|
مقترح: استبدال نيفيز الغير جاهز بـ ويسلي الجاهز (في الدور الأول ) بسم الله .. 8 مباريات ودية .. لم يشارك نيفيز اي من دقائقها .. نيفيز لم يدخل التدريبات الجماعية إلا مساء أمس ..!! الدوري تبقى القليل جدا جدا .. ونيفيز لم يجهز بعد الحصول على الدوري في السنوات الأخيرة اصبح يرتكز على نظام الدعسة الأولى .. اي الفوز في اول 5 مباريات .. وهذا ما حصل في الفتح والشباب والهلال الان ويسلي انتظم مع الهلال في معسكر النمسا .. ثم واصل تمارينه مع اولمبي الهلال .. وهو يتمرن بكل جدية .. ويسلي .. لعب في مركز صناعة اللعب في منتصف الموسم الماصي .. قدم مستوى مميز .. وهو المركز الذي يلعب له نيفيز .. ويسلي نعرفه عقرب ولاعب مفيد نيفيز ربما لو عاد فسيعود في الجولة الثالثة .. سيتدرج ولن يصل لكامل عافيته إلا في الجولة السادسة والله اعلم .. حينها سيكون الدولاي قد شارف على قفل ابوابه .. لكل ماتقدم .. اتقدم باقتراح تسجيل ويسلي بدلا عن اللاعب نيفيز في الدور الأول من بطولة الدوري .. اي إلى حين جاهزية نيفيز لا تنسون ان ويسلي حضر للهلال وهو هداف الدوري الروماني .. الدوري اللي يحتل المركز العاشر عالمياً . تتذكرون هالقول .. والله يبرد القلب : https://www.youtube.com/watch?v=cJHunCW-2WY هذا فقط مالدي .. شكرا لكم . |
يا أخوي ترى كل لاعب يلعب في مركز مختلف أظن أن مركز ويسلي شاغر من السالم وياسر والشمراني ونفيز مركزه غير |
ويسلي ماينفع أبد لاعب يلعب بدون روح والله تقول مغصوب على اللعب ،،،، |
ويسلي يتمرن لأنه محترف .. ولاكن من غير المفيد بقائه .. بل يتم بيعه لأحد الفرق .. والاستفاده من مبلغ بيعه |
لازلت اقول ان وضع نيفيز لازال غامض يعني ماندري ليه المركز الاعلامي ما يريحنا ويقولنا كم حدد طبيب النادي مده لرجوع نيفيز .. لان حسب ما قالو لنا انه اجتاز الفحص الطبي واصابته لن تعدو كونها بالكثير شهرين |
ماشاءالله خلصتو من الانتقادات صرتوا تقترحون ياخي حكم عقلك لو هو مصاب على قولتك ما هم دلوخ يدفعون فيه ٦ مليون يورو من جد مدري كيف تفكيركم لما شفتو الهلال ماشي م لقيتو فيه شي قلتو خلونا نقترح من جد شي يقهر |
نيفيز لم يلعب لعدم جاهزيتة بدنياً وليس صحياً 100% واتوقع مع بداية الدوري سيكون جاهز 100% وبخصوص ويسلي اعتقد هناك تناقض في رأيك لأنك تطالب بـ ويسلي لعدم لعب نيفيز 5 مباريات ودية ... طيب ويسلي لم يلعب ولم يتمرن بشكل مكثف مع المجموعه فكيف سيكون جاهز قبل نيفيز؟؟؟ بالتوفيق للزعيم |
نفيز شفي من اصابته ولكن لم يشارك في لقاء اليوم عشان تدرب تدريبات خفيفه اول مباراة بالموسم بشارك |
اقول كيف الحااااااااااااال |
ٱنـِا ضد القرار هذا ولا اتفق معك في كل شي ذكرته اول شي وسلي مو صانع لعب ثاني شي الموجودين من الاعبين السعوديين فيهم الخير والبركه وثالث شي اذا استبدلنا وسلي بتياقو راح يكون تياقو بعيد عن المباريات بالدور الاول كله وبالتالي عن اي جاهزيه تتكلم تقبل وحهة نظري |
إقتباس:
|
لكن ويسلي شايب مشكلة نيفيز انه من طينة التايب كثير اصابات |
