12/05/2003, 01:32 PM
|
موقوف | | تاريخ التسجيل: 14/03/2003 المكان: الهلال
مشاركات: 64
| |
قصيدة بمناسبة خروج الهلال من المربع.... الشاعرة((بدريه العطالله السعيد))
وش عاد لو قالوا خسرت المربع
وش عاد لو قالوا وقالوا لك بعيد
كم من بطوله وأنت فيها تربع
كم كأس شلته بلحظة كنها العيد
ما للبطوله ذوق أولون يطبع
لون السما لونك وضوك لها يقيد
الله معك وبكل زين تطبع
تلعب ونطرب لك بالفن تجديد
ولالا يهمك لو خسرت خمس او اربع
جلمود صخر تدفع الموج وتزيد
للعزم وألأصرار ياهلال منبع
منك ارتوى سهل ووطى وعالي الحيد
خل نظرتك قدام ولالا تتبع
علاقتك بالكاس مجد وتمجيد
انت الغني عن كل حرف ومطبع
وفيك الأدارة دوم وتشيد
نرفع لك اليمنى وتشهد بالاصبع
أنك زعيم ولا تخون المواعيد
يا هلال لك مني تحيات تنبع
عن خافق يعشقك من دون تحديد
_____________________________________________________________ |