شجعت الهلال منذ 25 سنه ولله الحمد والشكر

شجعت الهلال بعد ما شوفت ابداع نواف التمياط على المستطيل الأخضر أيام دورة الخليج للمنتخبات ،، سألت أبويا عنه قالي اسمه نواف التمياط ويلعب في الهلال ومن يومها وأنا هلال ،، وقتها كان عمري 7 سنوات تقريبا

للأمانه شجعت الهلال بالفطره انا اكبر اخواني و والدي موب راعي كورة بس مدري كيف شجعته ، كبرت و انا هلالي و انا ما اذكر
متى او ليش شجعته

عشقت الهلال من على أيام أنتقال ياسر القحطاني من القادسية للهلال وكان وقتها المبدع طارق التايب يطرب الكل سواء المشجع الهلالي أو الخصم

هنا بداية تشجيعي ^_^

أنا كنت أعشق اللونين الأزرق و الأصفر و كنت أحب النصر لكن أخوي كان هلالي و أثر علي و صرت اتابع الهلال حتى أتى النهائي الشهير نهائي الدوري أعتقد 1409هجري اللي انتهى ثلاثة صفر للهلال و من بعدها صرت هلالي

انا كن اخواني الكبار يشجعون النصر
ولكن كنت احد التحدي وشجعت الهلال لاكون ضدهم
وذلك وانا عمري سبع سنين والحين اربعين سنه

تشجيعي للهلال كان اخوي الكبير قال لي 4 اندية
شفتهم اختارو الهلال كلهم قلت معكم الهلال

انا كان أخوي الكبير اتحادي وأخوي الي بعده نصراوي والي بعده هلالي وأنا أصغر إخواني كان أخوي الهلالي لما يتابع الهلال لازم أكون معه ويقولي لا أشوفك تشجع الاتحاد والنصر مثل إخوانك تراهم فاشلين
وفي يوم من الأيام كانت فيه مباراه للهلال والنصر
وفاز فيها الهلال ومن بعدها حبيت الهلال ومستحيل تفوتني مباراه للهلال

كان ذلك عام 1415 كنت مباراه للهلال والنصر نهائي الدوري وخسرها الهلال كان ولد عمي الله يذكره بالخير هلالي صميم
من يومها وأنا أتابع الهلال بشغف وماتفوتني و لا مباره أو خبر يخص الهلال البطوله اللي حسيت فيها بطعم البطولات وعرفت فيها نجوم الهلال كانت البطوله العربيه عام 1416 اللي نظمها النصر وفاز فيها الهلال وكانت المباراة النهائية مع فريق الترجي التونسي. لن أنسى تلك المباراه ونجومها الثنيان والجابر والغشيان والدوخي والعويران والدعيع محمد والمغربي سعيد شيبه ومحمد لطف وليتانا والشريده و المسعري و الرشيد خالد والعويران وغيرهم من النجوم

شكرا لك يازعيم موضوعك حلو

يوم كان عمري 9 او عشر سنين كان وقت كاس اسيا 2007 كنت اشوف الناس تتابع المباريات المنتخب واعجبيت بلعب ياسر القحطاني وبعدها بديت اتابع الهلال عشان ياسر لاكن بعدها بدت قصت عشقي للهلال

بصراحة انا وحده ما احب اتابع الكورة ابد لكن اشوف اخواني يتابعون خصوصا مباريات النصر ومرة فجأة شفت مباراة للهلال وعلى طول حبيته وشجعته والحين صرت مدمنة كورة وفي هواش مستمر مع اخواني وصديقاتي هههههههههههههههههههههه

والله من يوم طلعت على الدنيا وانا هلالي ماذكر اني شجعته عشان احد والحمدلله اني مازلت هلالي ولي الفخر

يالله لك الحمد حب الهلال وراثه

العائلة كلها ملكية