هلا بأبو راكان ..

الكوبليه الأول <~~ (يسمع بالكوبليهات ) ما يحتاج ..
رياضتنا للأسف تغيّرت الحقد والنجس والحسد صارت من أهم الرسالات اللي أخذناها من الكورة ..

أذكر بالتحديد متى جاء هالمرض عندنا وبالتحديد كاس آسيا 88 م للمنتخبات اللي بالدوحة .. أذكر أن بعض الربّع تناقزوا يوم ضيّع ماجد البنالتي قدام كوريا ! وأذكر بعضهم يقولون ليش النعيمة هو يشيل الكأس وش سوّى ! والكابتينية حرام له !

التعصّب عندنا سببه رؤساء الأندية بالمرتبة الأولى !
لا تقولي صحافة !
الصحافة موجودة من عام 1375 هـ بس رؤساء الأندية اللي يشحنون جماهيرهم ويشحنون لاعيبتهم قبل وبعد المباراة !

للأسف رياضتنا ما صارت رياضة ! وهدفها الأسمى ( زال ) والسبب وجود عقليات ( ترابية ) ..

الكوبليه الثاني <~~~
الرشوة نطقها صار سهل والاتهام بها صار أسهل أعوذ بالله !

شرحنا له أن حركة الهلال للاعبي الرائد مهيب رشوة وإنما هي تحفيز وإلا ليش ما قال علي دائي وجماعته في التصفيات المؤهلة لكأس العالم 2002 أن السعودية ( راشية ) البحرنيين!!

لا قالوا حفزوهم وما فيها أي شي !

اللي تكسبّه ألعبّه ..

بس مثل ما قلت كذبة كذبها كبيرهم وصدقها صغار عقلياتهم ..

أجل آخر تقليعاتهم أن الحلوي جايته رشوة من الهلال علشان يضيّع البنالتي قدّام القادسيّة !

يا ساتر ويا أخف نطق هاللفظة ويا كبر خطيئتها ..

حسبي الله عليهم ..

الكوبليه الثالث

أحس أنك ناكبن فريقك يتهيأ لي

أجل مبرطمين بخخخخخخخخخخخ

لا تلوم النصر عندنا

فكّر فيها وقارن بين كم رقى المنصّة الشلهوب اللي ميلاده 1400هـ وكم رقى المنصّة إبراهيم ماطر اللي ميلاده 1395 هـ !!

ماطر طوال تاريخه بالنصر رقى 3 مرات بتاريخه المديد .. يعني رقيه للمنصّات بالمنتخب أكثر

بينما الشلهوب الله يحفظه رقى للمنصّة بالهلال 9 مرات لا ولسّى ..

يحق لماطر أنه ما يبلع الشلهوب ..

والله كل ما شفت لاعيبة الهلال والنصر أشبههم بولدين ساكنين عند أبوهم <~~ أجل وين ظنك المهم واحد ٍ منهم مبيّض وجه أبوه وأبوه مدلعه ومقدّره وحاط له كلمة بالبيت وعند الناس وهذا هو ( لاعب الهلال ) والثاني دايماً هو وأبوه صجّة ولجّة وأبوه إذا شافه قال [ اللهم ّ أجرني في مصيبتي واخلفني خيراً منها ] .. ودايما ً منكّــس راس أبوه عند الناس ومفشله وهذا هو ( لاعب النصر ) ..


<~~~ عنده مباراة الأسبوع الجاي على كأس وودّه يقول لك تكملنا بس حاس أنك بتحوقها ..

شكراً أبو راكان على هالمقال ....

برايفت لواحد ٍ من اللي ردّوا قطـّع فيني أقول له اثقل لأكسرك ..