سلمت يداك اخ زيزوم ... تصدق قلت اللي نفسي فيه بخصوص هذا الموضوع بالذات وكنت افكر فيه من زمان .
مو معقوله اللي قاعد يصير من ادارة النادي بختيارها غير الموفق هذا .
حتى نادي الشباب دايم يلعب في البطولة الاسيويه على استاد الملك فهد الدولي لانه وبصراحه فيه وجاهه اكثر بكثير من ملعب الامير فيصل العتيق.
اتمنى من ادارة النادي تدارك هذا الخطا الجسيم في المرات القادمه , ليس العيب في انك تخطي لكن العيب كل العيب الاستمرار في الخطا وعدم تصيح المسار يلزم الاستفاده من التجارب وسماع الاراء السديده بما يكفل تلافي السلبيات وتعزيز وتطوير الايجابيات نحو عمل افضل .

لا مو بس كذا أنا متأكد انهم متشائمين من الملعب بحكم الخساير بلبطولة الاسيوية منفسين الاداره

شكراً

اخي الكريم
الهلال خسر من سبهان ومن ام اصلال في استاذ الملك فهد
وضرب بني ياس بسباعيه في الملز

الملعب ليس قضية

القضية فيه خلل لم تفكر الادارة فيه او لم تعره اهتمامها بسبب الاستشارات الفنية الخطأ او غيره

إقتباس الرسالة الأصلية كتبت بواسطة rf_20041 لا مو بس كذا أنا متأكد انهم متشائمين من الملعب بحكم الخساير بلبطولة الاسيوية منفسين الاداره شكراً

اشكرك على مرورك اخي العزيز , لكن التشاؤم والتطير لايجوز ان يصدر منا كمسلمين حيث نهانا الله عنه.
ولنفرض انهم يفكرون بهذا المنطق , طيب ياخوي مابعد اربعة اولسان شي على ارض استاد ملعب الامير فيصل (الملز) المفروض يغيرون رايهم ويرجعوون للعب في استاد الملك فهد الدولي خاصه في ظل وجود الاسباب المنطقيه من وجهة نظري الموجودة في الموضوع الرئيسي .

معروف انه تشاؤم من استاد الملك فهد والان خسرنا على استاد الملز
ما نعرف وين بنلعب المباريات القادمة

إقتباس الرسالة الأصلية كتبت بواسطة ز يز و م اشكرك على مرورك اخي العزيز , لكن التشاؤم والتطير لايجوز ان يصدر منا كمسلمين حيث نهانا الله عنه. ولنفرض انهم يفكرون بهذا المنطق , طيب ياخوي مابعد اربعة اولسان شي على ارض استاد ملعب الامير فيصل (الملز) المفروض يغيرون رايهم ويرجعوون للعب في استاد الملك فهد الدولي خاصه في ظل وجود الاسباب المنطقيه من وجهة نظري الموجودة في الموضوع الرئيسي .

اكيد مايجوز بس انا هذا الي التمس منهم او ممكن يكونون متخوفين من عدم حضور الجمهور بكثافه فقالوا الملز يلم الجمهور اكثر ويكون اكثر حماس للعيبه بس طلع برضوا ماحولك احد.

في الاخير لو كان منطق الاداره كذا ولا بأي تبرير اخر هذا معناه انه الفريق مو حق اسيا لان الفريق القوي المنظم الي عنده ثقافه الفوز وعنده الثقه ما راح يعيقه جمهور قليل كثير ملعب وسيع. ولا صغير. يعرف ثقافه الفوز فقط

ويعطيك العافيه على الرد

اقول وش رايكم نلعب في ملعب الصانع احسن ولافي ملعب حارتنا اقول لما تكون عندك ادارة ولاعبيين مثل الناااس تعال تكلم عن الاسيوية

كلام سليم ..
وغير كذا الوصول لملعب الملز اصعب من استاد الملك فهد
رغم ان الاستاد بعيد لكن وصوله سهل مع الدائري ..

لكن الملز زحمه وطريق الملك فهد والوشم !

اتمنى اللعب في استاد الملك فهد ل يرتاح اللاعبين ويرتاحون الجماهير

إقتباس الرسالة الأصلية كتبت بواسطة @السلطان الهلالي@ اخي الكريم الهلال خسر من سبهان ومن ام اصلال في استاذ الملك فهد وضرب بني ياس بسباعيه في الملز الملعب ليس قضية القضية فيه خلل لم تفكر الادارة فيه او لم تعره اهتمامها بسبب الاستشارات الفنية الخطأ او غيره

ططيب بالعقل الفريق الضيف بيغلق الدفاع تماماً وهذا يحتاج ملعب ذو مساحه كبيره وهو استاد الملك فهد الدولي
ولاعبين الهلال يتميزون بالسرعة والمهارات وأكيد أي لاعب فيه هذي الصفات يحب المساحات الكبيرة

شكرا على الموضوع
الصراحة لقد جال بخاطري هذا الموضوع
واستغربت من صناع القرار في البيت الهلالي
لماذا الملز ؟
قالوا نتفائل به
وهذا ليس بمنطق وخصوصا بعد مباراه اولسان
لا يوجد شئ اسمه تتفائل به ومباراه اولسان والاستقلال خير شاهد
اعط الكرة تعطيك
خطأ فادح اتمنى تصحيحه
خصوصا وان استاد الملك فهد افضل من الملز من جميع النواحي


وشكرا

شوف الحظور وتعرف ليش .....................