السلام عليكم ورحمة الله وبركاته

هاردلك راح نقولها كثير في بطولة دوري ابطال اسيا لاجديد يعني لاحد يأمل على هالمستوى المتذبذب فمالها داعي نحرق انفسنا وإدارتنا الى الان بعد التجديد لربع مواسم مافي اي علامه فارقه في الفريق أبدا !!

ملينا من الوعود مطلب الجمهور الهلالي هو ( كأس اسيا ) ياليت الي يفهم في البيت الهلالي انه يقدر هالشئ مب يلعب على عقولنا بالنسبه لي البطولات المحليه ماهي الا سواء تخدير لنا لان الفريق البطل ينافس على كل الجبهات مب إدارتنا الكريمه تقول راح نلعب الرديف ويوم راح الدوري لمن يستحق راح يكون تركيزها على الثاني واسيا !!

ووينك من اول الدوري طيب تناقض كبير جالسين نشوفه ..
بالنسبه للجمهور انا واحد من بعد مباراة اولسان حلفت ما احضر في اسيا ولا مباراه لان بدون معطيات للفريق مالها داعي اطق مشوار واتمرمط في المطر وفي الغبار واخرتها مستوى في الدوري فقط ولا طلعنا برى جبنا العيد

جمهور الرياض كذا مره تجيه كم كف في الاسيويه وينصدم ولا تلقون حضور ملفت في الدوري والسبب هالشئ وتجي الجماهير والاعلام مطفي نوره وفي مقدمتهم وليد الفراج ..

يتذمر بسبب الحضور اتمنى الكل الحين لاحد يلوم في جمهور الرياض لانه معروف وفي هالجمهور وفي اي مناسبه يملي الملعب بس هالبطوله هي سبب عدم الحضور ..

وبالاخير الي يجامل ويقول تفائل بقوله مع نفسك

لان موب معقوله فريق استقلال مافيه ولا لمسه فنيه ويفوز علينا والطامه الكبرى يتعادل مع الريان في قطر ..

اخطاء المدرب ماهي وقتها ابدا وبالذات في هالبطوله يعني مباراة الاتحاد تلعب لي ويلسي وياسر ثنائي بطل اذا ماظهر ويلسي ظهر لنا ياسر والسبب ان في مهاجمين قدام

لكن اليد وحده ماتصفق

وليه يامدرب تشكيلتك ماتظهر ابداعها الا في الدوري ..!!

في ارضك وبين جمهورك وتحط تشكيله لاول مره تلعب فيها

هاردلك راح نقولها الف مره ولا جديد

خلونها بس نستانس على الدوري ونطقطق على الي حولنا اصرف لنا هالبطوله ماهي لنا لغيرنا فلاحد يتحمس

سلام

كنا ولا نزال أسياد هذه البطوله رغماً عن أنف كل من ينكر أو يشكك أو يستنقص

وإذا مهي لنا لغيرنا فهذي وجهة نظرك ولكنها تختلف بالنسبه لنا ..

بالتوفيق لكبير القاااره في القاااادم

سلام

متى مباراة الهلال القادمه .. مباراه وراحت .. والقادم افضل .. جمهور الفرح والفوز والانتقاد . والله ماراح يعجبه شي .. لايريد ان الهلال يخسر ... جمهور قوي برى الملعب , واذا حضر الملعب . سكت . كنه كرسي ..

إقتباس الرسالة الأصلية كتبت بواسطة SCORPION-KING كنا ولا نزال أسياد هذه البطوله رغماً عن أنف كل من ينكر أو يشكك أو يستنقص وإذا مهي لنا لغيرنا فهذي وجهة نظرك ولكنها تختلف بالنسبه لنا .. بالتوفيق لكبير القاااره في القاااادم سلام

ياخي انت جالس تتغنى بالماضي الله يهديك وش لناا وش لهم

اانا جالس اتكلم بالواقع اترك عنك العواطف ..

