واضح ان حلقاتك ما تهتم في مستوى الفريق بشكل عام

تركت نامي والمرشدي اسواء المدافعين في الهلال تركت الغنام اكثر اللاعبين اصابات

وهو محسوب على عدد اللاعبين في الفريق .. تركت القرني وهو اذا لعب ولا كآنه موجود

ولا ياثر في مستوى الفريق .... واتجهت لنجم داخل الملعب بتمريراته وبلعبه وكراته

انتقد لما فيه مصلحة الفريق على حد قولك بشكل عام وليس بشكل خاص

نامي المرشدي الغنام القرني .. الهلال اكبر منهم وبمستوياتهم واضافة للحارثي الكبير في السن

اربع لاعبين محسوبين من عدد اللاعبين في التشكيله لو جاء افضل منهم لكان الهلال افضل من هذا الحال

تحياتي لك

الله يهديك
تركت اكثر من عشر لاعبين ولا لعبوا مباراة بالموسم
و جيت على الشلهوب تنتقدة
كلامك عن الشهوب معناة يا انك ما تفهم كورة او انك تبي تلعب مكانة
اقول الشهوب احسن من اغلب لعيبة الوسط
من سالم و نواف و الفرج و حتى عزوز
اقول خلي عنك كثر الكلام عندنا مباراة مهمة محتاجة الي التكاتف
و كلامك مالة داعي الحين ولا بعدين
شباب خلوكم مع الفريق بكل الاعبين وومع نهاية الموسم كل واحد يقول راية
بس الحين و عندنا مباراة مهمة يوم الثلاثاء كل نقد يكون غير مقبول
سبحان الله وبحمدة سبحان ربي العظيم

،،


أختلف معك و بشدة حول ما تقول و محمد الشلهوب كان لاعب مهم هذا الموسم
بل مؤثر و لكن المستوى الهابط كان للفريق كله و ليس فقط على محمد الشلهوب
أما بخصوص الإشتراك و الإلتحامات التي لا يستطيع فعلها محمد الشلهوب الآن
فهي كانت موجوده منذ أن ظهر محمد الشلهوب في الملاعب .. محمد لاعب يمتاز
بالذكاء و التحرك الممتاز و صناعة اللعب التي نفتقدها في الهلال و أيضاً بالمهارة
الفردية .. محمد هو محرك الهلال فهو يعود لإستلام الكرة كثيراً و صحيح مثل ما
ذكرت أن الكرة تبحث عنه لأن بكل بساطة يرجع يستلم ويوزع كور بنص الملعب
بعدين كبر السن ماهو مشكلة هذا اللاعب الإنجليزي "راين جيجز" ما زال يلعب في
فريق مانشستر و هو يتعدى عمر محمد الشلهوب !! .. أنا أخالفك الرأي و بشدة
تركت أسوأ لاعب في الهلال "ماجد المرشدي" و من بعده نامي و الحارثي و اخترت
الأسطورة محمد الشلهوب !! .. عجبي منك أخي الكريم !

والله احسك مندس وحاقد على الشلهوب كل سنة تكتب عنه
شفت وش سوا بنهائي كاس ولي العهد
والله بعد عودته عاد جزء من مستوى الهلال
لاغيرونك مثل المشجعين ذولي ياشلهوب
استمر فنحن معك قلبا وقالبا
وانت يبو الحلقات تركت المسلم والفرج والبيشي ومبارك البيشي والكوري ونامي وباقي الشلة وجيت لاسطورة الهلال
ناقص حلقتك القادمة تكون عن ياسر والي بعدها عن سالم والي بعدها عن العابد

إقتباس الرسالة الأصلية كتبت بواسطة الــشــعــلان كل من يرى الناس بعين طبعه ., ف يمكن انت تلاحقة وتتصور معاه اما انا ف ماتصورت مع اللي اكبر مع احترامي الكامل لشخصه اما تبيني احترم وجهة نظره ., اوك بحترمها اذا كان يتكلم ف واقع نشوفة اما يختفي لي كل مباريات الهلال بعد كومبوارية واللي كان نجمها الشلهوب ويجيني ع الاخويا يتفلسف وتبيني اقدر فلسفته ,!! لا انا ولا الجمهور الهلالي بـ يقدرون زي ما عينك ما تشوف بالتعليقات شكرااا يا اللي اغلب اللاعين ماعندهم ما عند جدتك

ياليتني والله اعرف كاتب الموضوع والله بتصور معاه ولي الشرف هههههههههههههه على الأقل أفضل من اني اتصور مع الشتالي والشنيف لمجرد انهم يطلعون في التي في بس بغض النظر عن كلامهم !!!


