحها .. سبب تشجيعك للهلال .. يعني من زمان وش الموقف او ليه شجعت الهلال .. بالنسبة لي / قبل اكثر من 20 سنه كان الوالد الله يطول في عمره يجلس على التلفزيون يشوف الكوره .. ومادريت إنه يشوف الهلال .. مع السنين كبرت وعرفت الهلال زين ومن يومها صرت هلالي .. والحمد لله أكبر نعمه إني هلالي .. ننتظركم :yes: |
اخوي والكل يعرف ان الصغير دووم يقلد اخوه الكبير بكل شي وكنت اشوفه دووم يتابع مبارايات الهلال وتابع معه ومدري وش السالفه لاني كنت ورع لين حبيت الهلال وغير كذا الهلال هو اكثر فريق يظهر لنا مواهب زمان وبعدين اخوي سوىء فريق بالحاره وضمني معهم وكان لبس الفريق نفس الهلال واسمه الزعيم لا تسالوني كم كانت صفقة انتقالي |
انا مثلك تقريبا يوم كان عمري 7 الى 8 سنوات كنت اشوف اخوي يفرح ويشجع ويحضر واسأله كل هذا عشان كوره قال ايه وبديت احضر معه بشوف ليه كل هالحب وصار اللي صار وشجعت الهلال |
انا الي خلاني اشجعه شخص امريكي لقيته يوم كنت في امريكا مع الوالد كان لاعب هلالي سابق لايحضرني اسمه حاليا |
السلام عليكم تشجيعي للهلال من عام 1392/1393 هـ كنت احضر للمباريات مع الوالد اطال الله في عمره وهو الان عضو بلاتيني ومحدثكم برضه واولادي الان هلاليين بالوراثه وجميع عائلتنا هلاليين حتى جدتي الله يرحمها تقول الله ينصر فيدينكم قالوا تعرفين كوره قالت اذا شفت وليدي وعياله مبسوطين وفرحانين يعني فيدينهم فايزين جعلهم دايم يفوزون علشان عييلي تشجيع الهلال واجب وطني على الشعب والامه الهلاليه شكرا اخوي وليد تحياتي |
الهلال عشق من سن الطفولة وقتها جيل ذهبي لن ولن يتكرر النعيمة الثنيان الغشيان بداياتة وأبناء الدعيع وأبناء التمياط وأبو ثنين والجابر وهذال الدوسري وسعد مبارك والدوخي والله أسماء كثيرة مابغى أعدد وأنسى نجوم ماذكرتهم ذكرت هالأسامي فقط ولا الحمدلله الهلال كلة نجوم ... حبيت الكورة عشان الثنيان وعشقتها لجل الجابر وهويتها لجل التمياط وتعلقت فيها لجل النعيمة بحبة وعشقة للهلال |
أنا لو أعلمك بتنجلط ... بيتنا كلهم نصراوي .. انا الوحيد الي صرت هلالي بعد مما اغراني سواقنا الهلالي (بكرتون اندومي:D) ومن بعدها وانا الهلالي الوحيد في البيت |
يرجع السبب الاول والأخير هو أخواني وتأثيرهم علي وانا وقتها ابلغ ٧ سنين كنت اميل للنصر كثير لكن إخواني وضحكهم علي خلاني أصير هلالي هههههههههه وعشقي لفهد الغشيان كان لا يوصف |
انا اول مابديت اشجع كان في 2004 كنت نصراوي لان الوالد كان يقول الفريق الاصفر ( البرازيل ) في شريط الدوري الياباني القديم هذا النصر ههههههههههه والفريق الازرق ( الارجنتين ) هذا الهلال وانا كنت العب بالبرازيل وشجعت النصر بعدها باسبوع شفت مباراة للهلال وشجعته هههههههههههههههههههه |
كونه أجمل الكواكب وأكثرها إيحاء وإذكاء لقرائح الشعراء :) |