شكرا لك .

طيب حبيبي اذا قلتلك ان فوزين و تعادل راح ياهلنا لدور 16

راح تقتنع

إقتباس الرسالة الأصلية كتبت بواسطة مطـلق الهاجري متى مباراة الهلال القادمه .. مباراه وراحت .. والقادم افضل .. جمهور الفرح والفوز والانتقاد . والله ماراح يعجبه شي .. لايريد ان الهلال يخسر ... جمهور قوي برى الملعب , واذا حضر الملعب . سكت . كنه كرسي ..

ايه ان شاء الله افضل المباريات القادمه نتمنى هالشئ بس من ناحية هالبطوله اغسل يدك

مافي شئ اسمه جمهور الفرح والفوز على فكره الهزيمه عاديه جدا ماهي مثل اولسان لكن المشكله ان التخبطات ماتجيك الا في الاسيويه فقط والسبب الاول تكون اداريه ثم اللاعبين ..

إقتباس الرسالة الأصلية كتبت بواسطة -GoOoL-20 طيب حبيبي اذا قلتلك ان فوزين و تعادل راح ياهلنا لدور 16 راح تقتنع

ياحبيبي والله انا ماقلت اننا ماراح نتأهل او فقدنا الامل بس مستويات زي كذا ماتنفع في البطوله الاسيويه يعني بتجيك مباريات مصيريه وعلى هالتخبطات ماراح تفيد انا بالنسبه لي التفائل على ظل هالمستوى الي مره كويس ومره لا ماني مقتنع ابدا من بداية الدوري وحنا كذا 4 مباريات كويسين واحلى مايكون ومباراة تجيك اهداف بايخه زي الهدف الثاني تقتل المشجع والروح الي فيه .

شكرا لك

صباح الخير ياشباب


انا اول الحضور للملعب من بعد العصر وجاي من سفر وعلينا غبار ومطر وتارك عائلتي


واخراتها مستوى يفشل

تصدقون مالي وجهه ارجع حتى للبيت



الزعيم اه اه اه اه اه بس

هارد لك لكل الزعماء ‏
مباراة اليوم انتهت لازم نفكر من بكرا ‏
شلون نعوض خسارتنا والتأهل
الكوره فوز وخسساره الهلال خسسر بالرياض
ان شاءلله بيفوز بإيران

اقول اترك عنك البربره
الجمهور الصاحي والمحب يشيل فريق

إقتباس الرسالة الأصلية كتبت بواسطة مطنوخ الهيلا صباح الخير ياشباب انا اول الحضور للملعب من بعد العصر وجاي من سفر وعلينا غبار ومطر وتارك عائلتي واخراتها مستوى يفشل تصدقون مالي وجهه ارجع حتى للبيت الزعيم اه اه اه اه اه بس

ايه شي يقهر لكن قدر الله وماشاء فعل

الله كريم

إقتباس الرسالة الأصلية كتبت بواسطة ملكه بعشق الهلال هارد لك لكل الزعماء ‏ مباراة اليوم انتهت لازم نفكر من بكرا ‏ شلون نعوض خسارتنا والتأهل الكوره فوز وخسساره الهلال خسسر بالرياض ان شاءلله بيفوز بإيران

ايه ان شاء الله

الله يسمع منك

إقتباس الرسالة الأصلية كتبت بواسطة gia1444 اقول اترك عنك البربره الجمهور الصاحي والمحب يشيل فريق

ياحبيبي لنا 7 سنوات وصاحين وعارفين الهلال زين لكن انت همك بس ترد اترك عنك العواطف وتكلم بمعطيات فريقك لا تتكلم بتاريخك الافرقه الحين تطورت وصارت تعطي داخل الملعب وحنا نتغنى زي الفقر بالماضي ..

وبالاخير اذا البربره ماهي جايزه لك مب لازم ترد

شكرا لك