السلام عليكم

بدون مقدمات ،،، استغربت كثيرا من تسريب خبر تدريب سامي الجابر للهلال قبل اهم مباراة في الموسم

تسريب الخبر اثر على الفريق في مباراة لخويا ،، وكلنا شفنا كيف كان زلاتكو متنرفز من أسئلة الصحفيين بخصوص هذا الموضوع

اذا كان مدرب الفريق مؤثر عليه هالخبر،، فمن الطبيعي ان التأثير ينتقل للاعبين

كان المفروض من الادارة انها تتكتم على الموضوع وتشجع زلاتكو وتقول للاعلام انه راح يستمر حتى لو كان الادارة مالها نية باستمراره لكن من باب منع التأثير على الفريق في نهاية الموسم

تخيلوا بعد مباراة العين اللي كسبنا فيها مستوى ونتيجة وضمنا التأهل بعدها صرحت الادارة انها ربما تقيل المدرب بعد نهاية الموسم !!!! انت كذا احبطت المدرب وخليته له عذر في حال الاخفاق

المفترض ان تعلن الادارة عن مخططاتها بعد نهاية الموسم

لكن يبدو ان الادارة تسرب الاخبار للصحفيين والمقربين وهذا الشيء غلط ،، لانه الاعلام المضاد دائما يحارب الهلال ويحاول زعزة استقراراه والاندية ايضا تريد تخريب صفقات الهلال او على الاقل رفع الاسعار في الصفقات اللي يريدها الهلال

على العموم اتمنى من الادارة انها تتعلم من الدرس وما نلقى بعدين بتال والعجمة واشكالهم معلنين في القنوات اخبار مدربين او لاعبين قبل مباريات الحسم لأن كلنا نعرف نواياهم واهدافهم وللاسف حققنا لهم مبتغاهم وخرج الهلال

هذا كل اللي عندي واتمنى وصلت الفكرة وشكرا

الادارة هي من سربت خبر تدريب سامي للفريق بعد مباراة الذهاب
لإشغال الجماهير عن الخروج المتوقع
صدق إنكم من الطيبين

اعتقد الخادمات او يمكن السواق هو من يسرب كل ماهو هلالي وهم من افشل صفقات الهلال سواء من مدربين أو لاعبين والشق اكبر من الرقعه والخبث الكوري غير موجود في نادي الهلال لذا القادم اسوء

موضوع بالصميم صراحه اهنيك على موضوعك
اتوقع حارس النادي وهو اللي سرب الموضوع
الله يهديك بس

الادارة هي من سربت خبر تدريب سامي للفريق بعد مباراة الذهاب
لإشغال الجماهير عن الخروج المتوقع
صدق إنكم من الطيبين

الله يووفق الزعيم في قاااااااادم الاياااااام......

يا رجال التسريب بالنادي ولا احسن سباك يقدر عليه

اللي سرابه اعلام يكره الهلال مسؤولين يخبرونهم كل شي
وهم ع نياتهم اليوم الواحد همه السبق حتى بعض الهلاليين مع الاسف الحقيقه مره فعلا

ي عزيزي الهلال هالموسم هيبه راحت من كل شي

الادارة متحطمةة وصارت تشتغل بدون نفس ، من بعد خروج سامي من النادي الادارة اثبتت فشلها !
نحبك يابو فيصل لكن هذي الحقيقة واخر موسمين الصراحة الشغل بدون نفس لا من اجانب ولا مدربين
ولاحتى مشاكل النادي ، وقصة حسن العتيبي الي ماتدخلتو فيها وحليتو المشكلة بين اللاعب والمدرب النكبة ،
ابو فيصل اذا بتستمر ماعندنا مشكلة ندعمك لكن تكفى نبي يرجع حماسك ! اكتب هالكلام ومتاكد ان الادارة ماراح تقرا كلامنا لكن وش نسوي !