اول شي هارد لكم يا جمهور الزعيم الهزيمه

مباراة حماسيه ممتعه لولا الحكم ..!! مليون تعجب

لكن لا نضع اللوم على حكم معروفه لياليه

وهذا هو التحكيم متعودين عليه دائما ضد الهلال

ليس فقط السعودي ولكن الخليجي والاسيوي ..

انا هنا حبيت اقول لنجومنا

كثر الله خيركم اخر موسم وضغوط مباريات

وتنقل من دوله لدوله ومن مدينه لمدينه

كفيتم وونتظر انكم تجملونها بالوفا

لا يوجد شي صعب بعالم الكره

دام الروح موجوده

ما زال الامل موجود

والوعد الشوط الثاني .. وانتم قدها باذن الله

جمهور الزعيم لا نقسوا على لاعبينا

لان باختصار ورانا الاسيويه .. والاسيويه على ما اعتقد بل اني اجزم

مشتاقين لها اكثر ..

دمتم بود

الهلال اليوم لعب مباراة ممتازة

البيشي كان نقطة ضعف الهلال الكبرى

الحكم كان له تأثير على المباراة لكن ليس هو السبب الرئيسي

هناك لاعبين يبدو بانهم بعقول لاعبي الحواري بسبب الاستهتار بالخصم

مباراة جميلة كانت بمجملها من الطرفين

كلامك سليم ...

ايش ذنب اللاعبين اذا الكم يضغطهم تسعين دقيقه وطرد وهدف ركلة جزاء وهو تسلل

امس شوفوا التحككيم ضد الاهلي واليوم ضد الهلال

حسبي الله ونعم الوكيل

يعطيك العافيه

كثر الله خيرهم .. ماقصروا ..

كل 3 ايام بمطار .. آخر راحه 24 ساعه ما اذكر متى خذوها

القادم اجمل

والله يا شباب صور رحلتهم وهم جايين من قطر بالطياره ترحم اللي ما يرحم ..

وهذا مشكله رعاية الشباب 4 بطولات بالسعوديه
الدوري - ولي العهد - كاس الامير فيصل - كاس الابطال ..!!

والخارجيه اسيويه خليجيه ..!!

كثر خير اللاعبين جميعهم ماعدا نقاط الضعف الي سبق وحذرنا من فشلهم
ما احد يلومهم هذي بركات اتحاد عيد
الي ضغط الهلال دون غيره
الاستقلال بعدها العين بعدها الاهلي ( فريق اتحاد عيد المدلل ) بعدها الريان بعدها الاتحاد
يا اخوان لازم نكون منطقيين شوي اي فريق بالعالم ماراح يفوز بالضغط هذا
مهما بلغت قوته
احنا الان نطالب الخروج من هذي البطوله والتركيز على الاسيويه لان صاحب بالين كذاااب
وماعندنا الصف الثاني الخارق عشان ننضغط بالدوري واسيا و و و ......!!
هي مباراه اللخويا اتمني التركيز عليها عشان ننهي الموسم واحنا ضامنين القادم
كل الود

اي والله لاعبين الزعيم محتاجين وقفتنا معهم ويستاهلون بصراحة كل خير على اللي قاعدين يسوونه لو بس الادارة والمدرب يفهمون ويريحونهم شوي بس

باذن الله بنردها بالرياض

الهلال يحتاج لاعبين احتياط بقوة الاساسيين عشان اذا اخذلوك الاساسيين

الاحتياط يعوضونك

تخيلوو ان احتياطنا اليوم ((البيشي __المسلسم__الغنام__الحارثي__الكوري__مسعد))

بلاه عليكم هذولا احتياط !!!!!!!!!!!!!!!!!!!!!!!!

طيب ليه مايكون احتياطنا ((الصانع__عبدالكريم القحطاني__سلطان الدعيع__العازمي __عبدالوهاب الفريدي))

المفرووض اليوم : العازمي ـ عطيف ــ المسلم ــ الشمري ــ سلطان الدعيع ـ ولكن لا حياة لمن تنادي ـ
لالالالازم يرهقووو اللاعبووووون ...

ان شاء الله نعوضها في الرياض ـ بالتاهل ـ ـ طريقنا مفروش اذا تاهلنا وفزنا على الاتحاد ـ بنقابل ـ الفتح او الاتفاق ــ

لا تفوووتو الفرصة بين ايديكم يابنووو هلال ...

إقتباس الرسالة الأصلية كتبت بواسطة Blue longing اول شي هارد لكم يا جمهور الزعيم الهزيمه مباراة حماسيه ممتعه لولا الحكم ..!! مليون تعجب لكن لا نضع اللوم على حكم معروفه لياليه وهذا هو التحكيم متعودين عليه دائما ضد الهلال ليس فقط السعودي ولكن الخليجي والاسيوي .. انا هنا حبيت اقول لنجومنا كثر الله خيركم اخر موسم وضغوط مباريات وتنقل من دوله لدوله ومن مدينه لمدينه كفيتم وونتظر انكم تجملونها بالوفا لا يوجد شي صعب بعالم الكره دام الروح موجوده ما زال الامل موجود والوعد الشوط الثاني .. وانتم قدها باذن الله جمهور الزعيم لا نقسوا على لاعبينا لان باختصار ورانا الاسيويه .. والاسيويه على ما اعتقد بل اني اجزم مشتاقين لها اكثر .. دمتم بود

ماقصرو اللاعبين والله يوفقهم بالاياب

اللاعبين اليوم ماقصرووووا بإستثناء اللبيشي و المرشدي صفرين على الشمال