من الوالد الله يحفظه كان يتحمس مع الهلال واذا جا بلنتي يدعي وانا اصف معه ارفع ايدي يارب يارب ههههههههههههههه طبعا كنت صغير مره

ومن عقبها انغرس حب الهلال في قلبي ..~

بصراحة أنا كنت وأنا صغير أحب اللون الأبيض والأسود بطبعي وكان جذاب جدا ليا ومن حبي لها اللون شجعت الشباب لأقل من سنة تقريبا وكان معاي أخوي يشجع الاتحاد ، المشكلة ما كان عندنا في البيت تلفزيون وكنا نروح نتفرج عند بيت جيراننا ، وكانوا أولاد جيراننا واحد هلالي والتاني اتحادي والثالث شبابي بصراحة فجأة تحولت من شبابي إلى هلالي وكمان أخوي صار يشجع الهلال وكانت أول بطولة لي وعمري 8 سنوات تقريبا نهائي كأس الملك بين الهلال والشباب لما كان الشباب متقدم بهدفين لهدف ودخلنا (الهلال )الشوط الثاني وكان ضاغط طول المباراة بدون فايدة حتى جا هدف سامي القاتل في الدقيقة 44 من الشوط التاني وكانت فرحة هستيرية أنا وأخوي وبكاء ، طبعا المباراة امتدت لأشواط إضافية وهدف ذهبي وسجله اللاعب عبدالله الجمعان المباراة انتهت
3 / 2 وأعتقد كانت عام 1418 ه من بعد هالمباراة والبطولة وانا ما أقدر أسيب مباراة للهلال سواء رسمية أو ودية / ووالله إن الهلال لما ينهزم في أي مباراة خاصة التنافسية أو الآسيوية أقفل التلفزيون يومين وثلاث وأقول خلاص بأترك التشجيع لأني أخاف على صحتي بس أقرب مباراة للهلال تحصلني مسمَر قدام التلفزيون

حقيقة أحببت الهلال وشجعته عندما. كنت. ادرس بالمرحله الثانويه بمدارس اليمامه وكان النعيمه والمصيبيح زملاء لي في المدرسه عام 78ً-79 وفي فريق المدرسه بحي المربع ورغم ان اول مباره تابعتها للهلال انهزم فيها الهلال امام الاهلي الا انه بعد نهاية المباره عشقت الهلال وكانت بداية علاقه استمرت لأكثر من أربعين عاما من الانجازات والتحديات ومازال هذا الحب مستمر مادام في العمر بقيه لانه من يعشق الهلال لا يمل من حبه أبدا. وصدقوني يا إخواني ان اسم الهلال عندي افضل مليون مره من اسم المكي والزعيم ومسميات اخري لقد كبرنا علي فن وبطولات الهلال ولا نحب له اسماء اخري استمتعوا ببطولات الهلال واسم. الهلال واتركوا ما بقي للآخرين يفرحون بها.

تسلم ع الموضوع يابوقحط

انا عشقي للهلال من الوالد الله يحفظه كان لاعبين للهلال اصدقاء للوالد ويزورونا في البيت حسين

البيشي يوسف الثنيان مبارك عبدالكريم الله يشفيه يوسف الحيائي وفيه لاعبين قدامي كثييير

ماعرف اساميهم والوالد عنده صور لهم ان شاءالله راح افتح موضوع خاص فيهم وصورهم

الله يذكره بالخير الحيائي كان يطقطق معي كوره في الحوش واذكر اني عطيته اشرطة مصارعه

لاندرتيكر ولا رجعها هههههههههههههههههههههههههههههه

أخوي الكبير الله يطول بعمره


كان يشتري فانيلة الهلال وبوقتها مايبيعونها مع الأرقام ، فيروح للخياط ويخليه يخيّط رقم 15 على الفانيله ( يوسف الثنيان )

ومن وقتها وانا هلالي

اللي تابع الهلال عاام 2000/1999 يعرف سبب تشجيعي للهلال

كان الفريق رعب للانديه والحين الله يرحم حاالنا

شكرا لك ع الموضوع الجميل :rose:

تقريبا سبب إنتمائي للهلال مثل حال الأغلبية وراثة :s2:

أيام الطفولة ما أذكر كم بالضبط لكن الأكيد ماتعديت 10 كان الوالد الله يحفظه عاشق ل الثنيان و الهلال و حريص على متابعة المباريات :s5s:

لذلك كنت أتابع معاه للمتعة فقط و ماكنت أفهم شي بالكورة مجرد مايصرخ أبوي و يصفق كنت أنبسط :ap:

ولما كنت بالمتوسط كنت هلالي بالإسم فقط ماتستهويني الكورة وماكنت حريص على متابعتها إطلاقا !

لكن من عام 2006 ومشاركة المنتخب بكأس العالم وبعدها المشاركة الآسيوية 2007

و تتويج ياسر أفضل لاعب بالقارة بدأت أحب الكورة و طبعا تجدد العشق الأزرق s13s

يعني بدايتي الفعلية بالتشجيع لما كان عمري 16 أصبحت هلالي حد النخاع والآن عمري 22 :razz:

ولله الحمد شاهدت لاعبين عمالقة و أستمتعت بالبطولات ومازال للمجد بقية ومازال الهلال يمتلك كوكبة من النجوم :smilie47::ba1:

وأصبح اللون الأزرق و الأبيض هو لوني المفضل والحمدالله جميع أفراد العائلة هلاليين الهوية :wub: ..