اللون ^_* اللون الازرق لون منتخب الكويت هو اللي خلاني اعشق الهلال،، وبكل امانه صار الهلال يأثر بحياتي العامه بشكل مايتصوره عقل ^_* ينهزم الهلال يصير يومي كئيب وتتعطل امور واجد بحياتي*_* يفوز الهلال يصبح ابن جبله شخص ثاني متسامح وحبوب وكل ابو شي كخخخخخخ من مزاجي يعرف ابوي الهلال اذا كان خاسر ولا فايز^_* كم اعششششق هذا الفريق حد الثماااالهـ^_* |
أنا ولدت في بيت الكل هلالي عدا أبوي لأنه إتحادي فشئ طبيعي إني أقلد أخواني وأخواتي لأن كلهم هلاليين صميم والحمدلله إني هلاااااااااااااالي |
بسبب بطولاته وانجازاته المميزة والمتكررة باستمرار |
الصراحه أنا السبب الرئسي كان اللون :d لأن لوني المفضل بعد الأحمر ؛ أزرق وأبيض !!! وهالألوان تدل ع التفائل( أزرق ) والنقاء ( أبيض ) :wub::d وشفت بالصدفه الوالد يتابع مباراه للهلال وكان عمري تقريبا وقتها سته سنوات ولا أفهم شيء بالكوره :d بعدها شوي شوي صار جزء لا يتجزء من حياتي ؛ ولازم أعرف أخباره حتى لو ما تابعت مبارياته مباشره !!! تشكرااات ع هالموضوع الرائع أخوي ~ |
السبب بعد الله كان حارس الهلال ان ذاك الكبتن ابراهيم اليوسف رحت مره مع اخوي الكبير الى مقر النادي فأعطاني ابراهيم اليوسف الكاب حقه ( القبعه ) ومن يومها وانا هلالي |
بالنسبة لي انا الوالد الله يحفظه نصراوي صميم والحقيقة في البداية كنت اشجع النصر لكن تقريبا في عام 1409 كان عمري وقتها تقريبا 10 سنوات والحق يقال النصر في ذاك الوقت كان فريق مرعب وكله نجوم من ماجد الى محيسن ويوسف خميس وصالح المطلق والبقية ولكن وانا اتفرج على مباريات الهلال والنصر حسيت بشي غريب اشجع النصر وطربان على الهلال فالحقيقة قررت اني اشجع الهلال قبل بداية بطولة اسيا 1992 والحمد لله بعدها بكم شهر جبنا اسيا وكانت بداية جيل سامي والموينع والتيماوي والغشيان وطبعا بوجود يوسف وماانسى طيب الذكر موسى نضاو |
بختصار سبب عشقي للهلال هو الأسطوره السعوديه الاولى يوسف ناصر الثنيان |
للأسف أنا كنت من مشجعين نادي النصر السعودي وتعرفت علي صديق كان هلالي وجزاه الله ألف خير حببني في الهلال وجعلني أعشق الزعيم وكشف لي الوجه الاخر للنصر الذي كنت مغشوش فيه نادي لولا الواسطات ومساعدة الحكام والوبي الأصفر في الاعلام كان نزل الي دوري ركاء |
البيئه المحيطه ((يعني العائله))هي من جعلتني اشجع الهلال بس بداية تشجيعي الفعلي سنة ((2009_2010)). |
انا والله من الوالد الله يطول بعمره كان مايشري لي الا طقم الهلال وبين اقاربي وذا |
إقتباس:
اطللللللللللللللللع ... يالله حسسسن الخاااتمهـ،،^_* |
ببساطه شديده "وراثه" يا رجل يوم كنا صغار كان هناك محل تفصيل ملابس مقاربه جداً للملابس الأصلية ما هو اللحين كله تقليد وكلام فاضي ، وكان الوالد الله يحفظه ويطول بعمره يفصّل لعيال الحاره كلهم ملابس الهلال وأتذكر ولد عمتي كان حارس ويفصّل له ابوي فانيلة الدعيع ، وولد عمتي هذا نصرواي ، لكن حكم القوي هههههههههههههه أختي الصغيرة اسألها اللحين أقولها وش تشجعين تقول الهلال ما قلت لك وراثـه |
