إقتباس الرسالة الأصلية كتبت بواسطة الفقر شين يا ابومشاري ان شاء الله انا وانت متفقين على حب الزعيم وهدفنا ارتقائه لا شك وانا لن اقصيك مثل ما فعلت معي مرضنا وتعبنا وكدنا نبكي لولا شواربنا لبكينا لهزيمة الفريق. اخي الكريم اولا: لغة الاملاء والوصاية بقولك - لا اشوف - هي التي تستفز..فلا اقبلها من ابن مساعد عشان اقبلها من مشجع مثلك وانت على راسي اخي. ثانيا: منافي للعقل والمنطق ان توصينا بقبول اي لاعبين يتم التعاقد معهم...صحيح لن نغير شيء ولن يلتفت لنا بن مساعد ولكن من باب فش الخلق على ما يقولون لنا وجهة نظر ونرفض انصاف محترفين. ارجو انك تتقبل وجهة نضري والبعد عن العصبيه الي مالها داعي وهالكلام اوجهه لي قبلك. الله يوفقهم في لاعبين يبردون القلب .. نبي وقفه للزعيم تدق خشوم الكارهين وهو سبب غيرتنا الله يسلمك. انا اتأسف لو زليت لكن تمعن في اولا و ثانيا اعلاه.

حياك الله وبياك... والاسف مقبول وهو يدل على ثقتك في نفسك وأنا أحترمك ورأيك أعلاه واتأسف بدوري عن أي زلل.

1.لاوصايه ولا إملاء ... ولكن مونه على جمهور يشاركني المحبه وعندما اكتب اي موضوع فيعلم الله ان كأني اكتبه لاحباب اقبل منهم مونتهم ويقبلون مني مادامت في حدود الادب يسلم راسك.

2. فش الخلق شيء لابد منه وهالمنتدى مكان مناسب في مشاركه اخوانك في همومك الرياضيه وهو مطلوب.. لكن اللي اتحدث عنه هو تقصد استخراج العيوب والبحث عنها حتى في قوقل من قبل البعض وارفاق الفيديوهات والصور وووو حتى نكره اللاعب قبل يلعب.. ولو الاجنبي شاف انا كجمهور غير مقتنعين فيه فإعرف اناه ماراح يتحمس ابدا راتبه وعقده ساري ولن يهمه شي . وهالنقطه خصوصا ودي نتجنبها وبدلا منها خلنا نركز على الايجابيات وندعمها لانه صار موجود خلاص. ماودي اكثر عليك والا الامثله واجد.
اخيرا... حيا الله شواربك

إقتباس الرسالة الأصلية كتبت بواسطة جنون الهلآل - آلمشكله يَ آبو مشآري . . آنك مآرآح تسلم من آلبعض حتى لو جبت لآعب مميز فنياً . . لآزم يطلعون 100 عيب بعض آلجمآهير للأسف تنظر للجآنب آلسلبي بآللآعب . . و تترك آلآيجآبي مثل آللآعب آلعآجي زوكورآ آبو 32 سنه . . آعرف مستوآه وهو لآعب مميز وقآدر على آلعطآء لكن آلبعض ينظر لـ [ آلعمر ] فقط ! متنآسين آن هذآ آللآعب آبو 32 سنه [ آلشآيب على قولتهم ] لمآ يلعب هنآ رآح يكون آلآفضل لأن فآرق آلآمكآنيآت وآلخبره تصب في مصلحته . . لذلك لآيؤخذ ب آلعمر ! شكراً لك

االله يعين ياجنون الهلال ... انا ماهمني شخصيا الانتقاد او اطلع غلطان فعندي من الثقه ما يجعلني اعترف بخطأي ولا عندي والحمد لله عقد نقص. المهم ان نصل في الاخير للرأي الصواب من اي عضو.

وأتفق معك ان النظره السلبيه مشكله كبيره اصبحت تلازم الجمهور مؤخرا... والسبب هو كثر انتقاد الهلال في وسائل الاعلام وتكبير اخطاءه حتى تصبح كوارث ومناقشه ادق التفاصيل الفنيه والشخصيه (حتى عصا الرئيس) وتصوير الهلال بأن المفروض يكون كامل الاوصاف لانقص فيه خلق بيننا كجمهور وبين الاداره فجوه. فاصبحنا لاتقتنع بأي شيء بسهوله يعني لو جبنا بطولة الدوري قلنا لو ياسر الهداف والسديري احسن حارس وماتعادلنا مع نجران ووووو حتى ننسى اننا ابطال الدوري ههههههه شي غريب ....وتجد نسخ من هالكلام في منتديات الخصوم واقرب مثال.. كأس ولي العهد حقق فيه الهلال رقم اعجازي ست سنوات متتاليه اخرها امام النصر.... يعني المفروض الاحتفالات يسمع عنها القاصي والداني... تدري وش صار ؟؟ قال البعض ايه صح جبنا الكاس لكن بركلات الترجيح والحظ ووو حتى توقعت ان هالبطوله مثل كاس فيصل والا تنشيطيه... مع أنها أقوى البطولات بعد الدوري في العالم كله ويلعب فيها ال153 نادي. فهالنظره السلبيه والتشاؤميه جعلت انجازاتنا عاديه وانجازات الاخرين مميزه وقلبت الموازين حتى في البطولات ففيه من الجمهور من لو تخيره بين ولي العهد وكأس الابطال اختار الثانيه وهي الاضعف.

هذي مسئولية اداره المنتدى
والمفروض يكون فيها عقوبات صارمة

نبي لاعبين من طينة رادوي وطارق ونيفيز

إقتباس الرسالة الأصلية كتبت بواسطة mxo هذي مسئولية اداره المنتدى والمفروض يكون فيها عقوبات صارمة

والله ياليت يكون لهم وقفه ضد بعض الالفاظ الهجوميه الغير مبرره وملاحظه للمواضيع التي تهدف لشق الصف وبث التفرقه والتأليب على الكيان والقائمين عليه... مع ايماني بصعوبه الموضوع

إقتباس الرسالة الأصلية كتبت بواسطة Mgno0on m7a نبي لاعبين من طينة رادوي وطارق ونيفيز

أويلااااااااه يالتائب..... طارق لاعب استثنائي من طيبنه الثنيان وماردونا وباجيو وسبب حقدي على جريتس هو الاستغناء عنه... رادوي مع الاسف الاستغناء عنه سبب فراغ كبير لكن لا ننسى موقفه الرجولي بتجديد العقد ثم الانتقال حتى يظمن اكبر دخل ممكن للهلال ( مين يسويها من السعوديين؟؟).
نيفيز ... ان صدقت التوقعات وانه قادم للهلال فجاك يا مهنا ماتمنى.... لاحظ ان كل اللاعبين يحسبون للاداره الحاليه عسى الله يسدد رايهم ويسهل امورهم ويجيبون الافضل.

اتمني مايروح صبرنا هباء منثور
نصوم ونفطر على بصل مانبي

يكفينا تخبط السنه اللي راحت مانقان وهرماش وطقتهم

صدقت .. واجب علينا الدعم

جمهور الهلال في اخر موسمين عامل ضغط سلبي للغايه بعكس السابق

ارنولد:
إن شاء الله نهاية الصبر الفرج لكن لاتفكر في ميسي اهم شي

زعيم نصف الارض: تسلم يمينك وإضافتك حقيقه واقعه تكلم عنها كثير من اللاعبين والمثل يقول: ومن الحب ماقتل

الحمد لله... ثلاثه عرفناهم وباقي المدافع عسى الله يجعله افضل الاجانب لانه اهم مركز والحمد لله الرضا واضح من الجمهور والدعوات بالتوفيق تتوالى من كل المحبين.... هكذا نسكت اي اعلام مضاد لو شتموا لاعبينا يعرفون اننا لن نوافقهم ولن نؤيدهم.
الشكر لله ثم لمن اختار ودفع وتعاقد