إقتباس:
|
وش فيكم يا اخوان .. تراه مقترح اما ايدوه او اعترضوا عليه .. بدون تجريح |
مقترح غير مناسب لان هجوم الهلال ما يحتاج ويسلي عندك الشمراني و السالم و القحطاني يكفي بالتووووووفيق للملكي |
وتبي تحطم الشمراني اللي مسجل لك 9 اهداف في 8 مباريات !!! وش يضمن لي ان ويسلي يقدم اللي قدمه الشمراني !! ترا في نهاية الموسم الماضي كان عاله و اخر اهدافه بلنتيات .. |
نيفيز صحيا جاهز ومشكلته لياقيه وتقريبا اصبح جاهز مع بدايه الموسم يكون جاهز تماما وبالنسبة لوسلي لاعب منتهي فنيا تماما ولا ينفع لاسلوب وتكتيك سامي نهائيا واكثر ما دمر وسلي هو ارجاعه للعب صانع لعب وهو ما تسبب بإنتهاء الاعب وانت تطالب بتسجيله مكان نيفيز ويكون صانع لعب . بعدين تريد تسجيل وسلي بسبب ان نيفيز لم يدخل في التدريبات الجماعيه طيب نفس المشكله عند وسلي لم يلعب ولم يتمرن ولم يدخل في التدريبات التكتيكيه الجماعيه بل كان يتدرب وحيدا وهذ تناقض ثم ترغب بأن يبقى نيفيز معانا الى نهايه الفتره الاولى ونسجله في الفتره الثانيه ويبقى طول هالفتره بدون لعب مباريات فهذا تناقض أغرب نيقيز الان في ضل تميز الشلهوب عساه يحجز مكان في تشكيله سامي وللتنويه هذا الشي ممتاز جدا فالتنافس على الخانه هو المطلوب والمستفيد في الاخر الزعيم تحياتي |
إقتباس:
|
نيفيز سيكون جاهز للدوري وسيبدا بالعوده تدريجيا اضافه على ان مكانه غير شاغر ولن يتضرر الهلال من تغيبه ان لم يجهز وهذا مستبعد |
أشكرك على المقترح .. ولكن أخي العزيز مادام نيفيز تمرن تمرين جماعي فمدة عودته للملآعب قريبة بإذن الله .. + قريت خبر قبل فترة قريبة بأن المدرب سامي لايريد ويسلي .. تقبل إختلافي معك في الطرح فالاختلاف لايفسد للود قضية .. |
سبحان الله هالمنتدى بلاه الله مثل هالاشكال اللي تناقض نفسها لاهمها لامصلحة الهلال ولاشئ كل همها يعنني شوفوني انا فاهم كورة اكثر من سامي الجابر قمة التناقض يقول نفيز حتى الآن لم يلعب ويطالب بوسلي الذي أيضا لم يلعب اي مبارة:s5s: |
ياناس بدون تجريح الرجال أقترح اقتراح اللي يبغا يرد يرد سواء معه في رأيه أو اختلف معه بدون تجريح .. تحلو بخلق أشرف خلق الله محمد عليه افضل الصلاة واتم التسليم .. نحن هنا كلنا مسلمين وأخوة قبل كل شيء .. أتمنى ان ندع التجريح .. والمعذرة لصاحب الموضوع فنحن جميعا آسفين , بإذن الله لن يتكرر التجريح , وسوف نحاربه جميعا يدا واحدة .. |
مسآآآآآآآآآآآآآآآآآآآآآآآء الصبح بس |
شف يالغالي كلامك سليم نفز صانع لعب ومكانه حاليا الشلهوب يعني لو يلعب نفز شكل الشلهوب على الدكة ما علينا نرجع لوسلي بالنسبة لوسلي : لاعب ممتاز جدا ولكن لايرغب باللعب في السعودية والخليج يبي يسهر ويسكر على كيفة برومانيا ولا حد يقولة وين وجهك يعني لو استبدل بنفز راح يعلنا لانه مو راغب المنطقة الخليجية بعيشة الله المهم اقتراح طيب ولكن غير مجدي صحيح ترى نفز مقلب قووووووووي والله ياهو رااااح يعفس النادي عفس واذكرك غير تلاقي مواضيع مسدوحة بالمنتدى تقول ليه جبتولنا هالاعب المصاب ومدري وشو |