مثل الأغلبية ،،،، لما كان عمري 9 سنوات تقريبا.. كان آخوي الآكبر يشوف دائماًَ مباريات الهلال ويتحمس معه بشكل مش طبيعي .. ودآئماً يروح التمارين والمباريات ،، الزبدة آني كنت آقولهه كل ذا عشان نادي ،، تخسر فلوس التذآكر و ووو و ... الخ .. :D شوي شوي يارجل صرت مثله وآعظظظظممم .. :D :D :D لكن متابعتي الفعلية للفريق ، بحيث آني كنت آحضر النادي والمباريات والآخبار ... الخ كانت عاام 2009 - 2010 .. مع كتيبة جيرتس وكوزمينن .. والرباعي الآجنبي الجميل .. للآسف اني مالحقت على آساطير الهلآل مثل الجابر والتمياط والثنيان والنعيمة ... الخ لكن الحمدلله الجااي أفضل بإذن الله :d فعلآ الفريق ذآ فخخخخر للجممميع .. عشقتهه حد الثماااااااالةة .. 54 بطوولةةةة ،،، ومآآزال للمجد بقيييييييية .. تسلم على الموضوع الجميل .. :$ |
والله ماذكر كيف صرت هلال مع اني اكبر اخواني وابوي ما يحب شي اسمه هلال |
عششششششق انتمى بي من سنين الطفولة. :ba::ba: |
انا حبيت الهلال عام 2001 بسبب حبي ل محمد الشلهوب |
والله انا اخترت الهلال وانا ماني صغير عمري ممكن 17 كان ماخذ بطوله ونسمع دائما شريط فيه يقصد ابن جعيثن هذا سمير ابن سلطان يسلم سماره والشبل فهود ياشبل الاشبال وكان مع صديق لي اصغر مني والحقيقه ماكان عندنا تلفزيون بالمنطقه في الشمال وتقريبا عام 99 صار فيه تلفزيون في منطقة سكاكا الجوف تبعد عن مدينتي مشوار ساعه بالسياره فكنا نروح كل مباريات الهلال والنصر مجموعة شباب وحنا بالثانوي هلاليين ونصراويه ونتفرج سوا ايام ريفو ونجيب الامام والنعيمه والمصيبيح توه صار يلعب وهو كبري بالمناسبه والنصر كانت قوته بماجد ويوسف خميس وليرا البرازيلي وعبدالله عبد ربه ...................................ايام حلوه يازينها لها يمكن الان 38 سنه كلها عشق في الهلال لكن ياشباب انا ماشفت افضل من الثنيان والقحطاني لاعبين لما ينزلوا الملعب اطمأن على النتيجه لكن حسبي الله على من شن حملته على ابني ياسر فاعتبره كابني الله يوفقه لاعب لن تجود ملاعب القدم بمثله لاعب بالمناسبه ياشباب انتم دائما تختزلون الهلال في اللعيبه الحاليين لانكم لم تشاهدوا القدامى ففيه لاعبين لعبوا للهلال كبار جدا مثل محسن بخيت هذا ذهب للدراسه في امريكا عام يمكن 96 هجري وخيم الحزن على الجماهير الهلاليه بشكل ماتتوقعونه وكان راس حربه في قمة تألقه ...وفيه لاعبين كبار كسمير بن سلطان افتح اليوتوب واكتب هدف سمير بن سلطان لاعب عظيم جدا يسجل اهداف باك ورد من مسافات ...وفيه خالد الغانم رحمه الله من اعظم لاعبي الوسط في تاريخ المملكه وفيه عبادي الهذلول محور تشعر بمتعه عندما يلامس الكره ...وفيه الظهير الايسر حسين الحبشي وهذا كان يسجل اهداف اكثر من المهاجمين وله اكثر من عشرة اهداف في النصر ولولا اصابته التي حرمتنا منه سنوات لسجل رقما يصعب على مهاجمي الهلال الوصول اليه وعبدالرحمن القحطاني وهذا الان دكتور في الاعلام هذا منذ اختير للمنتخب واول مباراه لعبناها سجل في مرمى الكويت وبدات سيطرة السعوديه على الكويت وفيه منصور الرحمه وعادل عبدالرحيم ومنصور بشير وكلهم اجنحه خطيرين والمصيبيح وسلطان ابن نصيب صاحب قدم قويه وهو راس حربه للهلال والمنتخب |