ياحبيبي اي مباريات الي بعد ولي العهد كان نجمها الشلهوب خاف ربك يارجل روح شوف مباراتين الاتحاد وذهاب واياب وشوف تمريرات محمد الكوارثية الي كانت تقضي على الهلال في اكثر من مرة

انتوا مشكلتكم تقيمون لاعب في مباراة ولا مبارتين اقسم بالله ان محمد الشلهوب غير قادر على لعب مباراة كاملة وهذا الي انا معترض عليه محمد بالكثير يعطيك شوط او اقل فقط لاغير اكثر من كذا اعتبر المدرب يظلمه


وصدقني اذا انت ماغيرت رايك في محمد الشلهوب هذه السنة وانه ماينفع الا شوط واحد فقط او اقل فصدقني السنة الجاية راح تطالبه بالاعتزال وراح تشوف

أراهنك عن الي تبغاه المدرب الجديد ماراح يلعب محمد الشلهوب ويعطيه فرصة في الهلال طوال فترة المباراة كما يفعل زالاتكو الا اذا كان المدرب هو سامي الجابر ممكن يكون في مجاملة ولكن لا اعتقد سامي يغامر بتاريخه هو اذكى من ذلك

بالنسبة لاخوي الناقد هو ترى يطالب الشلهوب بالاعتزال من حبه لمحمد الشلهوب الا تعرف المثل الذي يقلو من الحب ماقتل انتوا بمحبتكم لمحمد راح تكرهون الجمهور فيه وراح تركرهوه انتهم بعد

كاتب الموضوع يطالب محمد بالاعتزال عشان تبقى محبته في قلبو الجماهير ما نبغاه يكون صورة كربونية مثل محمد الدعيع ومحمد نور الي ما اعتزلوا الا يوم اجبروا على هذا


أخيرا اقول لك احترم راي الآخرين عشان الناس تحترمك روح شوف الموضوع فيه 142 لايك وهذا يدل فعلا ان الجمهور ضد الكاتب اين انتي ياحمرة الخجل


بخصوص الي ماعندهم ماعند جدتي هؤلاء الاعلاميين ماهو اللاعبين

إعلاميين ابوجل الي اربأ بك ان تكون مثلهم


اكبر دليل إن الإعلاميين أغلب كلامهم وتقييمهم قائم على المصالح وكسب ود الجمهور روح شوف وش قالوا على محمد نور بالاجماع تقريبا انه قادر على العطاء لاعب عمره 38 سنة وبالكاد يجري وكل الكور تقطع منه لاعب منتهي ويقلك قادر على العطاء لسنتين يعني الى ان يصبح عمره 40 سنة عمرك شفت جهل ونفاق اكثر من هذا


يارجل سامي الجابر ماسواها يسويها نور يلعب لحد 40 خافوا الله فينا

هههههههههههههههههه ههههههههههههههه صدقني الشلهوب من افضل 3صناع لعب في الخليج

الناقد الصريح متخخخخلف !!

وقفت ع الشلههوب !!

مافرحك بكاس ولي العهد ولا الجحد طبعك !!

الاداره لو تشوف حل مع حلقاتك افضل

موضوع جميل ومفيد جداً وأتفق معك في أغلب ما كتبت

بارك الله فيك ولا تحرمنا من حلقاتك القادمة

اصبت في ما ذكرته اخي الكريم وان شالله الادارة تضع ذلك في الحسبان لمصلحة زعيمنا

حلوة كلامك صح بنسبة 99% والواحد في المية خليته علشان نقول انك ما تمدح نفسك
اخر شي توقعته واحد يطالب الشلهوب بالاعتزال وهو صانع الالعاب في الفريق
احنا عندنا اكثر من اسم في الوسط بس مافي واحد منهم يصنع الهجمات مثل محمد الشلهوب

وعليكم السلام ورحمة الله وبركاته
بس تبي الشلهوب يعتزل بس وش رأيك يعتزل الفريق كله أزين
خلوا المواضيع اللي زي كذا بعد مباراتنا المهمة مع لخويا الحين خنفكر بالمباراة الجاية اول بعدين نفكر بالموسم الجاي !!

إلا الشلهوب ....


عاطفيون!!!!!؟؟ ..،

:نعم

فلم يجمعنا هنا سوى العاطفة ... تشجيع الهلال

روح الهلال..وعشقه

واكبر مثال ورمز لكل هذا هو الشلهوب الذي نشعر جميعنا بلا استثناء بحب الهلال الذي يسري في عروقه..

احتراما لهذه الروح وهذا الهلالي حتى النخاع

نخجل ان نضع الشلهوب تحت مقصلة النقد والتحليل الفني .. أو نطالبه بالاعتزال..

لأنه كرس حياته منذ كان طفلا ... للهلال..

اكثر منا جميعا

..

ابو بندر دفع مهر هلاليته... حب.. وعطاء.. وجهد...وتضحيات.. ودمع..

وله الحق ان يقرر متى يتنازل عن مكانته في قلب الهلال.. ونثق انه سيختار مافيه مصلحة الهلال.



...

احترم وجهة نظرك

لكنني للاسف ..

عاطفي.

...

فنيا.. الشلهوب مهم ومفيد للفريق حتى لو تواجد بالتمارين فقط... ولا زال قادرا على العطاء من ناحية العمر
أي فريق بحاجة إلى لاعب بمواصفات خاصة يستطيع ان يأتي بحل إبداعي في لحظة ما من المباراة ... وهذه ميزة لا توجد إلا في قلة نادرة في ملاعبنا ... من أولهم ... الشلهوب..

..

آتمنى من الي تآبعو ، الشلهوب ، وخصوصآ كاس الملكك الذهاب والاياب مع الاتحاد

لم يقدم أي شي يذكر

كل لاعبين الاتحاد حتى ظهيرهم ، يآخذ الكور ويروحح للشلهوب ويسحب فيهه ويمشى

الشلهوب اصبح نقطة ضعف وآضحةة

اتمنى العاطفهه ماتاخذكم شوي وصدق صآحب الموضوعع

الله يوفق الشلهوب وان شاء الله اذا مانوى الاعتزال نشوفهه يقدم شي يذكر ولا يدعع الفرصهه

لغيرهه