عام 97 , كنت اتابع مباراة الهلال والاهلي .. , انا اشجع الهلال وقتها , العائلة كلها نصراوية ماعدى الوالد الله يحفظه فكنت معجب بالوالد بشكل مو طبيعي الله يشفيه , لكن الشاهد كنت اتابع التيمآوي والثنيآن ومعجب فيهم بشكل مو طبيعي ,
و أي حركة بسيطة يسونها بالمباراة لازم نطبقها بالمجلس بكورة بلاستيكية انا وعمي اللي كان اكبر مني ب3 سنوات وقتها ههههههههههههه ,

لبى عشق الهلال

الغالبيه من الردود بسبب اشخاص اللي يقول اخوه واللي يقول ابوه لكن انا حرفيا ولدت هلالياٌ .. الوالد الله يطول بعمره كان لاعب هلالي اذكر وانا صغير كان كثير من اللاعبين يزورونا بالبيت اما على غداء او عشاء والوالد اهلكني قهو عمانك وانا اسئله كم عم عندي ماشاء الله ياكثرهم لما وصلت الابتدائيه حقق الهلال بطولة الدوري وكان وقتها ولد عمي هو كابتن الهلال المدرسين بالمدرسه كانو حيل طايرين فيني كل من شافني سلمني على ولد عمك والشياب منهم سلمني على ابوك عرفت وقتها ان الهلال شيء مميز ..
مع الايام اكتشفت ان العائله الكريمه اكثرهم كانو لاعبين بالهلال لو اعد لك راح تتفاجئ لايقل عن 7 منهم ..

انا أبوي الله يطول بعمره زرع فيني حب الهلال ،، كنت وأنا صغير يخليني اجلس عنده واتفرج معه قبل اعرف الكوره ومع الأيام كان كل ما يفوز الهلال يطلع يتمشى بي انا وإخواني ونروح للمطعم ،،، ومن بعدها كل ما نشوفه يتابع مباراه نجلس ندعي أن الهلال يفوز عشان يطلع وياخذنا معه ،،،، من بعدها ومع الأيام عشقت كل شئ ازرق وللحين ما اقدر أتابع المباراة إلا مع أبوي ،، حتى لو أكون مع خوياي بالاستراحة اطلع من عندهم واروح للبيت وألقى أبوي ينتظرني نتابعها مع بعض تقريبا 6 سنوات م فوتنا ولا مباراه كلهن نشوفهن مع بعض وان شاء الله دووم ،،

سبب تشجيع لزعيم اخواني كلهم يعشقون الزعيم الملكي
ثمانيه اخواني كلهم هلاليه والحمدلله رغم ان والدي اهلاوي

شجعت الهلال عام 1400 ومااذكر ليه حبيته لان كل العائله والمحيطين فيني نصراويين
واهلاويين وبعض الاتحاديين ولايوجد من كان يشجع الهلال في عائلتنا بذاك الوقت واكيد
ان تشجيعي له لم يكن مصادفه او بتأثير من شخص انما من قناعتي الشخصيه وهو اول
عشق لي الى الان ومازلت اعشقه للابد وسبحان الله انقلب الوضع الان فاصبح اكثر العائله
الان هلاليين كيييييف حدث ذلك الله اعلم.

انا من بيت كله فقراوية , بداية تشجيعي كانت لشباب و بعدها بكم سنة اخذ الاتحاد ابطال اسيا ف صرت اتحادي ابوي يوم درا اني اتحادي جلس يهوشني قال لازم اصير نصراوي مثله ! و من ذاك اليوم انا هلالي كنت ماخذ تشجيعي له عناد بس مع مرور الزمان تحول الى حب و بعدها الى عشق 3>

شكرا على طرحك للموضوع الجميل
واستمتعت جدا بالردود الاخوان والاخوات

...........................................................................

كانو كل البيت هلالي فاصرت معهم قبل تقريبا 12 سنه الى 11 سنه وانا الى يومك هاذا هلالي

مع تحياتي

ما اذكر الا ان الوالد يشجع ومتعصب هلالي .. وكنت اتابع معه ومع الخيل يا شقراء والحمد لله اني هلالي ... وسبب قرب النادي مني سجلت به كارتية وياليتني استمريت بس الحظ الي خلاني افصل وسجلت بالسباحة وكل عشقي الهلال .. واي واحد ينفس نفس على الهلال اشرشحهه .... و اليوم الي يفوز الهلال به بعض الاحيان لما تكون مباراة مهمة ومصيرية مثل على كاس او تأهل لدور الـ 16 او الـ 8 اعزم اهلي على عشاء حسب الميزانية .. واليوم الي ينهزم به الهلال يتعكر مزاجي واقفل جوالي .. ليه لاتسئلون ليه .. انه العشق للملكي وكفى .. لي 20 سنة وانا اشجعه بس يعني ما تابعة اخبارهـ أول بأول الى بالـ 10 سنوات الاخيرهه لاني كنت صغير .. والان ما تفوتني مباراة واذا كنت بالدوام اول ما كان به تلفزيون بمكتبنا اروح لمكتب الادارة الي بجنبنا اتابع واسحب ع الدوام .. ي لبيه ي كل عشقي