ياخي ويسلي لاعب جيد بس الهلال مو بحاجته ونيفيز لو مو جاهز ماكان دخل التمارين الجماعيه نيفيز مادخل التمارين الجماعيه الا وهوه جاهز .. انا اتنرفز من الاقتراحات الضعيفه الله يصبرنا بس على المنتقدين والاقتراحات الي مالها داعي |
تياغو بيلعب مباراة الشعله يوم السبت المقبل .......................................................... |
لااااا والف لاا ويسلي مهاجم وعندنا مهاجمين كثررر القائد القناص ياسر والزلزال ناصر والـF16 السالم بالاضافة ان نيفيز وسط ,, ويسلي سيء جدا حينما يلعب وسط وارجع الموسم الماضي زلاتكو خلاه يمكن اكثر من 10مباريات صانع لعب والنتيجة لا سرعة لا مهارة لا تمرير لاتحرك (سيء مفلت مدري انت يمكن شفت لاعب ثاني هذا فقد حينما يلعب وسط (وسط),,, لاكن ف الهجوم ويسلي ممتاز لاكن مانحتاجه ابد ف الهجوم خصوصا لو لعب بيلعب بدوون نفس دام هوة الموسم الماضي على اخرو كان يلعب بروح شبه الميتة اجل الحين كيف تباه يلعب ,,.... ولاعب حق اقوال مو حق صناعة لانه راح الوسط السنة الماضية واثبت فشله فذي الخانة |
هههههه... سؤال/ ظنك الهلال بيسوي اللي انت تبيه وهو دافع ٦ مليون يورو في نيفيز؟!! هههههه دور لك سالفه ثانيه تخرب على الهلال فيها يا مندس |
إقتباس:
|
إقتباس:
|
الكلام سامي واضح وضوح الشمس ويسلي وباقي الاجانب ليست في حساباته كمدرب ياليت نخلي سامي يشتغل براحته وحنا كجماهير علينا ندعم |
اختصر عليك الموضوع ويسلي ماينفع مع طريقة سامي |
احترم وجهة نظركك ولككن انا ضد الفكككره " |
ماينفع ويسلي .. مركززهه ليس صانع لعب .. لسنآ في حاجة لـ مهاجمممينن .. |
مع نفسك يا كاتب الموضوع وياليت تحتفظ بإقتراحات القايلة ذي لنفسك أو تكتبها في ورقة عشان تضحك عليها اليوم الثاني ههههههههه خل روحك رياضية.. أمزح معك بس اعتبر اللي قلته لك مقترح |
ضد هالاقتراح وبقوة بعد ... نيفيز غير عن وسلي ويختلفون بالمراكز ... يا ليت نخلي سامي يشتغل براحته ومن دون اقتراحات لانه ابخص بالفريق اكثر منا |
يعطيكك العافية على إبدأ رأيكك لكن أرى إن الفريق ماهو محتاج مهاجم ثاني لكن نحتاج صانع ألعاب من طينة نيفيز لأنه لايوجد لدينا إلا صانع لعب واحد وهو محمد الشلهوب ومستحيل تلعب فيه الموسم بأكمله أما ويسلي فهو مهاجم ثاني ورأس حربة مع إني أشوفه يجيد مركز المهاجم الثاني أكثر ورجوعه لإستلام الكورة الموسم الماضي لقلة وصول الكورة إليه لأن الموسم الماضي كان الفريق بشكل عام مترنح مرة فوق ومرة تحت ولم يوجد فيه لاعب صاحب مستوى ثابت ماعدا الشهراني حتى العابد ما أدى أداء ممتاز إلا من مباراة الإتحاد الدور الثاني وانت طالع وكل التوفيق للزعيم الملكي بأداء ونتائج وبعدها بإذن الله حصاد البطولات |
السلام عليكم لاحول ولاقوه الابالله انا قايلكم عندنا بالمنتدى 3000 مدرب بس رئيس نادي بعد جديده ذي اقول تشجيع الهلال واجب وطني على الشعب الهلالي تحياتاااااااتي |
