1. السلام عليكم ورحمة الله وبركته
2. ياشباب هدو اعصابكم وفكرو بعقل واتركو العاطفه .. التسلل ليس لخليل جلال ذنب فيه ف هناك حكم رايه .. البلنتي لو لم تكن تسلل صحيح
3. دخول سالم العنيف تسبب بالكرت الاصفر الاول وهو كرت مستحق وايضا دخوله العنيف الثاني الغير مبرر ..سالم أخطأ كثيرا ..فبدل ان يصنع لفريقه ويسبب خطوره بدا يكسر ويطلع عن طوره ..
4. الهلال بالشوط الاول كان أفضل ..والسبب انهم كانو مكتملين وخط الوسط فعال ..
5. الشوط الثاني ماذا حدث : بدا الارهاق واضحا جدا على لاعبي الوسط فاحتار المدرب اكثر فـ لم يكن لديه اوراق رابحه في الوسط فكل مالديه الدكه هجوم واحتياط .. قال مالي الا احط هجوم يمكن يسوون شيء .. الخطأ من المدرب فالبدايه انه ماصعد لعيبه من الاولمبي ليعوضو غياب عبدالعزيز الدوسري ونواف العابد ..

سالم ألف نقطه استعجاب <مايعرف يصنع كوره مايعرف يعطي اوفر وشوله حاطينه اساسي فيه لعيبه افضل منه كثير بالاولمبي مظلومين ..



الهلال راح يحسمها بالاياب باذن الله .. واتمنى منكم دعمه بالتشجيع المتواصل ..

ان كان لك راي معاكس < عطني اثبات ..

ان اصبت من الله وإن أخطأت فمني ومن الشيطان

بخصوص البلنتي ارجع وشوف الاعاده احتكاك عادي وطبيعي ...صحيح سالم الدوسري لم يكن في مستواه ولعب بأنانيه بس مايستحق الطرد في لعيبه فالاتحاد يستحقون الطرد اكثر من سالم (سعود كريري , امبابي ) ...صحيح في اخطاء في دفاع الهلال بس سبب الهزيمه هو الاعب الكبير خليل جلال .

ماكان ودي نخسر ولا كان ودي بالبطولة



الهلال ارهق في الفترة الاخيرة بشكل كبير بسبب ضغط المباريات (المهمة) وكثرة الحل والترحال من مدينة الى مدينة (محليا واسيويا) بمباركة احمد عيد طبعا



اتمنى التركيز على المباريات الاسيوية فهي الاهم

اما كأس الملك فلندعه للفرق المتنافسه على المقعد الاسيوي والساعية لإرضاء جماهيرها ومصالحتها

حيث كثرت الاصابات بسبب الضغط المتواصل والارهاق الكبير الذي تعرض له نجومنا

اول موضوع اشوفه بعد الخسارة يتكلم صح
الكل يتهجم على الحكم وما له علاقة بخسارتنا
مثل ما قلت المسؤول على البلنتي حكم الراية وبعدين اوزيا ما قصر كوع ما له داعي من كرة ميتة على مختار فلاته
وسالم عليه ان ينتبه دائماً يأخذ كروت ما لها اي داعي خاصة الكرت الاصفر الاول
ارتكبت خطأ خلاص ليه تمسك الكرة وتعطل العب
ما تدري ان الهلال محتاجك في الاياب
دائماً وللاسف اذا كان زعيمنا مرشح للفوز يخسر خاصة هذه المباراة والهدف المبكر من الشلهوب كان المفروض يكون
دافع قوي لا تخدير للاعبينا
على العموم ما اقول الا رب ضرة نافعة

إقتباس الرسالة الأصلية كتبت بواسطة قلب الهلال النابض. بخصوص البلنتي ارجع وشوف الاعاده احتكاك عادي وطبيعي ...صحيح سالم الدوسري لم يكن في مستواه ولعب بأنانيه بس مايستحق الطرد في لعيبه فالاتحاد يستحقون الطرد اكثر من سالم (سعود كريري , امبابي ) ...صحيح في اخطاء في دفاع الهلال بس سبب الهزيمه هو الاعب الكبير خليل جلال .

بالعكس احتكاك قوي << وبعدين لاعب الهلال واضح انه يبي يحتك مع اللاعب واكبر دليل انه مايشوف الكوره ونضره واندفاع كل على لاعب الاتحاد <لاحظ استخدام يده لدفع لاعب الاتحاد <لو ماستخدم يده تقدر تقول احتكاك طبيعي ..\

سالم الدوسري << اللقطه الاولى اللي اخذ فيها كرت اصفر زين ماخذ احمر <قاعد يسحب اللاعب بيده ويشوته بقوه ماتبي فيها كرت <
واللقطه الثاني ضرب واضح على ركبة لاعب الاتحاد << اترك العاطفه وخلك واقعي

الهلال لو اراد الفوز لعب الشوطين بنفس الرتم لاخليل جلال ولاغيره راح يتسبب في خسارة الهلال << بالمناسبه الهلال لم يقدم مايشفع له بالشوط الثاني أبدا ..
بالاخير نختلف لكن يبقى الاحترام موجود..

يجب علينا كـ جماهير هلاليين ان نفكر بالمباراه القادمه ندعم الزعيم ونتحدى ونرفع اللافتات لرفع معنويات اللاعبين ..

إقتباس الرسالة الأصلية كتبت بواسطة ابو سلطان اليامي ماكان ودي نخسر ولا كان ودي بالبطولة الهلال ارهق في الفترة الاخيرة بشكل كبير بسبب ضغط المباريات (المهمة) وكثرة الحل والترحال من مدينة الى مدينة (محليا واسيويا) بمباركة احمد عيد طبعا اتمنى التركيز على المباريات الاسيوية فهي الاهم اما كأس الملك فلندعه للفرق المتنافسه على المقعد الاسيوي والساعية لإرضاء جماهيرها ومصالحتها حيث كثرت الاصابات بسبب الضغط المتواصل والارهاق الكبير الذي تعرض له نجومنا

لو استفادو من لاعبين الاولمبي وخلوهم يلعبون هالبطوله واعطوهم الفرصه أفضل .. اهم شيء الرد بالاياب انا بالنسبه لي ماتهمني هالبطوله