|
بصراحة كنت أشجع أغلب الفرق وكنت أشوف الإتحاد وأنا صغير لكن أكره النصر و الأهلي كذا من الله وباقي الفرق سواسية لكن أميل للهلال مدري ليش .. ومع الأيام زاد العشق والإنتماء مع بقاء الحيادية |
من يوم فتحت على الدنيا وانا ما اعرف غير الهلال والباقي صفر على الشمال والبيت كله هلالي |
إقتباس:
الاخ عاشق الكاسر يمشي على نظام انا اكبر منكم ولازم تسمعون كلامي وعيب تعارضون افكاري فقط ادخلوا على مواضيعي و قولو كلامك صحيح يا عاشق الكاسر يعني لازم نمشي على نظام التعزيز :wub: |
انا اعتبر نفسي هلالي جيل اول لاني نشأت في مجتمع الجميع فية يلقي الاكاذيب عن الهلال وباين كثير من الكارهين والجميع منهم يدعي ان السبب بحقدة هو الظلم منهم الي يقول نادي الحكومة يعني دعم بالباطل لو لزم الامر اسقاط ان المتنفذين يدعمون الهلال باطل منهم من يدعي الظلم التحكيمي دائما مع الهلال منهم من يردد كلام عبدالرحمن بن سعود كلام باطل اقلة عطو الهلال كاس وخلو الفرق الباقية تلعب على كاس ثاني وكذا اما انا كنت اشوف ان الهلال الافضل لعبا وكنت من صغري اقول انه افضل فريق بس ماكنت اشجعة لان الكلام كثير بالظلم ساعات مع الاتفاق و النهضة كونهم اندية الدمام بعد سنين بانت معي الامور وعرفت ان الحقد وعدم القدرة على مجاراة الهلال هو سبب الكلام الكذب الي اسمعة وكان تشجيع الزعيم عن قناعة والحمد لله على نعمة العقل والتفكير ابنائي الاول جاني بالصف الاول يشجع الاتحاد وطلب فنيلة الاتحاد وما كنت اعارض بعد لقب الدوري الي على الاتحاد ايام كوزمين وهدف ياسر جا من عند خوالة يغني(ياسر ياسر والاتي خاسر) وبعدين عرفت انه كان مدرس الصف الاول هو كان يقول لطلابة شجعو الاتحاد واثر عليهم وكان حاقد على الهلال بس الانسان لما يبتعد عن الحقد يكون هلالي ولدي الثاني مع ابوه على طول هلالي مدريدي تشلساوي |
انا هلالي من عرفت نفسي عشقت الملكي رغم أنه عائلتي منوعة الميول لكن أكثرها هلالي لا أنكر سامي الجابر ونواف التمياط من أهم الأسباب لتشجيعي الهلال من عام 2002 تقريباً وعمري 8 أو 9 |
الهلال حب من الله حب بالفطره لا أحد علمني ولاشي بس اعتقد انه صالح النعيمه وشخصيته خلتني احب الهلال أكثر والله اعلم |
إقتباس:
|
الصراحة عشان صفوق التمياط بس لانه كان من نفس القبيلة هههههههههه |
حب الهلال وراثه من الوالد الله يرحمه كان هو واعمامي يجلسون على التفلزيون ويتحمسون لمباريات الهلال اذكر عام 1999/ 2000 كان اسم الهلال رعب لـ اسياء ومازال لكن ذيك الفتره الهلال اكل الاخضر واليابس الله يرحم ذيك الايام |
انا هلالي وسط عائله نصراويه , حبيت الهلال بسبب ياسر القحطاني كنت اتابعه في بطوله الخليج 2003 وحبيت لعبه ويوم انتقل للهلال صرت هلالي والحمد لله على نعمه الهلال تابعوني على تويتر #حبايب_ياسر @yasser_Y20_ |
