[CENTER]



السلام عليكم يازعماء
خلونا من مباراة الاستقلال

كلنا نعرف ان الكوره فوز وخسارة

لكن
وضع الفريق مايطمن من بداية الموسم
وللاسف ادارة الهلال كابرت على كومبوارية حتى بعد الخساره من اولسان برباعية

واعطت النصراويين الشرف بااقالة المدرب بعد الخساره بنتيجة هدف لـ لاشي بإياب الدوري

^ قمة في التناقض واصرار عجيب بتصغير الهلال امام منافسية
ولااعتقد ان الخساره بهدف في الدوري تُقارن بالخسارة برباعية والخروج من البطولة الاسيوية

فية اكثر من لاعب هلالي مُعتزل
يُعتبرون كفاءه ادارية وعندهم رؤية فنية ثاقبه

لكن ادارة ابن مساعد مصره تتجاهلهم

مثل الكبتن فيصل ابواثنين والكبتن نواف التمياط
وهذا اذا استثنيت الاسطورة سامي الجابر بتواجده بفرنسا في الوقت الحالي

وفي المقابل الادارة تتقرب من اشخاص غير هلاليين ( ولايتمنون الخير للهلال )
ويكونون قريبين من الرئيس
وعلى علم بااخبار الهلال اول بأول

من سنتين اغلب المفاوضات مع المدربين واللاعبين الاجانب تنتشر قبل التوقيع
وغالباً مجرد طرح فكرة التفاوض ينتشر الخبر

واغلب المفاوضات الهلالية تفشل اما بدخول احد الاندية بالمفاوضات
او بنقل اخبار سيئه عن الهلال

ولا اغفل عن ضعف المفاوض او العجز المالي للادارة

رئيس نادي الهلال عبدالرحمن بن مساعد مُطالب بإبعاد سكتريره وقهوجية ومسؤول ملابسة
عن امور النادي وخاصة الكل يعرف ميلولهمممم
يعني انت تحبهم اوك حبهم بعيد عن نادينا

ومُطالب بجلب كفاءات ادارية هلالية لمجلس الادارة وحبذا لو يكونون لاعبيين قداما

وياليت ينسى موضوع الاسيوية هالموسم ويركز على كاس الملك ووصيف الدوري
والتخطيط للموسم القادم وعشان ماتكون حجة كل موسم
( مانقدر نغير لاعبين ومدرب عشان الانسجام وورانا بداية قوية بالاسيوية )


اتمنى من الان يبدا بالبحث والتعاقد مع مدرب يليق باسم ومكانة الهلال
عشان يبدا بدري باالاعداد لمعسكر الفريق

والبحث عن محور ومدافع احنبي
والتخلص من جوستافو وبيونج سو والابقاء على ويسلي واوزيا

اعطاء مخالصة لااكثر من لاعب محلي مثل الغنام والحارثي والمرشدي والزوري
والتعاقد مع حارس محلي والكسار كمثال

واذا الادارة الحالية غير قادرة ياليت تتكرم بالتنحي وفتح المجال للهلالين الغيورين والمخلصين

هلالنا هو متنفسنا الوحيد ياابن مسساعد
طلبتك ياترجعه مثل ماكان يااتركة لغيرك

اتمنى ماينقل موضوعي او يحذف
الموضوع مافيه اساءة لااحد

صحيح انك متألق . ولكن فيه اسباب كثيره لتدهور الهلال وخاصة في اسيا منها انا وانت وجميع الجماهير الهلاليه وايضاً الفلوس

وكذلك نوعيت الاعبين هل يوجد لاعب في السعوديه نقول انه نجم سوبر مافيه يعني خليك على قردك لا يأتيك اقرد منه اين الاعبين

المخلصين والحماسين امثال سامي الجابر و ياسر الشهراني وزميله ياسر القحطاني وووو كم لاعب نحتاجه انا عاجبني المثل الي يقول (الشق اكبر من الرقعه)