؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سامي هو الرجل المناسب واذا كان ماقرأته حقيقيا عن الطاقم الفني الكبير فهذه اول خطوة للنجاح سامي يرغب بالنجاح ولديه قدرة على تحمل الضغوط ومعرفه للكرة في السعودية والخليج واسيا وكيف يتعامل فيها
أنا مع أن يتم التوقيع مع سامي لمدة 3 سنوات يحاسب بعدها ويعطى كل الفرصه والدعم الذي حظي بهم غيرتس
اما بخصوص المباريات الكبيره سامي قاد الفريق بعد انهيار الفريق موسم كالديرون وقاده بعده دول وقدم مستوى واعاد قليلا من البريق
سامي ذكي ويعرف مايريد ومايريده الان النجاح
واكبر دليل ماقرانا ان الجهاز الفني بالكامل اجنبي وعلى مستوى عالي مدربين لياقه مساعدي مدرب مدرب حراس وأن سامي بالفعل بدا في مفاوضة يحيى الشهري واعطى الادارة ملف يحتوي على خياراته في اللاعبين الاجانب
سامي أحق أن يدعم ويعطى الفرصه ويصبر عليه
مللنا من مدربين اجانب لا يعملون يكلفون مبالغ طائله وعند تألقهم يتحولون الى هواه لايحترمون العقود ويذهبون لاي نادي يعطيهم زياده
غيرتس ,ميلوفان ,فوساتي,فيتزبرغر وكثير من الامثله
لايوجد فريق يكتسح الجميع طول الوقت لابد وان يمر بمراحل هبوط ولكن يجب العمل والصبر وعدم الاستعجال على النتائج
الان راحه للفريق واعادة ترتيب الاوراق ورسم خطه مستقبيله تمتد لاكثر من موسم
............
من يقول انا غوارديولا لم يستلم برشلونه الا بعد استلامه الفريق الرديف
في اوروبا التطور سريع وكل موسم افضل من سابقه ميزانيات جباره ومنافسين شرسين
لكن هنا كل موسم اقل من الموسم السابق وسامي جيله افضل فنيا من الاجيال الحاليه عنده القدره لاعاده قطار الهلال على السكه من جديد يحتاج صبر ودعم وعدم تسرع


مشكلة الجمهور الهلالي
دائما متسرع لايرضيه العجب هرماش والعربي صغار في السن وكلنا راينا هرماش منتصف الموسم الثاني مع الفريق بدا بالابداع والانسجام على الرغم من انخفاض مستوى المحليين وتغيير المدربين
في الخليج من الصعب الحصول على لاعب مميز ونجم لانه حتى وان اغريته بالمال لن يعطيك وسيتعالى عليك او سيرحل عنك سريعا مثل نيفيز
الحل الحصول على لاعبين مميزين صغار بالسن تم تأسيسهم في اوروبا يقضون مع الفريق اكثر من موسم انظروا لكريستيانو من مبلغ لم يتجاوز 500 الف يورو الى لاعب باكثر من 96 مليون وكلنا نذكر كيف كان مميزا حتى قبل ان يباع
اصبروا وفكروا بذكاء ادعموا الفريق لاتصبحوا متطلبين لايرضيكم اي شيء اذا استمر الوضع لن يصبر اي لاعب او مدرب او رئيس على الوضع وسيرحل وحينها يخسر الكيان......

العاطفة !!!!

الادارة تلعب على وتر العاطفة لدى الجماهير...


يعني تعترضووووون على مدرب قدير وصاحب cv مميز عشان سامي يدرب؟؟؟


الله يعين بس

يا أخي حتى في أوروبا الحرس القديم بدا يترك الساحة
وين فيرغسون وكابيلو وليبي وترابتوني
والاندية الكبيرة بدأت بإعطاء الشباب فرصة
احنا لنا موسمين ننظر القدير صاحب السي في
يعني جا غيرتس ولقي دعم لو لقيه حسن خليفه اخذ كاس اسيا بهجر واخرتها سحب علينا وراح للمغرب مع انه السي في حقه مايختلف عن السي في تبع كومباوريه جا دول والكل سباك سباك مع انه انظلم جا لفريق بعد اطول موسم وبعدها نص النجوم بمعسكر المنتخب والاجانب رايحين والكل بدا يطالب بابعاده مع انه خسر قدام الشباب بطل الدوري في الموسم اللي جاي جاهز ومامر بالظروف اللي مر فيها الهلال .
بعدين مين المدرب القدير اللي عنده طموح ورغبه وحظه سيء يترك اوروبا ويجي لدولة دوري واعلام وحاله واخرتها يلعب في ملعب كانه حوش مدرسه واخرتها نجم الفريق اللي لسى موقع باكثر من 20 مليون يعني بمبلغ مثل مبلغ لاعبين في دوريات كبيره بااوربا مايعرف يستلم ويتحرك في الملعب لا ويغيب عن التمرين رايح البحرين وان جا بيجي مواصل
يااخي كلامي مو عاطفي كلامي واقعي لازم نشوف الواقع مثل ماهو ونتقبله عشان نقدر نغيره ممكن تجيب لاعبين اجانب واي مدرب وتاخذ الدوري لكن انا كمشجع ايش استفدت لعب كانه تقسيمه في حاره واذا رحنا برا نكتشف اننا اندية حواري ونخدع انفسنا
اعطي سامي فرصه مو لانه افضل مدرب في العالم
لكن مايقل عن زلاتكو وبالعكس فاهم كل النواحي بحياة اللاعبين وعارف نظام البلد والاهم من هذا انه انسان عنده طموح عارف ايش ابغى وعارف الصعوبات اللي بتواجهني وهذي نقطه ايجابيه له ترجح كفة عن المدرب الاجني اللي اصلا جاي تجربة مو عارف اي شي .
الاندية الكورية لاعبينها الاجانب عطاء فني داخل الملعب مو اسم وكشخه وكم دفعت فيه شوف العين الاماراتي جيان واضرب واطرح ومدرب قدير والاعلام عندهم شغال عموري بيروح برشلونه هههههه ومن دور المجموعات طلع ومافاز خارج ارضه ولا تعادل واخر مباراه على ارضه وهزم
على النقيض الاندية الكوريه مدرب وطني لاعبين اجانب داخل الملعب مؤثر مو بالاعلام وبكم جايبينه وميزانية الفريق كامل مع انه شركة ماتتجاوز ثلثي ميزانية انديتنا الكبيره ( اعلام والقاب وطقطقة جماهير) لكن في الملعب الكبير اللي اشتغل وعنده طموح وطور من نفسه مو الكبير اللي جاي يقول جايب لاعب ب 9 مليون يورو

العاطفة أننا نشوف مشكلتنا بس مدرب لازم يكون اسم ونسينا ان الكورة عمل على ارض الملعب مو لعبة مونوبولي انا دفعت وانا مدربي اسم ولازم افوز اللي يبغى يشوف اولسان كيف فاز ومين لاعبيه الاجانب ومين مدربه
فريق جلس شهر كامل يتابع خصمه ويقيم محاضرات للاعبين ويحفظهم طريقة لعب الخصم يستحق الاشاده ويستحق ان يذل خصمه ب 4 وعلى ارض خصمه
واحنا اعدادنا جرايد واعلام وحملات جماهير وتذاكر مجانيه
هذا الفرق بين العاطفه والمنطق
والمنطق دايما يفرض نفسه .
الكره السعودية دمرها اشخاص كان تفكيرهم ان المشكله بس في المدرب مع ان كان فيه ترسانة نجوم ومواهب لكن دمرهم فكر تغيير المدربين ومافيه اكبر من كارلوس البيرتو ياخذ كاس العالم ويجي اخر شي يطرد ويحطوا مدرب وطني عشان يتعادل مع جنوب افريقيا لانهم زعلانين اننا انهزمنا من فرنسا 4-0 مع ان البرازيل هزمت 3-0 وعلى نهائي كاس العالم بس شوف الفرق احنا جينا 2002 اكلنا 8-0 والبرازيل جت اخذت الكاس مع اننا قبل 4 سنوات هزمنا من نفس المنتخب والفارق هدف واحد .

انت سوي الصح واللي يصير عقبها يصير..

جيب مدرب عليه الكلام واذا مانجح وقتها نقول الله ماوفقه..

اما تجيبلي افضل لاعب بتاريخ الهلال وتخليه مدرب لا وتقول بينجح وبيسوي,
فريق خرااااافي!!!

لاياحبيبي مارادونا اللي هو مارادونا مانجح يعني مو شرط سامي ينجح

يا رجال يا شين الهرج اللي ما له سنع

جوارديولا صنع فريق دمر جبابرة التدريب في أوروبا وهو أول سنة تدرييييييييييييييييييييييييب

وما شاء الله عليك يا قارئ الكف أنت، ليش سامي لن ينجح لن ينجح!!!

جب له 4 أجانب لهم ثقلهم في الملعب وبعدين تعال حاسبه

يا حبيبي سامي بينجح بإذن الله لأنه يهمه الفريق ولاهوب جاي عشان الفلوس

مثل ما يسوي بعض المدربين

وبصريح العبارة، لو أني مدرب جاي أجمع لي قرشين في السعودية، بأشوف الجمهور من يبغى وألعبه.. يبغون ياسر بألعب ياسر وهو في أسوأ مستوياته.. يبغون الشلهوب وهو اللي فقد السرعة اللي كان يعوض بها الفارق الجسماني بألعب الشلهوب

تتوقع لو استمر ياسر مثلاً ع هذا المستوى السيء والتبطح بيحلم بفرصة اللعب أساسي مع سامي؟!! مستحييييييل

لست مع فكرة التعاقد مع سامي كمدرب ومامطالبات بعض الجماهير بهذا إلا عبث بتاريخ
وليتها لو أخفق تتحمل مسؤلية مطالبها وإختيارها بل تتجرد من وتلقي باللائمه على إدارة
النادي ولم تبحث عن مدرب ذو سيره ناجحه هذا الديدن عايشناه وشاهدناه ولانحتاج لمن
يقول وقال فلان

إقتباس سامي لن يستطيع عمل ذلك ببساطة لأن خبرته في التدريب, بسيطة!!

عفواً، خبرة سامي في التدريب ليست بسيطة! بل معدومة!!
وسيأتيك شاكلة من اعترض على المدربين في الفترة الماضية أمثال كومبواريه ودول بحجة أنهم لا يمتلكون سيرة ذاتية مقنعة! بل إنهم جزموا بفشلهم حتى قبل أن يبدأ الموسم.
وهاهم الآن يطالبون بسامي الجابر كمدرب لزعيم آسيا وهو لا يمتلك من الخبرة أي شيء يشفع له أن يجتاز معاييرهم هههههههههههههه اللهم الطف بعقولنا!

إقتباس الرسالة الأصلية كتبت بواسطة أبوسعـد عفواً، خبرة سامي في التدريب ليست بسيطة! بل معدومة!! وسيأتيك شاكلة من اعترض على المدربين في الفترة الماضية أمثال كومبواريه ودول بحجة أنهم لا يمتلكون سيرة ذاتية مقنعة! بل إنهم جزموا بفشلهم حتى قبل أن يبدأ الموسم. وهاهم الآن يطالبون بسامي الجابر كمدرب لزعيم آسيا وهو لا يمتلك من الخبرة أي شيء يشفع له أن يجتاز معاييرهم هههههههههههههه اللهم الطف بعقولنا!

هههههههههههههههههههههههه هيا تصدق وتآمن بالله؟؟ كتبت ان خبرته صفر, ومسحتها
بس قلت خليني ازبطها شوي وكتبت بسيطة هههههههههه

لله درك ياتشينو اتفق معك في كل ما كتبته
أنا ما ادري هل المعترضين على تدريب سامي للنادي خايفين على الفريق ولا على سامي !! اذا على الفريق تطمنوا ماراح تخافون عليه اكثر من سامي اللي ياما شفنا دموعه سواء كان لاعب او إداري ولو حس ان السالفه فيها مغامرة صدقني ماراح يرضى انه يقبل مهمة التدريب في نادي الهلال بل بالعكس هو يشوف انه عارف وش مشكلة الفريق وايش احتياجاته وانا بيني وبينكم اثق في سامي كثير وفي فكره وفي حبه للنادي ثانيا اللي يقول خايف على سامي انه ماينجح !! ياعيني ياحنين وش احساس الأمومة هذا اللي انزرع فيك فجأه ، ياأخي الرجال عارف يخطط لمستقبله اكثر مني ومنك وماراح يجازف بتاريخه وجمهوره اذا مو واثق من امكانياته مو احنا اللي نحكم عنده خبره ولاماعنده ياخي كل المدربين واللاعبين اللي تعاملوا مع سامي قالوا ان راح يكون له اسم كبير في عالم التدريب وراهنوا على نجاحه لأنهم عارفين امكانياته اكثر مني ومنك ، أخيرا في حال أصبح سامي مدربا اتمنى من الجميع دعمه والوقوف معه لاني اتوقع ان فيه كثير راح يتمنى انه ماينجح عشان يقول شفتوا ان كلامي صحيح ؟! الله يوفق الهلال ويكتب له الخير.

أوافقك بكل كلمة
للأسف تغلب العاطفة البعض ومن الحب ماقتل
الإدارة فكر وليست أشخاص وللأسف الفكر الإداري منذ سنوات لايناسب نادي كالهلال
المجلس الشرفي في أضعف حالاته منذ تأسس الهلال ويجب ان يطاله التصحيح فلابد ان يكون اقوى من الإدارة فكراً وإدارةً ومال
الإستفادة من رجال الهلال المخلصين بمايتناسب مع ابداعاتهم فالدعيع محمد والثنيان يوسف قديكونون الأنسب لتدريب براعم الهلال على المهارات وليس على التكتيك
وغيرهم كثير طالهم التهميش الإداري بتعمد إختزال الهلال في ثلاثة اشخاص ( بن مساعد اخوان وسامي )
يعطيك العافية أخي الكريم

اهنك فئة ممن يكتبون في هذا المنتدى يكتبون على طريقة خالف تعرف
..
هل الهلال مكان يسمح فيه بالتجربة لتوماس دول وهاسيك وكمبواريه وزلاتكو
وليس فيه أفساح المجال لأبن النادي لتقديم مالديه وهوالأقرب للنجاح من هؤلاء

سامي هو رجل المرحلة ونجاحه يسجل للهلال وفشله لاسمح الله لن يضرالهلال شيئاً
فالسنوات العجاف مع المدربين الأربعة سواء في الموسم أوأسيا أسوأ من تجربة سامي

والله كلام سليم وبالصميم.��

إقتباس الرسالة الأصلية كتبت بواسطة عبدالكريم ع ج اهنك فئة ممن يكتبون في هذا المنتدى يكتبون على طريقة خالف تعرف .. هل الهلال مكان يسمح فيه بالتجربة لتوماس دول وهاسيك وكمبواريه وزلاتكو وليس فيه أفساح المجال لأبن النادي لتقديم مالديه وهوالأقرب للنجاح من هؤلاء سامي هو رجل المرحلة ونجاحه يسجل للهلال وفشله لاسمح الله لن يضرالهلال شيئاً فالسنوات العجاف مع المدربين الأربعة سواء في الموسم أوأسيا أسوأ من تجربة سامي

خالف تعرف ايش الله يرضى عليك

ماهمني احد ترى

وعشان الادارة خبصت وجابت مدربين اي كلام خلاص نجرب سامي,
ماهيكون اسوأ من اللي قبله؟؟؟؟؟؟؟؟



ياحبيبي كفاية عبث ماهو وقت تجريب,,

الهلال لازم من بكرة يشتغل صح ويجيب افضل المدربين واعرقهم,
وافضل اللاعبين وأميزهم..



خلااااااااااااااااااااااااااااااص كفاية تخبييييص