يسألوني ليه شجعت الهلال .... ليه شجعت الهلال ومالسبب قلت لجل الفن كله والجمال .... والزعـامة والبطولة والذهب للأساطيرونجومه والرجال.........والجماهيرالغفيرة ياعرب فوق حدالوصف وحدودالخيال ....هالهلال تقول كنه منتخب من سنين طوال ودروبه عدال....للهلال المجد وللغيرالتعب عرفت الهلال وشجعته على أيام محسن بخيت وإبن عمروبشيرالغول وضاري وإبراهيم اليوسف وسميرسلطان وعبدالله العماروعبدالله فوده وسلطان بن نصيب وغيرهم من الأجيال التي تلت صالح النعيمة وحسين البيشي والتخيفي وسلطان المهنا وعبدالله الهذلول والمصيبيح وعبدالرحمن اليوسف ثم الجيل الذهبي جيل سامي الجابروالثنيان والتيماوي والتمياط وغيرهم ومرورا بأسماء كبيرة حتى يومنا هذا وقد شجعت الهلال في محافظتنا الصغيرة حيث أن مشجعي الهلال يشكلون أكثرمن 90% من الشباب وكان فريقنا الحواري من عشرين لاعب تحصل 3 نصراويين والبقية كلهم هلاليين وجميع من مثل الهلال نجومي المفضلين وكلهم أعتز بهم وأحبهم وأذكرهم بالخير وأنا أرى أن أكثرلاعبين لفتوا نظري في الهلال بشكل كبيرهم : محسن بخيت وصالح النعيمة ومنصوربشير وسامي الجابرويوسف الثنيان وياسرالقحطاني ونواف العابد |
إقتباس:
اهلا يامخضرم لكن ياغالي الثنيان اقدم من التخيفي ...الثنيان بدا في الهلال عام 401/ 402....والتخيفي اتذكر اول مالعب من جنبها عام 405 في مباراه مع الشباب بنادي الشباب وديه وكان النعيمه يوحهه ايوالله النعيمه له تاثير وصاربعدها من افضل نجوم المملكه في الظهير الايمن بالمناسبه فيه نقطه لازم يعرفها الجميع ولاعمر احد ذكرها (( النعيمه اي لاعب يلعب بجواره يصير نجم )) فهو يساعد اللاعبين على التالق يشجعهم ويصحح اخطائهم حتى يشتد عودهم (الله عليك يابو فهد) اعظم كابتن في تاريخ المملكه فيه لاعبين لم تذكرهم واسمح لي متابعتك فيها شوي قصور اخي الكريم / كان بالهلال لاعب لولا الاصابات لاصبح اعظم لاعب سعودي في تاريخ المملكه (سمير بن سلطان) ونسيت تذكر (سعد مبارك ) فيه فرق بينه وبين منصور بشير ولاهو بسيط ولا ذكرت ( خالد الغانم ) هذا داهيه في وسط الملعب ...لكنه لايهتم بنفسه رحمه الله اللاعب عبدالرحمن اليوسف .....من افضل لاعبي الوسط في تاريخ الهلال بعد الثنيان الغشيان والجمعان وابو ثنين ومنصور الموينع.وحسين الحبسي الظهير الهداف..........من افضل من انجبتهم ملاعب اسيا |
** سبب تشجيعي للهلآل عشآن أخوي *صلآح الغآمدي* معروف ب "نكد السعودي" الله يرحمه كآن متعصب هلآلي كككل شيءء هلآل < .. ويوم توفى تقريبآ قبل سنتين وعليهآ صآر عشششقي الهلآل طبعآ مآ أفوت ولآ مبآرآةة للملكي ..'() |
أمنيه اتمنى ان تتحقق وهي وضع صورة المؤسس الشيخ ابن سعيد رحمه الله في شعار الهلال ومعه النعيمه |
انا سمعت بعض الاخوه اللي يقول شجعت الهلال بسبب لاعب صحيح فالنجم الجاذب مهم بالفريق ترك الكره وهمومهاوالله انا مللت كوره من زمان ولكن تالق الثنيان في اواخر سنينه جعلني اتابع الهلال ...وبعد اعتزاله جانا هالساحر القحطاني وشدني وظليت وبعد رحيله سارحل وا |
| الوقت المعتمد في المنتدى بتوقيت جرينتش +3.
الوقت الان » 02:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd