الهلال 2014 , سامي والخلطه السحريه + صور للتشكيلات الهلال ! الاحتياط يجيب الدوري ما شاء الله .. + تصاميم لطقم الفريق الموسم القادم - نادي الهلال السعودي - شبكة الزعيم

ابو شجاع الهلالي · #1 14/07/2013, 06:10 AM

مدخل ~

عآيشن شعبك بغربه .. فاقدينك يا وطن

مرحبا بكم معقل الزعماء

الشهر عليكم مبآركك ان شاء الله

انا انسآن ما اعرف بالمقدمات ابد ابد

بخش بالموضوع دغري

- هالسنه اقوى تشكيله للهلال فآخر 10 سنين بوجهة نظري

- احتياط الهلال هالسنه متأكد اذا لعبنا بهم كل الدوري اذا ما كنا الاول راح نكون الثآني

-ماشاء الله لاقوة الا بالله- وهذا هو اللي كان مسويه البلوي فالاتحاد ايام ما جابوا آسيا مرتين
كان الاحتياط اقوى من الاساسي

( خلطة سآمي السحريه )

فرآغي الطويل قلت استغله واسوي تصآميم لتشكيلة الهلال 2014

- والله فريقنا ذا الموسم قوي مره احس انه غش

- كآستيلو راح يكون افضل من رآدوي وااراهن على ذلك

- الكوري مدري وش آسمه عمره 31 و ماتوقع ان سآمي جايبه تكملة عدد سآمي ما يهرول عبث

- نيفيز معروف وما يحتآج اتكلم يكفي انه مثل البرازيل اكثر من مره
- هرماش كانت مشكلته اننا كنا نعتمد عليه محور متأخر وهذا اللي هو مايعرف له الحين ورآه الخال يريحه
- الميزه الاولى راح نفك العقم ف الضربات الزاويه بوجود كاستيلو والكوري وحسب مشاهدتي لهم يطيرون فوووق

- ميزه اخرى ممكن نسجل ف اي وقت بوجود مدفعجيآت ( نيفيز وهرماش ) يعني الفرق اللي تدافع ما تعوق ان شاء الله

-

الشآبين الجميلين اعلاه لو كانوا بمستويآتهم راح نجيب آسيا واتحدى على ذلك

------------------------------------------

لا لا لا ترى هذا الاحتياط مو الاساسي
ما شاء الله ما شاء الله

هذا الاحتياط يمدي يصير منتخب ترى

لو تضيف عليهم كم نفر

طبعا باقي عبدالله عطيف سعد الحارثي وسلطان الدعيع وعبدالعزيز العازمي وعبدالرحمن السعيد وفهد الشمري وعبدالرحمن الصانع عبدالله الدوسري والموقوف خالد شراحيلي , قايلكم قويين مرررره

------------------------------------------

الهلال 2014 بقيآدة ذا الفخم راح يعيد لنآ آسيا بمشيئة الله

تكفى تفكى يا ابو عبدالله نبيها

------------------------------------------

دقيقه دقيقه ما خلصت

باقي الاطقم اللي صممتها

انا صممتها وسمعت بعدها ان الطقم ما راح يكون اديداس

عايدي يعني اهم شيء رايكم فالتصميم بدون اديداس

اشتقنا للشورت الابيض

--------------------------------------------

الموضوع تعبت عليه بشكل ما تتصورونه

اذا اصبت فمن الله واذا اخطأت فمن نفسي والشيطان
كان معكم / سعود التميمي

تابعوني ف تويتر
توني فرخ صغير ما بعد صرت عصفور

SAUD_TTA@

--------------------------------------------

مخرج ~

احبك من سنة جدي لين سنةة الفين
واحبك من سنة الفين الين الله يرد جدي

zazo69 · #2 14/07/2013, 10:45 AM

يعطيك الف عافية
أعجبني رأيك في العابد و سالم و اؤيدك بشده
فعلاً متى استغل النجمين امكانياتهم الفنيه ''ما شاء الله'' اعتقد لا يقارعهم احد في آسيا
عدا عن ذلك اتوقع يوسف السالم و عبدالله عطيف راح يفرضون نفسهم بقوه و يزاحمون على التشكيله
و اتوقع ابدااااااااع بإذن الله خليفة النعيمه
عبدالله الحافظ
اللي راح ينسينا ان شاء الله الهفوات السابقه
و بالنسبه للاطقم اتحفظ عليها و متخوف منها خاصة عدم معرفة نوع و جودة الماركه الجديده!!!
ذكرونا بأيام ماركة شامل و الاكمام الفضفاضه ههههه

في المجمل كبير يا هلال

m-k-s · #3 14/07/2013, 10:55 AM

ياسلام ياسلام ياسلام

بصراحة شكر من أعماق قلبي على هالموضوع

وبالفعل متى ما اتسغل الجميع قدراته ولعب وفق خطط المدرب صدقني نجيب آسيا وغيرها من البطولات

وزي ما قلت اشتقنا للشورت الأبيض

ويسلي2013 · #4 14/07/2013, 10:57 AM

يعطيك الف عافيه خطه ولا أحلى

هلالي عاشق للبطولات · #5 14/07/2013, 11:04 AM

اوووف نار ي حبيبي نار

المهم نبي الحضور بمباراة الشباب نبي دعم من البدايه

يعطيك العافيه

الهلال وبس والباقي · #6 14/07/2013, 11:17 AM

تشكيلة ممتازه
لكن يكون يحي المسلم مكان الحافظ واتحداكم اذا ماكان نجم الموسم
بخصوص الاطقم فهي غير مهمه اهم شي اللعب والمستوى

الحب من الله · #7 14/07/2013, 11:24 AM

صرااااحه موضوعك بلحاله حريقه ياخي سبحان الله قريت الموضوع وتخيلت اسيا شايلها ياسر او الشلهوب
من جد ياخي تعبنا من مواضيع الاحباط والنقد نبي تفاؤل ودعم وتحفيز لنا كجمهور
قبل اللاعيبه ...
اما التشكيلات الله يعين سامي
احسه قبل اي مباره ماخذ ورقه وقلم ويكتب
تشكيله :

فايز السبيعي..لا السديري الشمري لازم ياخذ فرصه

الزوري .. المسلم لا المرشدي رجع مستواه ...الحافظ لا الكوري اكتملت لياقته ولا السعيد وجه شاب ..الشهراني البيشي راجع نفسه

كاستيلو لا هرماش... العازمي لا عطيف

العابد لا الفرج ... نيفيز لا ياسر ولا اقول الشلهوب ... سالم الدوسري لا عزوز

الشمراني لا السالم ياخي جهني كويس

هههههه الله يقويك ياكوتش المسؤوليه كبيره والاسماء اللي عندنا تدوخ

اخيرا ربي يسعدك وبالتوفيق للزعيم الملكي في قادم الايام..

يدا بيد من اجل الزعيم الملكي

ابومشاري الهلالي · #8 14/07/2013, 11:27 AM

موضوعك حلو وتصاميمك ماشاء الله وعرضك مشوق وخفيف دم
لاهنت يا بطل

dozo_ksa · #9 14/07/2013, 11:43 AM

ههههههههههههه .. صح عليييك وان شاء الله جميع البطولات ذي السنة هلالية

بن جبله المطيري · #10 14/07/2013, 11:58 AM

ياااخي رح علم المتشااائمين تكفى،،،

موضوع بطل ورااائع وفعلا ولله الحمد نملك فريقين كل واحد يقول الزود عندي،،،،،

ون شاء الله بطولات الموسم لن تفلت مننا،،،،

شبح15 · #11 14/07/2013, 12:05 PM

موضوعك يستحق التثبيت وهذا اللي حنا نبيه احتياط اقوى من الاساسي ماضيعنا الا الاصابات وماعندنا بديل صح تذكرت مباراتنا مع الاتحاد كاس الملك انهزمنا والكاميرا على احتياط الهلال مااشوف فيهم فاتح العين اللي يغير في الفريق ويرجع النتيجه لنا عموما اشكرك من اعماق قلبي وبالنسبه للتصاميم روعه اطقم الهلال السنوات الاخيره سيئه