حبي للهلال بسبب حبي للون الأزرق واحمد الله وأشكره اني من وعيت على الدنيا وانا اشجـع واعشق هذا الفـريـق والعائلة كلها هلالية الا اثنين اخوي الكبير شبابي والصغير اتحادي |
إقتباس:
|
هههههههههههههههههههههههههههه يعطيكم العافيه شباب اما انا عاد كنت ما اتفرج كورة هذا وعمري 8 سنوات بس اسمعهم يقولون هلال واتحاد ونصر واهلي الا شوي اتفرج مباراه بين الاتفاق وفريق ثاني قلت بس انا اتفاقي بعد كم يوم جا الهلال ولزخ امهم قلت والله ما اشجعهم ههههههههههههههههههههه شوي قلت خلاص الاتحاد هذا كله بس ما ابي اصير مثل اخواني الاكبر مني واحد هلالي وواحد نصراوي والوالد اهلاوي المهم المباراه اللي عقبها الهلال والاتحاد وهات يا ذيك المسخرة ويضحكون علي قلت ابد الهلال ذا فريق قوي ههههههههههههههههههههه ومن يووووومها هلالي وافكر اول مباراه اشجع فيها الهلال يوسف جازع كان مسجل فيها هدف |
مافيه سبب محدد، إذا على البيت مالهم في الكورة ! من يوم أني 7 سنوات وأنا أتابع الكورة تقريباً كل الأندية ووجدت نفسي مشجع للهلال .. علاوة على ذلك، حاولت أترك الهلال ومتابعة الكرة بشكل عام بس ما قدرت وقررت أخفف من المتابعة فقط :)+ |
سبب تشجيعي للهلال منذ الصغر هو اللون الأزرق لأني كنت اعشقه حينها فشفت الفريق اللي لونه ازرق وشجعته والحمدلله إني هلالي |
شفت مباراة للسعودية والكويت فازت السعودية 3-0 الشلهوب هدفين والحراثي هدف يوم جاب الحارثي هدف احسبه ياسر القحطاني وبديت اشجع ياسر وبعدين شجعت الهلال |
العائلة هلالية الا واحد منهم نصراوي وكنت محب للهلال منذ الصغر والحمدلله من شجعنا الزعيم مرتاحين عكس غيرنا وهذا فضل من الله سبحانه وتعالى |
امممم انا كنت اكره شي اسمه كورة قدم لكن كانت الكوره 24 ساعه ع التلفزيون والوالد الله يطيل في عمره عاشق من الدرجه الاولى للكورةوانا اجلس معا كثير المهم وانا في ثانيه ثانوي تقربا صارت تعجبني كورة القدم بعد ثالث ثانوي صرت مدمنه خخخخخخ وفريق فيه سامي وياسر والشلهوب يجبرك تشجعه تعامل الهلاليين جدا راقي والجماهير كانت رائعه جماهير داعمه ومميزه صراحه الجماهير اخر سنتين اختلفوا ... المهم اعتقد ابويه الاهلاوي هو سبب تشجيعي للهلال *_^ |
اولا: أشكرك ع الموضوع ثانيا : انا من عائلة هلالية كاملة ماعدا اخوي اللي أكبر مني بسنتين كان نصراوي فكنت اشجع الهلال من ذيك الفترة لكن مع الأيام صرت الأشد تعلقاً بالهلال من بين العائلة كاملة ولا أبالغ إن قلت الأكثر تشجيعاً بالحي كامل لأني اذا طلعت أغلب الأشخاص الهلاليين اللي أصغر مني يسألوني مثلاً صدق المفاوضات مع فلان والا متى مباراة الهلال ولا أخفيك سراً بأن ضمن أسباب قبولي دخول العمل الذي متواجد فيه حالياً هو الهلال لأني كنت قبل أتمنى أمتلك سيارة لأجل أحضر مباريات للهلال ولما توظفت والحمد لله كانت ثاني سفرة لي لمباراة الهلال اما الأولى كانت ضمن العمل ويوم عن يوم يزيد عشقي للكيان الأزرق حتى صرت المتحدث الأول بإسم الهلال بمقر العمل وسوري ع الشطحات هههههه |
