من اولى ابتدائي .. اخوي اللي اكبر مني ماله في الكوره .. اخترت الهلال دون تأثير من احد .. وماكان فيه خيارات الا الفقر :yes: ..

انا والهلال كالعشاق .. نمو تدريجي .. من سنين وصلت معه مرحلة الصبابه (( اعلى درجات العشق )):smilie47:

اي مكروه يحدث للهلال كنت اغيب عن المدرسه اليوم اللي بعده .. ومشاكل مع الفقراويه من الابتدائي:naughty:

دعمت الهلال باللي اقدر عليه كطفل .. امسح اي عباره ضده ع الجدران .. واعو له في صلاتي
امر على مقره بين حين وحين .. احسه من ممتلكاتي .. اذود عنه في كل منتدى احل فيه واوقفت والغيت عضويتي اكثر من مره بسببه s13s

اجهل السبب الرئيسي

اللي خلني اشجع الهلال

لكن الاغرب ان البيت كان كله نصراوي

وانا الهلاليه :d:smilie47:

الفطرة الصحيحه للانسان لازم انه يكون هلالي

والله الى يومكم ذا ماعرف ليه شجعت الهلال

انا الي خلاني احب الكورة (بقوه) هو زيدان شفته مره في مباراة ريال مدريد وبحثت عن المنتخب لقيته فرنسي ومن بعدها وانا فرنسي


لكن قبلها كنت اشجع الهلال لظروف الله يعلمها


للمعلوميه الوالد هلالي لكن ماهو متعصب للكورة

أنا أول نادي شجعته كان الشباب من 1994 م تقريبا حتى عام 2000 تقريبا جلست سنتين ما أشجع إلا المنتخب لكن كنت أشجع اي نادي يلعب ضد الهلال كان فيه شي عجيب بداخلي يخليني أحقد على الهلال وحضرت البطولة العربية عام 2001 بين الهلال والنصر حضرت أشجع النصر ...
المهم أنا صرت أسأل نفسي ليش كل واحد يشجع نادي غير الهلال يكون حاقد ع الهلال من بين كل الأندية ..
وفي بطولة كأس ولي العهد عام 2002-2003 كان أصدقائي واحد أتحادي وأربعة نصراويين والكل يراهن أن فريقه يحقق البطولة وانا من باب التحدي والعناد وليس حب في الهلال راهنت على الهلال وكل مباراة يفوز فيها الهلال يزيد حبه حتى حقق البطولة امام الأهلي بهدف الشلهوب والمدرب هذاك الوقت كان أديموس ومن ذاك اليوم وانا هلالي

والله مدري وش السبب من طلعت وانا هلالي انا واخوي اللي اصغر مني بسنتين .

اذكر ايام الابتدائي الوالد كان شديد بسالفه النوم للمدرسه عقب صلاه العشاء يالله نوم ! يبه في مباراه! لا المدرسه اهم ! وهو ينزل يشوفها بالملحق وننغبن خخخخخخخخ لين بدينا نقنعه واقتنع اخيرا !

وكمان اذكر محاولات خوالي النصراوين الحثيثه واللي ماتتوقف كل ماشافونا مع الاغرائات !
انا رفضت واخوي قبل لان بصراحه العرض وقتها كان مغري للغايه ! ( قميص النصر + جوال الباندا ) خخخخخخخخخخ

وليومك انا هلالي واخويا نصراوي وكلما شاف خوالي يقول حسبي الله عليكم خخخخخخخخخخخخخخخخخخخخخخخخ

