"سجل صوتك في مطالبة إدارة الهلال باللعب في ملعب الملك فهد الدولي" - نادي الهلال السعودي - شبكة الزعيم

آلماتدور آلهلالي · #1 10/04/2013, 12:37 PM

السلام عليكم ورحمة الله وبركاته

ألف مبروووك لجميع الهلاليين الفوز المهم في ايران وبين جماهيرهم

يعتبر ملعب الملك فهد ملعب يمثل ثقل نفسياً على لاعبين الخصم ويعتبر ملعب مريح للجماهير من ناحية الكثافه الجماهيريه في الرياض وأنا متأكد بإذن الله تعالى إذا كانت المباريات في استاد الملك فهد سيتغير الكثير مع أهمية النظر في الرابطة ؟؟

هذا رأي لا يعني أننا نتعذر من ملعب الملز ولكن في الأصل أن متى ما ارتاح اللاعبين والجماهير قد يؤدي اللاعبين والجماهير دورهم بشكل كبير .

فسجل صوتك في مطالبة إدارة الهلال باللعب في ملعب الملك فهد الدولي

d7oom owen · #2 10/04/2013, 12:47 PM

لا ان شاء الله بالملز واتمنى من الرابطه انها ما تقعد بالواجهه ،،،،
وان شاء الله انا بكون اول الحاضرين ،،

Śķooŋ · #3 10/04/2013, 12:52 PM

علىى حسب ماسمعت البارح انه مايمديهم يغيرونه الحين لان الملز صار هو الملعب المعتمد للهلال يمكنن بدور الثمانيه يمديهم لكن بدور المجموعات خلاص الاتحاد الاسيوي اعتمد الملز

هلالي وراسي عالي 222 · #4 10/04/2013, 12:53 PM

ماعليش ولاتزعل مني يالغالي ، أنا أخالفك وأتمنى المباراة على ملعب الأمير فيصل بن فهد لأسباب :

- الحضور الجماهيري ( الخجول ) على ملعب الأمير فيصل بن فهد فما بالك في ملعب الملك فهد !
- أرضية ملعب الملز أفضل بمراحل من ملعب الملك فهد .

المهم أن يفوز الهلال وأن يمتلئ الملعب من الجمهور المؤثر أيجابا لفريقه وليس بالشتم والسب للاعبين !

نقطة ختام :
الهلال يتأهل متصدرا لمجموعته بعد توفيق الله

FAHAD1995 · #5 10/04/2013, 12:56 PM

الكل يبي الملك فهد بس زي منت شايف جمهور الهلال في الرياض حدث ولا حرج صنم في الملعب ما يحضرون إلا ب المباريات المهمة ورابطة باردة مرة أتمنى الحضور والتفاعل أتمنى يتعلمون من الغربية كيف التشجيع

هلالي برشلوني 7 · #6 10/04/2013, 12:56 PM

ماعرفنالكم اذا حطوها في الاستاد تقولون نبيها في الملز

zizo7 · #7 10/04/2013, 12:59 PM

أولا ما عاد تقدر تغير الملعب الحين لازم تنتظر لما بعد دور الـ16

ثانيا انت شايف حظور جمهور الرياض !!! تخيل لو هذا الحظور في الدره قسم بالله فضيحه ترا يخدمنا في الملز ان الملعب صغير ويبين ان الجمهور كثير والا في الأصل والله ان الحظور يفشل

عشقي موج ازرق · #8 10/04/2013, 01:02 PM

اتفق معاك اخي تماماً في ما ذكرته
وعن اهمية نقل مباريات الزعيم الى استاد الملك فهد
حيث تتضح المعانة في استاد الملز والذي يساعد الفرق من حيث التكتل الدفاعي
وشاهدنا هذا من خلال مباراة الريان حيث عانى الزعيم من التسجيل حتى منتصف الشوط الثاني
وايضاً مباراة الزعيم مع الاستقلال
فاستاد الملك فهد يعطي مساحة اكبر ويساعد العابد والدوسري في التحرك بمساحة اكبر
ومن يقلل من الحضور الجماهيري فبأمكانه الذهاب الى اليوتيوب ويشاهد الحضور الجماهيري واخص بالذكر
دور ابطال اسيا حتى في دوري المجموعات فالاستاد تقريباً ما يكون الحضور جيد جداً
وله دور كبير وفعال
ولا ننسى بأن مبارتنا مع اولسان كانت في استاد الملز ومع هذه كانت النتيجة كارثية
فالمنطق يقول بأن ضرر العب في استاد الملز اكثر من نفعه
واتمنى نقل جميع مباريات الزعيم الى استاد الملك فهد الدولي
وشكراً لك على موضوعك القيم

سوبر الازرق · #9 10/04/2013, 01:05 PM

الحين مع احترامي لجمهور الرياض ماملو استاد الملز وتبون ملعب الملك فهد احضرو مباريات الهلال بالرياض ياجمهور الرياض بعدين تعالو طالبو بالي تبون

nasser8 · #10 10/04/2013, 01:06 PM

معليش يا اخوان خل جمهور الرياض يعبي الملز بعدين نروح الاستاااد

mxo · #11 10/04/2013, 01:39 PM

حاليا التغيير غير ممكن حسب الانظمة

هلالي متعصب · #12 10/04/2013, 01:41 PM

سبحان الله قبل فترة تطالبون بالملز .. والآن تعودون في كلامكم وتطالبون باستاد الملك فهد !!

أبـــ تاكي ـــــــو · #13 10/04/2013, 01:51 PM

على كلام شبيه الريح.

دور المجموعات اقر في ملعب الملز. دور المجموعات

الأدوار الأخرى. ممكن.

ولكن ..... خابر ربعنا ملعب الملز وماعبيناه فما بالك بالدره

امبراطور هلالي11 · #14 10/04/2013, 02:26 PM

نبي الملك فهد احسسن من ناحية كل شي والهلال اذا لعب في ملعب الملك فهد تكون الجماهير اكثر من الملز

مهتم7 · #15 10/04/2013, 02:30 PM

ممكن في الدور الثاني اذا تاهل الهلال لكن في مباراة العين الجايه مستحيل لانه الاتحاد الاسيوي اعتمد الملز ولايمكن تغير