بصراحه انا الوحيد في العائلة هلالي. الوالد الله يحفظه شبابي قديم. واثنين من إخواني نصروايه خخخخ. وواحد اهلاوي. بس ارجع للسبب. ؟؟؟؟. كذا من ربي حبيته ... 💙💙💙💙💙💙💙 |
انا بدات اتابع كوره ومن عمري 6 سنوات كنت اجلس اتابع مع الوالد وهو نصراوي طبعا بس كان يتابع معظم الانديه وانا كنت اتابع معه وكل ما اتابع مباراه للهلال اشوفه يفوز وفي يوم تابعت مباراه للهلال والاتحاد وفاز فيها الهلال واذا لم تخني الذاكره سجل سامي الجابر في ذيك المباراه هدف في الوقت الضايع ومن يومها شجعت الهلال وطبعا انا الوحيد اللي طلعت في العائله هلالي |
في البداية أقول أن ادارات الهلال واعضاء شرفه ضيعوا كثير من الجماهير التي كانت ستشجع الهلال لو تعاملت مع كثير من الانجازات بدهاء وحكمة ومنها الاحتفال بالانجازات بصورة تغري الناشئة بهذا الفريق خاصة انجاز فريق القرن والعقد والبطولات الكبيرة وألقاب النجوم والاحتفال بالفوز مع الجماهير بعد المباريات وخاصة الكبيرة منها فذلك له تأثير في نفوس الناشئة خاصة ويبدأ تعلقهم بالهلال أما تشجيعي الهلال فبدأ بخبر قرأته مع عمي وكان مدير مدرسة يتحدث الخبر عن ريفالينو وتعاقد الهلال معه ومميزات اللاعب المادية والفنية وقوة قدمه وبدأ تعلقي بالهلال وانا لا اعرف لون شعاره وعمري وقتها ست سنوات تقريبا وزاد تعلقي بتحقيق الهلال بطولة الملك على الشباب ولم اشاهد المباراة فقد نمت قبل نهايتها وصحين النهار الثاني أسأل عن النتيجة التي افرحتني وقد كنت أول من شجع الهلال في أسرتنا البالغ عددهم حوالي 90 حتى اصبح الغالبية منهم يشجعون الهلال عدا 5 يشجعون الاهلي والاتحاد |
ورثته عن أبي وخالي ...... |
حُب الهلال متوارث بين عائلتنا الهلال هذا شيء اساسي بحياتنا ، يعني شلون حُب الهلال مأثر فينا صغغار وكبااًر عععششقق الله لايححرمنا منه ❤❤❤❤❤❤❤❤❤❤❤❤❤❤❤❤ ~ |
ابد والله اعجبني لون النادي ًًًً |
انا شجعت الهلال قبل لادرس ماذكر كم كان عمري ومن امي كانت تتابع مباره للهلال امي هلاليه هههه واعجبني لعب نواف وسامي وكنت متاثرررر مره بسامي حتى اني اقلده فالمجلس بكوره بلاستيك ههههههههههههههههههههههه وبس ولا ابوي نصراوي ويكره الهلال كره |
من طلعت ع هالدنيا وانا ماشوف غير شي اسمه الهلال اخواني كلهم هلاليه |
كنت اكره الكورة كرهه غير طبيعي وزميلي في المدرسة كان دايم يتكلم عن الهلال ايام اولى متوسط بضبط وكثير يتكلم عن يوسف الثنيان والدوخي والجابر لمما حبيتة من بعدة وبديت اتابع |
أنا بصراحة كنت نصراوي (ثاني إبتدائي) ثم شبابي (ثاني إبتدائي) ثم هلالي (رابع إبتدائي) أيام الطفولة << بينطق هههههه بحكم أن أخوي اللي أصغر مني بسنة شجع الهلال قبلي وكان الوضع منافسة وشوية عناد المهم، لعب الهلال والنصر على نهائي ما أتذكره ووقتها كنت أنا وسوداني كان يشتغل عندنا نشجع النصر والوالد وأخوي يشجعون الهلال، وفاز الهلال وخنقتني العبرة ما أدري طقيت الصيحة وقتها هههههههههههه وبعدها كرهت النصر وشجعت الشباب لمدة سنتين تقريباً أيام المهلل وفؤاد أنور لكن بصراحة ما كان في فريق مثل الزعيم يملى العين بعدها بسنتين رفعت الراية البيضاء لأخوي وشجعت الزعيم وأنا الآن على مشارف الثلاثينات وحب الزعيم يكبر معي |