كنت في السنة الثانية في الجامعة ....وكان أخوتي يتابعون المباريات وكنت غير متابع للكورة نهائيا ولا أحبها ..مرة من المرات تابعت مبارة للهلال وكان فيها اللاعب صاحب رقم عشرين 20 ....لا أدري لماذا بعد ذلك لم أدع مباراة للهلال ...أحببت الهلال لأجل القناص ...احببت الهلال لأنني امنت انا وجود امثال الكاسر في الهلال هم من يخلقون التحدي والقوة والاصرار ...شكرا لمن جعني اعشق الهلال ..شكرا لك ياسر .....
ملحوظة : من يقول ان هناك جمهور لاعب وجمهور نادي اقول له ......من ياتي بالجمهور للنادي ليس النادي ولا كراسيه ولا لوحاته بل من ياتي بالجمهور هم اللاعبون امثال زيدان في الريال والقحطاني في الهلال ....فدعوكم من التفرقة بقولكم جمهور لاعب وجمهور نادي ...
ياسر نحن نحب الهلال لأجلك ... فلا تدع الهلال لكي لا ندع حبنا للكورة

انا في بيت اهلاوي كبير ومتعصب
وكنت اهلاويا حتى عام 1404
وشجعت الهلال منذ هذا العام
والسبب اقاربنا كان كلامهم عن الهلال ونجومه غير واقعي وغير صحيح وفيه اجحاف كبير
وتدريجيا اصبحت ادافع عن الهلال ونجومه عند اقاربي تدريجيا تدريجيا
حتى عشقته من عام 1404 وحتى الان
والحمدلله انني اصبت الاختيار في هذا الفريق العريق

في محافظة تبعد عن العاصمة 600كم سنة 1392هـ في خامس إبتدائي نلعب حصة رياضة كرة قدم
بكورة الطائرة لأن القدم كانت ممنوعة في المحافظة بسبب المشاجرات .. في الفصل 12طالب منهم (5)
نصراويين أيام عز النصر والباقين سادة لايشجعون أحد وأنا منهم ولكن المدرب
يتركنا نلعب على كيفنا ويروح يتقهوى شاهي مع الفراش وأنا ماعرف اللعب وحطوني دفاع لكن من الحماس
رحت هجوم جاء المدرب وقال مسوي نفسك محسن بخيت ..قلت ويش محسن بخيت قال لاعب في الهلال
وتأثرت نفسياً بهذا المدح وبعده صرت هلالي ضد كل هؤلاء النصراويين وبعد صبر حوالي 35سنة صارت الآن المحافظة
60% هلاليين و30% نصراويين و10% إتحاديين .. ولله الحمد

الهلال عشق من سن الطفولة و السبب الهلال معنا السعاده الهلال سعاتي

انا مشجع قديم جداً ولااتذكر السبب واحتمال تشجيعي للهلال عندما حصل على بطولة الكأسين عام 1384هـــ امام الاتحاد والوحده وكنت ابلغ من العمر 8 سنوات يعني تقريباً خمسون سنه مشجع وبدون كلل ولاملل لكن في السنوات الاخيره لااستطيع المتابعه بالتلفزيون ولاباي وسيله بسبب توتري وخوفي على صحتي لاني لااتحمل الصدمات .... فانا مشجع هلالي من عرفت نفسي ولله الحمد ... مع تحياتي للجميع والشكر موصول لصاحب الموضوع

مووضوع جممميل يامبدع


الحقيقه : انا شجعت الهلال من يوم ماكنت صغير لآني اتابع مباريات الهلال مع اخوي الكبير مع العلم ان الوالد رحمه الله عليه كآن لاعب آساسي في نادي النصر ( عيد ) وسمآني علي اسم الكآبتن القدير ماجد عبدالله

الاعب اللي علي يمين ماجد عبدالله
http://www.alassr.com/contents/albumsth/246.jpg

مع كذا لآزلت اشجع الهلال

الاعب الي على يمين ماجد اسمه ابراهيم تحسين وهو لاعب الشباب وحي يرزق

الوالد الله يحفظه ويخليه
.............................

عشقت الهلال لسببين
الوالد اطال الله عمره هلالي صميم وغرس فينا حب الزعيم
الشي الأخر هو كون خالي لاعب في الهلال جعلني احبه أكثر, طبعا خالي هو كابتن الهلال السابق منصور الموينع وكنت اروح معه للنادي كثير وقابلت كذا لاعب وانا صغير فحبيت الفريق اكثر وبعد صورة مع كؤوس حقيقية للهلال وهذا شي ما كنت اتوقعها وقتها.

الحمد لله اني هلالي