معةاحترااامي لوجة نظرررك لا اووواافقك الرأي بتاتا البته لاهنت |
يَ رججال ........................................ |
لا عاد تقترح يا طيب ما قبلنا اقتراحك |
الله يصلحك تياقو أصغر من ويسلي وتياقو مركزة مهم ونحتاجة خلف ناصر أتوقع والله أعلم الشلهوب أساسي أول مباراه فالدوري وراح يلعب تياقو أخر الشوط الثاني ويشارك تدريجيآ تياقو لاعب مهم بما أن عندنا لاعبين أطراف مؤثرين وناصر أمامهم لابد تياقو خلف ناصر لجل تكون قوة الهلال مع الأطراف والعمق |
لآ اوافقكك آلرررأي تمآآمآ .. يعطيك آلعآآفية |
انا ضد الاقتراح ....اتمنى نيفيز يستمر :rose::rose: |
نفيز شفي من اصابته ولكن لم يشارك في لقاء اليوم عشان تدرب تدريبات خفيفه |
إقتباس:
1 - هدف على الفريق الروماني في النمسا 2- هدفين في كاظمه 3 - هدفين في العين 4 هدف على الوداد 1 + 2 + 2 + 1 = 6 s13s |
إقتباس:
اما الانتقال الى الدوري الروماني او البقاء مع الهلال و اكمال عقده |
مساك الله بالخير ، ويسلي من فتره مالعب أي مباره يعني محتاج كم جوله علشان يدخل جو المباريات فالأفضل إشراك نيفيز |
اللاعب اصبح حالياً جاهز بدنياً وفنياً وبإذن الله اول المشاركين في لقاء الشعلة الودي يوم السبت القآدم |
بالتوفيق لملكى الهلالى وبالتوفيق لكابتن سامى الجابر ماجد |
اعتقد بعض الجماهير عندهم مشكله غير ملم فنيا با الفريق ومع ذالك ماعنده مشكله يوجه انتقاده واقتراحاته كانه خبير كروي مشكله بعض الناس مالهم حل |
السلام عليكم لاحول ولا قوه الابالله حتى ابو كارولينا ما سلم منكم اح تشجيع الهلال واجب وطني على الامه والشعب الهلالي تحياتي |
انت اكيد تمزح اول شي نيفيز مركزة غير مركز ويسلي ويسلي مهاجم ونيفيز لاعب وسط تبي تستبدل لاعب وسط بمهاجم وعندنا ثلاث مهاجمين غير ويسلي الي تبي تجيبه ناصر الشمراني + يوسف السالم + ياسر القحطاني انا اتمنى من المشرفين اغلاق الموضوع لنه بصراحة ومع كامل احترامي لك اخوي موضوعك مايستاهل انك تنزلة |
لا تبدل ولا شئ يلعب الشلهوب لين يجهز نيفيز فالشلهوب افضل من ويسلي |
الله يهديك يالغالي وش جاب ويسلي عند نيفيز وبعدين ويسلي شايف نفسه ويلعب بدون روح |
يا خوي خله مصاب مو مشكله يغيب ثلاث اربع مبارايات ولمن يصير جاهز يلعب .. ولا يغيب نصف الدوري. ويسلي مرره اصرف النظر عنه حتى لو لعب الهلال موسم كامل بدون نيفيز. |
ويسلي خلاص باعوه حسب ما فهمت بآخر قراءة لي بالمنتدى نيفيز مهاري وسامي مريحه حتى يتأكد من شفائه التام وكلنا نعرفه بالتوفيق للكوتش سامي مهجد الخصوم . |
الهلال يبحث عن جاهزية نيفيز الكاملة اللي تحتاج مباراتين على الاقل تغير تكتيك فريق كامل على شان جولتين ؟! |
إقتباس:
رغم اني اختلف مع صاحب الموضوع بإقتراحه بس بعض الردود بصراحه تتجاوز حدود النقاش والادب احياناً لمجرد ان الاقتراح لم يعجبها !!!! |
الجهاز الفني قال نيفيز بيلعب اول مباراة بالدوري كفاية تشائم |
| الوقت المعتمد في المنتدى بتوقيت جرينتش +3.
الوقت الان » 07:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd