إقتباس الرسالة الأصلية كتبت بواسطة mohammed al-yusuf الله يا الدنيا الهلال مو قادر يحسم صفقه لاعب محلي ..! لنا موسمين واحنا مو قادرين نحسم هالصفقه .. الهلال يمر بمشكله كبيره .. ليست في ياسر الشهراني بل عدم القدره على الحفاظ على النجوم .. يعني لو ياسر ما يبغا الهلال كان مستحيل تلاقيه يلعب بالهلال كان تلاقيه بالاهلي او النصر مثل هوساوي والفريدي اللي يلعبون عشان الفلوس << وهذا من حقهم واتوقع سالفة الافراط بالنجوم راح تكرر بالمستقبل القريب الا اذا الاداره صار عندها حسم اكثر وصارت تدفع اكثر

قصدك الا اذا تغيرت الادارة

والله مثل ما قلت لو ياسر الشهراني يبحث عن المال وهذا حقه ما كان شفناه بالهلال
كيف سوف تحسم الادارة صفقات على مستوى عالي من الاعبين المحليين

الاهلي مثل مانشستر سيتي
عندهم مال ودفعو فلوس وجابو لاعبين محترفين من افضل اللاعبين
دافيد سيلفا وبالوتيلي وسمير نصري ولاعبين مميزين ومدرب مميز ومع هذا ينافسون فقط دون تحقيق اي لقب غير لقب الدوري الانجليزي
والاهلي نفس الطريقه مدرب ولاعبين ومع هذا ماحققو الا كاس الملك
وجه الشبه بينهم انهم يدفعون اي مبلغ بس بدون فكر احترافي مع ان الستي افضل لأنه ع الاقل حقق الدوري
الاهلي مثل الاتحاد بفتره من الفترات كان يشتري لاعبين مايحتاجهم بس عشان يضعف خصومه لا اكثر امثال خميس وابراهيم السويد وطلال المشعل ومرزوق العتيبي وقهوجي وحتى سعد الحارثي اخذوه اعاره بس شافو انه ماعنده سالفه وطنشوه
الاهلي الحين نفس الطريقه يبون يحيى الشهري ويبون نواف العابد ويبون الشهراني ويبون ابراهيم غالب ويبون السديري ويبون كل شي اهم شي يسيطرون على اللاعبين المميزين لو ماهم محتاجينهم اهم شي يخربون ع الانديه الثانيه او يضعفونهم
لكن مع نفسهم الشهراني بأذن الله هلالي وادارة القادسيه قدامها خيارين ياتبيع اللاعب للهلال بالمبلغ الي الهلال يبغاه او اللاعب راح يكمل باقي عقده معاهم ويوقع للهلال ببلاش للهلال ومالهم الا بدل التدريب وهم الخسرانين عشان مره ثانيه مايحطون روسهم بالملوك
عاد تجيكم الاشاعات انه جاي للاعب امر من فوق يايلعب للهلال او يعتزل كل حسد من الجماهير المتعصبه للأنديه الثانيه مثل ماقالو ع ياسر القحطاني
مع انهم عارفين ان مافيه احد راح يغصب شخص ع شي مايبغاه ولو كان هالكلام صدق ماراح الفريدي وهوساوي وكان اي لاعب نبغاه نجيبه وكان الله ماوفقنا مثل بعض الناس ومانجيب بطولات من عقود

اي مبلغ ليس خسارة في ياسر الشهراني

حتى لو دفع الهلال 35 مليون ريال

الشهراني عن 4 لاعبين
ظهير ايمن وايسر
ووسط ايمن وايسر
يعني لاعب ممتاز
ويستحق اكثر من 30 مليون

يعنى لو كان ميت على الهلال بيوقع للقادسيه سنتين ونصف

توقيعه للقادسيه سنتين ونصف هو الوقود الذي يسكب على المفاوضات لترتفع القيمه وكلام

محب للهلال وغيرها راح زمنها واعلنها بوضوح احد لاعبي الهلال هذا زمن الملايين

اذا غاب اللاعب تطايرت الاوراق تلاحقه بالخصم والايقاف فلا تلومو الاعب يبحث عن مخارج لنفسه ويستفيد من زمن يبكى على عدم لحاقهم عليه كثير من النجوم

اللاعب رتب الصفقه ولعب على وتر العاطفه ونجح بكل اقتدار

اتسائل بدل الثلاثين مليون العقد المطلوب وزد عليها قيمة الاعاره 7 مليون هل قيمة 37مليون هل بالعقل يستحقها لاعب محلي ؟

وهل الهلال مضطر ان يدفع الملبغ خير من تدبير نفسه سنتين ونصف بلاعب محلي او اجنبي مناسب الا ان يتم انتهاء عقد الشهراني مع القادسيه وحينها ننتظر العاشق ان كان يريد الهلال يطلب وده من جديد
لكنها صفقه تدار بطريقه جعل الحليم حيران
ومثل هذه الصفقات هي ما رفعت سقف الديون في الاتحاد الى 84 مليون ريال وجعلت الديون تظهر على سطح الكره السعوديه

والضحيه الانديه

صحيح باقي في عقده سنة واحدة أعتباراً من الموسم القادم
وأنا أرى دفع أربعة مليون فقط لشراء المدة المتبقية في عقده مع القادسية
وصدقوني سيوافق فريق القادسية بدووووون تردد لأن من ضمن بنود عقد أي لاعب موافقته على الفريق الآخر

ليس بخساً في ياسر فهو يستاهل الكثيييير وتكفي كلمته الهلال ولا غير الهلال
ولكن نكرمه في حال تجديد عقد احترافي جديد

لو حسبناها عاطفيا نعطي الشهراني 30 مليون بس الشهراني نلوي يد القادسيه ونعطيهم 8 مليون او اقل او نخلي الشهراني معاهم سنه وبعدها نعطيه 25 مليون لمدة خمس سنوات يعني السنه ب 5 مثل باقي اللاعبين ولا يطلعون القدساويه على حسابنا

باقي في عقده سنتين والطريقه السليمه ان يكمل عقده مع القادسيه وبعدها ينتقل للهلال مباشره والقادسيه ام النصر يأخذ بدل تدريب

إقتباس الرسالة الأصلية كتبت بواسطة زعيم مرسيلي خمس ملايين كفايه عليه إلى متى إدارة الهلال تدفع مبالغ كبيرة؟!!!!

أخي الكريم لابد انك ماتخبس حق الاعب فالكل يرئ أو الأغلب من جماهير الزعيم يرون ان الشهراني افضل لاعب في الخارطه الزرقاء في هذا الوقت وأنا واحد منهم من وجهة نظري الاعب يستحق اقل شي عشره مليون والله يستأهل هالمبلغ يكفيك يااخي الكريم ان الاعب يريد الهلال لابد ان نكرمه بعشقه لهذا الكيان

صحيح وقع قبل سنتين ولعب سنه وجانا سنه بس قبل مايوقع مع الهلال وقع سنه اضافيه يعني باقي له سنتين

إقتباس الرسالة الأصلية كتبت بواسطة Abo rahaf السلام عليكم كما هو معروف عقد ياسر الشهراني ينتهي بانتهاء الموسم ويتبقى على عقده مع القادسيه سنه واحده بمعنى استعرناه بما يقارب 8 مليون ريال لموسم واحد حسب علمي ولست متأكد اذآ نشتري المتبقي من عقده بنفس السعر لان باقي على عقده سنه واحده فقط . القادسيه سيحاولون يرفعون العقد بس رغبه اللاعب بالهلال من صالحنا . الاداره غلطت السنه الماضيه المفروض اشترو كامل عقده عندما عرض ب 15 مليون . وهذي من غلطات الاداره المتكرره بس هذا مش شغلنا ( الشيوخ أبخص) . لاتصدقون الكلام ان الهلال يبي يشتري العقد ب 25 مليون ودخول بعض الانديه كذب وغير صحيح . القادسيه عندهم اختيارين لاثالث لهم : 1- بيع المتبقي من العقد ب 8 مليون للهلال 2- عدم بيع العقد وبعد سنه يروح للهلال ببلاش الاعب يبي الهلال لان الرياض قريبه من اهله بالشرقيه وايضآ الهلال هو النادي الوحيد الي يستاهل ينتقل له انصح الاداره بعدم دفع اكثر من 8 مليون وتراه واجده بعد . هذا رأئي وانشالله اني اصبت ( تحليل شخصي )

ربي يفضح غصب عن الواحد مهما يحاول ويحاول ينفضح بيده

الأدارة لازم تجيب الشهراني لو 100 مليون ..

وش علينا حنا بندفع شي ... كجمهور هلالي نطالب بياسر الشهراني ,, مهما كان الثمن ..!

ع الأقل خلو الأدارة تكون لها حسنة وحيدة بالتعاقدات المحلية اللي كلها فاشلة من الجيزاني والجمعان وطقته

ياسر الشهراني هلالي بأذن الله
وهذا تصريح وكيل اعمال الاعب بالامس

نعم لم يتبقى على عقده سوى سنه
وسيدخل الستة اشهر
ثم يحق له الإنتقال للهلال ببلاش
وهنا دور أعضاء الشرف في دعمه ماديا خلال هذه الفتره