حبي للزعيم بالفطره وكنت لاعب بمدرسة الهلال أيام سعد مبارك التخيفي العشيوي البرقان عيال المدوح ناصر العييد |
كنت جالسه عادي ماتابع شي وكان اهلي يتابعو مباراة الهلال والاتحاد الاتحاد كان متقدم بهدفين واخر الدقايق تعادل الهلال مدري فاز بثلاثه ومن يومها وانا اشجع الهلال |
هههه انا أمي وخوالي نصراويين ومتعصبين طبعاً وقتها ما اعرف غير الهلال والنصر << كنت صغيرة طبعاً قمت سألت أبوي قلت له وش تشجع الهلال ولا النصر ؟؟ قال الهلال قلت ليه قال عشان فيه سامي الجابر .. عاد انا قلت بس أكيد هاللاعب مكسر الدنيا ،، ومن بعدها شجعت الهلال وعشقت ألوانه $: |
كنا انا واحد اصدقائي من محبين لنادي الاتفاق الكلام هذا عام 1392ه تقريبا ماني فاكر التاريخ كنا راجعين من المدرسه وكنا في ذلك الوقت من مشجعي نادي الاتفاق المهم خسر الاتفاق في ذلك الوقت فقلت لصديقي ايش رايك نغير ونشجع الهلال فوافق على الفور ومن يومها الى وقتنا ذا وانا هلالي وصديقي مدري صار لي اكثر من 10سنوات ماشفته بس متاكد انه مازال هلالي الهلال بالنسبه لنا الدم الذي يجري بعروقنا |
في البداية يعطيك العافية ع فكرة الموضوع بالنسبة لي عشقي للهلال متوارث من الوالد الله يحفظه ويطول في عمره فهو هلالي متعصب والعائلة جميعها هلالية وبصراحة يزيدني فخراً انتمائي لهذا الكيان الراقي والعريق |
انا عشان ابوي هلالي كنت ماعرف بالهلال الا اسمه وبعض اللاعبين وانا صغير وخوالي كلهم نصراووين ودايم ازعااااج كنت اشوف المباريات على استحياء ولا تشدني كثير بس بكاس العالم 2006 تابعت الشوط الثاني تقريباً وكنت متحمس ويوم دخل سمسم قال ابوي سمسم جا وجاي معه القول ودخل وجاب القول كانت الفرحه كبيره واثاره مابعدها اثاره وفي دقايق كل شي يتحول ويجي التعديل من تونس حسيت كيف الحماس وقت المباريات وصرت اتابع بشغف ووش احلى من بدايات الهوى كان اولها ساااامي |
قصتي اطول واغرب .. الوالد طبعا يشجع الهلال .. وانا ابنه الاكبر .. ادري انه يشجع بس مايهمني .. بالعكس كنت اكره الكوررة لانها طفش على واحد عمره 6 سنوات وقتها .. دخلت المدرسة واغلب المدرسة هلالية .. شفت النصراوية .. واسمع نقاشاتهم واحس فيه حماااااااااااااااس هواش وكذا .. قلت بشوف وش هالكورة هذي .. وتابعت مباريات للهلال بس .. وشفته مع النصر .. قلت في نفسي : من الغبي اللي يشجع النصر .. جبت الهلال وحب الكورة لاهلي .. فكلهم صاروا هلاليين .. تابعت الهلال من ذاك الوقت بشكل متقطع جدًا بل ضعيف .. لكن اسمع اخباره بالمدرسة .. وافرح اذا فاز .. بعدها لما وصلت للثانوي صرت اتابع بجنون .. كل مبارياته .. وكذلك لما كنت بالجامعة .. وبعد ماتخرجت حتى وصلت لامريكا .. الوقت هنا مختلف تماما عن السعودية فمااقدر اتابع مباريات الهلال .. كل اللي اسويه اني ادخل هنا في هذا المنتدى يوميًا .. واتابع الملخصات .. الى الان ماادري عن مستوى الهلال في الوداد بس اعرف النتيجة .. متابعتي فقط ملخصات واهداف .. هذا كل مااستطيع فعله .. |
اللي خلاني اشجع الهلال خالي اذا جا يلعب بلاي ستيشن كورة يجلس يغني هلالي هلالي حبيبي الغالي هلالي هلالي وعجبتني وجلست اغني معه ههههههههههههههههههه كان عمري بوقتها 6 سنين يمكن واللي خلاني اشوف مباريات الهلال كنت احوس بالمنتديات وشوي قلت خلني ادخل قسم الرياضة ويوم دخلته الا اشوف هلاليين واتحاديين يتهاوشون قبل مباراتنا الاسيويه معهم الله لايعيدها ودخلت فزعه مع الهلاليين وبعدها شفت مباراة الهلال والاتحاد دور ال16 باسيا وانهزمنا طبعا وبعدها صرت احب اشوف مباريات الهلال |
وطبعا ابوي نصراوي واذا خسر النصر يعصب ويفصل التلفزيون ههههههههههههههه وانا اروح اشوف المباراه باي غرفه الا معه |
لما كنت صغيرة تقريبا 8 سنوات شفت أخواني وخواتي متجمعين عند التلفزيون وكانت المباراة بين الهلال والنصر !! كلهم نصراويين إلا أخوي الكبير هلالي عاد أخواني وأخواتي يبغون يقهرون أخوي الكبير زيادة فقالوا لي شجعي النصر .. قلت لا بكون هلالييةةة ض1 وجاب النصر هدف وأخوي فشلني يقول كله منك وجهك نحس :s2: وفي نفسي أقول ياليتني ما استعجلت ههههههههههه المهم بقدرة قادر الهلال قلب النتيجةة وفاز ومن يومكم وانا هلالييةةة وكنت أموت بـ الثنيان والتيماوي - حتى لما نلعب بالشارع كورة أنا وبنات وعيال جيراننا أكون انا الثنيان أو التيماوي ونسوي الحركةة اللي يضرب يده في بعض بعدين يمد يدينة للجمهور ادري ما فهمتوا من شرحي شي :to::d وهذا رابط الحركةة للي ما يعرفها او ناسيها ‫يوسف الثنيان يخلي حارس النصر يتفرج عالفاول‬‎ - YouTube |
كنت انا وصاحبي عام 1993 نلعب كوره في الحاره .. قالي شرايك كل واحد فينا يشجع فريق .. ونلعب كل يوم مثل التلفزوين قلتله اوك .. انا النصر وانت الهلال ... قال مو مشكله ... المهم دخلت البيت وتابعت مباراه للهلال ذاك اليوم ولا اراديا حبيت ذاك الشعار .. وجيت لصاحبي اليوم الثاني قلتله انت اخذ النصر وانا الهلال والى اليوم هذا وانا وهو في هواش عن الهلال والنصر .. انا متعصب هلالي وهو متعصب نصراوي .. وبدايتها تعزيمه في حاره وأحيان يقول ياليتني مابادلت معك وظليت انا الهلالي وانت النصراوي عشان يشيب شعرك مثل ماشاب شعري ههههههه وسلامتكم |
اخوي والكل يعرف ان الصغير دووم يقلد اخوه الكبير بكل شي وكنت اشوفه دووم يتابع مبارايات الهلال وتابع معه ومدري وش السالفه لاني كنت ورع لين حبيت الهلال وغير كذا الهلال هو اكثر فريق يظهر لنا مواهب زمان |
عشقته ولا لي في المقادير حيلة :wink: وأنا عمري ست سنين حبيت الزعيم وأحمد الله على الثبات وأن هداني لعشقه:d |
السبب ؟؟؟؟؟؟ الثنيآآآآآآآآآآآآآن :smilie47: . |
| الوقت المعتمد في المنتدى بتوقيت جرينتش +3.
الوقت الان » 02:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd